قصص قصيرة مرعبه
مرحبا بك يا صديقي كيف حالك اليوم اتمني ان تكون بخير, اليوم سوف نعرض قصص قصيرة مرعبه وهيكون بطل هذه القصص المرعبه, المعالج بالقران الكريم الفتى المجهول الذي يحب ان يكون مجهول الهوية واذا كنت لا تعرف الفتى المجهول انصحك بدخول تقراء هذه القصة ==> قصة مرعبه حقيقية لا تنظر خلفك انه يشاهدك الان, وسوف تعرف من هو الفتى المجهول هيا بنا يا صديقي نبدا.
القصة الأولي
قبل بدا القراءة انصحك بفتح هذا الفيديو :
يبدا الفتى المجهول ويقول : طبعا كلكو عارفين ان اي معالج معرض انه يتأذي او اي حد من اهله يتأذي علشان كدا يوميا في حاجات بعملها علشان امنع اي جن يدخل البيت دماغكو متروحش بعيد علشان الطريقه دي بالقرأن وهيا ان الشقه تتمسح بميه وملح وايات وسور من القرأن الكريم بقرأها علي ميه والبيت كله يشرب منها وفيه جزء بيترش في اركان البيت من فوق حبيت بس اوضح النقطه دي.
اسمي الفتي المجهول 23 سنه وللمره المليون معالج بالقرأن الكريم فقط وليس لي اي علاقه بالروحانيات ولا بالكشف يعني محدش يكلمني ويقولي هبعتلك صوره واكشف عليا شوف فيه حاجه ولا لا كشفي بيكون عباره عن جلسه بعملها للشخص وللي الجلسه بتكون عباره عن قراءه قرأن وبعض من الادعيه والتحصينات.
نرجع لموضوعنا المفروض ان المعالج لما يعمل جلسه بيحذر الجن الاول مينفعش يحرق علطول من فتره كان فيه بنت بتعاني من مس عاشق وكان الجني ده بقالها عشر سنين في جسد البنت طبعا الفتره دي كبيره ومش سهل انه يخرج بسهوله وفي نفس الوقت فيه مشاكل كتير بتحصل.
المهم والدها كلمني ورحت المهم بعد جلسه استمرة حوالي 4 ساعات متواصلين قررت احرق الجني لانها حرق قلب اهل البنت وبالفعل حرقته, وبعد كده الدنيا هديت خالص وكله بقي تمام حصل احداث كتير بعد اليوم دا بس مش لزم احكيها كله بس هحكي اخر حدث حصل.
في يوم اخويا كلمني في وقت كان متأخر وقالي انتا فين قولتله تحت قالي طيب اطلعلي قولتله حاضر وطلعت اول ما دخلت الشقه جسمي تعبني قولت بيني وبين نفسي اكيد في حاجه مش مظبوطه اخويا اتكلم وقالي فيه حاجه غلط وشكله متعصب وقالي شوف فيه ايه الكورسي بيتحرك وبسمع اصوات بتتكلم وحاجات تانيه كتير.
قولتله انت معملتش الحاجات الي المفروض تعمل كل يوم رد عليها و قالي لا بقالي 3 ايام معملتش حاجه قولتله طيب انزل ومتخليش حد يطلع اين كان الي هيسمعوه قالي ماشي وبمجرد ما خرج من الشقه وقفلت الباب ونورة الشقه كلها وبعدها بخمس دقايق فصل نور الشقة وظهر نور خافت معرفش مصدره.
وفجأه لقيت قطه قدامي قولت انتي مين وعاوز ايه ومكنش فيه اي اجابه قولت هدخل الاوضه ومستنيك تيجي تتكلم معايا اول ما دخلت الاوضه سمعت زجاج الشقه كله بيتكسر متحركتش من مكاني علشان عارف الي فيها اتكلمت وقولت بصوت عالي بلاش استفزاز علشان زعلي وحش عدي حوالي عشر دقايق ولقيت حد بيخبط علي باب الاوضه.
قولتله انت مين بقي وعاوز ايه سمعت صوت بيقول انت حرقت ابني ولزام تتحرق زي ما حرقت ابني فضلت اضحك وقولت ولله ضحكت وقولتله هتعرف تعمل الي بتقول عليه ولا مش هتقدر رد وقالي هقدر وظهرت نار بسيطه طالعه من تحت السرير فضلت قاعد ومتحركتش ولا حتي اتكلمت.
عدي وقت مش طويل والنار لسا زي ما هيا اتكلمت وقولت ها مش ناوي تخلص بقي وتخلي النار تحرقني سمعت صوت مش هعرف اوصفه لان فعلا هوا مافيش له وصف ضحكت للمره التانيه وكأني بتكلم معي واحد صاحبي وقولتله ايه مالك تحب نشوف مين الي هيحرق التاني.
وابتديت اقرأ ايات من سوره البقره صرخ سكت وقولتله عرفت مين الي يقدر يحرق التاني رجع النور تاني وخلينا نتكلم راجل لراجل قالي انتا ازاي بتتكلم كدا انتا متعرفش انا مين قولتله سمعت الكلمه دي كتير هتقولي ملك ملوك الجن والكلام ده مش هيفرق معايا خالص و النور رجع وشوفته قدامي.
قولت مش لزم اقول تفاصيله وشكله عامل ازاي المهم شوف انت عاوز ايه وهتلاقيني معاك قالي انت لزم تيجي معايا ولزام تموت قولتله يلا خلينا نخلص اتكلم وقالي تصدق انك بجح قولتله عارف بصيت لقيت فيه كذا حد ظهر من العدم وكتفوني وانا كنت مستسلم تماما.
ولقيت يتكلمون بكلام مش مفهوم في الوقت دا حسيت ان دماغي حرفيا فيها صداع قوي جدا لدرجه اني حسيت ان دماغي ممكن تتفجر ابتديت اقرأ ايه الكرسي كله خرج بره الاوضه وسكت ورجعو تاني قولتلهم انتو اضعف من اي بني ادم ضعيف فا بلاش انا لاني والله لو عاوز احرقكم حالا هعمل كدا, وده كانت اول قصة من قصص قصيرة مرعبه.
- أنصحك بقراءة ===> ما هو علم قراءة الفنجان وهل قراءة الفنجان صحيحة وهل هو حرام أم حلال
القصة التانيه
اول امبارح مش متذكر بالظبط علي ما اعتقد يوم 4 / مارس / 2021, المهم واحد صاحبي كلمني وقالي ان فيه بنت قريبته تعبانه من بره البلد وعلي ما روحنا لقينا جدها جاب معالج قولت لصاحبي مفيش مشكله وانا معاك لحد ما نطمن اخو البنت طلب مني ادخللهم الاوضه.
قولت لا هوا اكيد طلب ان محدش يدخل قالي ايوه بس عادي قولتله هوا اكبر مني في السن واكيد في العلم فا مينفعش ادخل من غير ما يطلب مني وفضلت قاعد معاهم وبعدين حسيت اني بردان وفجاه الجوه اتغير 180 درجه وحسيت ان الجو حر بدرجه فظيعه وجسمي بدأ يتعبني جداََ.
فجأه قومت وخبطت علي الاوضه سمعت واحد بيزعق وبيقول انا مش قولت محدش يفتح الباب او يخبط علي الباب انا حاسس ان الصوت دا مش غريب عليا خبطت تاني قال الي هيدخل هيتأذي وبعدين سمعت ضحك وهمس محستش بنفسي غير وانا بكسر الباب.
مش اي حد يدخل بيتك او مش اي حد يقولك انا بعالج بالقران تصدقه علي طول, احترس يا صديقي خلي بالك من نفسك ومن اهل بيتك وده كانت القصة التانيه من قصص قصيرة مرعبه.
- أنصحك بقراءة ===> قصة جزيرة الدمى صور وفيديوهات من داخل جزيرة الدمى المسكونة
القصة الثالثة
مريت بحاجات كتير تتخطي الخيال لدرجه ان انا مش مصدق بعض من الحاجات الي مريت بيها بدايه الاحداث من اسبوع تقريبا صديق ليا مسافر في دوله الامارات كلمني علي الفيس بوك وبيقولي ايه يابني من ساعت ما اتقابلنا صدفه وقعدنا معي بعض مشوفتكش تاني.
قولتله نعم انت بتهزر اتقابلنا ازاي قالي قابلتك صدفه وقعدنا مع بعض وحلف انه شافني وقعد معايا قولتله يمكن واحد شبهي قالي لا بقولك انت قولتله انا مسافرتش اصلا يابني فضلت ساكت شويه ورد وقالي لا انت شكلك كدا عاوز تعمل فيا مقلب قولتله طيب انا هكلم اخوك يجيلي.
وتكلمه بنفسك علشان تتأكد اني مسافرتش, وفعلا كلمت اخوه وجالي وحكيتله اللي حصل واتصلت بصحبي وخليتها اخوه يكلمه وقاله يابني صدقني الفتي المجهول مخرجش بره البلد واتكلمنا شويه وخلاص مشغلتش بالي بالموضوع وقولت عادي بقي تاني يوم عدي طبيعي.
اليوم الثالث واحد صاحبي كلمني من البلد وقالي اي خدمه غلبتك امبارح في البلاي ستيشن بس بصراحه امبارح كان يوم حلو قولتله انت شارب حاجه يابني انا مجتش عندك امبارح قالي انا برضو الي شارب انت جيت ونمت عندي سكت واتكلمنا شويه في الي حصل ومشيت.
ولما وصلت البيت لقيت اخويا بيكلمني وهوا في الشغل وقالي خلصت ولا لسه قولتله خلصت ايه قالي يابني انت مش كنت جاي مشوار وعديت عليا في الشغل وقعدت معايا شويه ومشيت فضلت ساكت لأني مش عارف ارد اقوله ايه لقيته بيقولي ساكت ليه قولت له ايوه انا خلصت المشوار.
وهروح اهو وقفلت لما جه من الشغل قولتله علي فكره انا مجتش ليك الشغل قالي يا راجل اومال مين الي جه العفريت بتاعك قولت له تقريبا كدا بس فعلا والله انا مجتش ليك الشغل انا كنت عند واحد صاحبي في الوقت دا ولما كلمتني كنت في البيت قالي متهزرش قولتله والله ما بهزر.
ومستعد اكلمه اخليه يجي وتسأله اخويا حرفيا اتصدق وقالي اومال مين الي جالي قولتله معرفش وحكيتله علي الي حصل قبل كدا وفي يوم اللي حصل كان مختلف شويه خرجت اجيب طلب من بره كانت الساعه 3:12 بعد منتصف الليل كانت الشوارع شبه فاضيه.
الخاتمة
انت لست وحدك في هذا الكون يا صديقي هناك كائنات كثير انت لا تعرف عنه شئ, لا تقترب من هذا العالم اقترب من الله لكي تكون محصن من شر كائنات الظلام وفي نهاية المقالة أتمني أن تكتب رأيك في تعليق وتتجول في موقعي قليلا حتي لا تصيبك اللعنة.