recent
أخبار ساخنة

وصفة الموت قصة قصيرة مرعبة من اقوي قصص الرعب - الويب المظلم

Dark
الصفحة الرئيسية

 

قصة قصيرة من اقوي القصص المرعبة 

وصفة الموت قصة قصيرة مرعبة  من اقوي قصص الرعب - الويب المظلم



مرحبا بك يا صديقي كيف حالك اليوم اتمني ان تكون بخير, اليوم سوف اعرض لك قصة قصيرة مرعبة  بقلم اشرف مكرم وسوف تجد لينك صفحته اسفل المقالة , اريد ان اسالك سؤال يا صديقي هل يمكن ان تتحول الي شيطان لكي تصل الي هدف من اهدافك اريد ان تكتب جوابك في التعليقات,  وأريد منك قبل القراءة




ان تجلس في مكان هادي و ان يكون معك مشروبك المفضل و ان  نشغل هذا الفيديو الذي سوف تجدها في الأسفل لكي تكتمل الدائرة وتصبح مؤهل انك تقرا قصص رعب, واذا كنت في ظروف لا تسمح فلا تفعل هذه الأشياء هيا بنا نبدأ يا صديقي


وصفة الموت 





القصة بعنوان وصفة الموت ويبدا الكاتب ويقول اسمى ندى عندي خمسة و عشرين سنة مخلصة كلية تجارة و بشتغل في محل صرافة والدى و والدتي موظفين و ساكنين في منطقة راقية جدا من مناطق مصر الجديدة تقدروا تقوله ان حياتي متوفر فيها كل شيء و كل شيء مثالي






و جميل لكن عندي مشكلة واحدة بس المشكلة ديه مش هيحس بيها غير اللي عايش فيها و ملازماه طول حياته انا تخينة جدا انا ممكنا عدى المشكلة لو كان وزنى زايد حبتين تلاته لكن المشكلة انى تخينة جدا تخينة التخن اللي لمه تشوفه تضحك على منظره انا عارفة اقد ايه



منظري كان مضحك جدا في الكلية و ياما اخدت تريقه من زمايلى و زميلاتي في الكلية لكن مكنتش عارفة اعمل ايه جربت كل حاجة  جربت اعمل ريجيم  جربت امارس رياضة  جربت اعمل عملية شفط دهون لكن كل ده مجبش معايا نتيجة في الاخر لقيت نفسى مجرد راس على كتلة كبيرة


وصفة الموت قصة قصيرة مرعبة  من اقوي قصص الرعب - الويب المظلم



من الدهون بتحرك فضلت مدة طويلة افكر في المشكلة ديه لحد ما لقيت الحل لحد ما شفت الحل موجود ادمى بالتحديد لحد ما قابلت دعاء صاحبتي دعاء صاحبتي كانت تخينة جدا زمان بس لما شوفتها وقتها لقيتها رفيعة جدا انا مكنتش عارفة هي عملت ايه عشان يبقى جسمها



مثالي بالشكل ده فرحت جدا بشكلها و جسمها ده و روحت عشان اسألها و اقولها عملت ايه عشان تبقى كده لكن ردها كان غامض جدا رد لا يمكن كنت اتوقعه او اخمنه " ايوه يا ندى انا عملت عمل عند دجال هو اللي خلاني اخس بالشكل ده "



" أزاي يعنى ؟ انا اعرف ان اللي بيروح لدجال ده عايز يعمل سحر او حجاب انما يروح عشان يخس ديه اللي انا مش فهماها " " والله يا ندى انا ذات نفسى مكنتش فاهمة في الأول انما بعد ما خسيت بالشكل ده صدقت عايزة نصيحتي روحي و جربى " و فعلا عملت بنصيحة دعاء وخدت العنوان و روحت






عند الدجال ده في الأول كنت مرعوبة انى اروح العنوان ده لكن رغبتي في انى اخس كانت اقوى من خوفي و رعبي رحت على العنوان و رنيت الجرس كان شقة جديدة في عمارة فخمة كنت فأكرة انه عشان دجال هروح له في منطقة موبوءة لكن الصراحة المنطقة كانت راقية جدا


وصفة الموت قصة قصيرة مرعبة  من اقوي قصص الرعب - الويب المظلم





والشقة كانت جديدة بمجرد ما رنيت الجرس فتحت لي واحدة عجوزة جدا و رفيعة اوى كانت لبسة جلابية سودة و طرحة قتلها " لو سمحت انا كنت عايزة اقابل" لقيتها قطعت كلامي و قالت لي " انا عارفة كل حاجة هو مستنيكى جوه " استغربت جدا من كلامها هو أزاي عرف انى




رايحة له مكنتش فاهمة حاجة في الأول لكن الاخر عرفت كل حاجة الخدامة العجوزة شاورت لي بعدها على اروضه مقفولة جوه و قالتلى " هو مستنيكى جوه " روحت و خبطت على باب الاوضه اللي جوه لقيت صوت بيقولى" ادخل " بعد ما دخلت لقيت شخص لابس بدلة سودة



و قاعد على كرسي و ادامه مكتب ضخم كنت حاسة انه دكتور مش دجال اول حاجة عملها لما دخلت طلب منى انى اقعد على كنبة قريبة من المكتب و طلب منى انى احكى مكنتش عارفة احكى ايه بالضبط .بس حكيت له المشكلة اللي انا جايله عشانها طلبت منه و اترجيته انه يساعدني



عشان اخس و اقد ايه انا خدت تريقه من زمايلى على وزنى ده كنت بحكى و هو بيهز راسه و بيضحك و بيقول كلمة واحدة بس " هينفع هينفع " كنت مستغربة جدا من كلامه ده هو ايه اللى هينفع ؟ انا مش فاهمة حاجة بعد ما خلصت حكى قام من على المكتب و طلع


وصفة الموت قصة قصيرة مرعبة  من اقوي قصص الرعب - الويب المظلم


من الدولاب أزازه فيها سائل احمر غريب عامل زي الدم مد ايده لي عشان اخد الازازه و قالي بصوت كله رعب و خوف " اشربى نص اللي في الازازة " مكنتش عارفة اعمل ايه كنت متوترة جدا بصت له و انا مش فاهمة اعمل ايه عشان يقول تانى " بقولك اشربى نص الازازة "



بكل رعب و خوف شربت نص الازازة كان سائل طعمه غريب جدا لو كان دم حقيقي مكنش هيكون بالمرارة ديه بعد ما شربت نص اللي في الازازة قالي " النص التانى من الازازة تفضيه في بوق واحد ميت " قلتلها : " يعنى ايه ؟ مش فاهمة؟ " قالي بصوت كله ثقة " مع السلامة يا انسة ندى المقابلة انتهت "



و شاور لى على باب الخروج حقيقى مكنتش فاهمة يعنى ايه افضى الباقى فى بوق واحد ميت يعنى اعمل ايه ؟  اروح المقابر و ادور على جثة و افضى الازازة فى بوقها اعمل ايه بس ؟  اخدت شنطتى اللى فيها النص التانى من الازازة و طلعت بره و انا مش عارفة ازاى انفذ الخطوة



التانية رجعت البيت و نمت و قمت على مغص فظيع فى بطنى معدتى كانت بتتقطع ميت حتة لكن فضلت ساكتة و مستحملة مكنتش عايزة حد يعرف انى بتألم مكنتش عايزة حد يعرفانى بطنى بتتقطع لأنهم لو عرفوا ممكن يعملولى غسيل معدة و يروح مفعول السحر اللي عملته 


وصفة الموت قصة قصيرة مرعبة  من اقوي قصص الرعب - الويب المظلم


بعد اربع أيام عن الموضوع ده حصلت حاجة مكنتش مدبرة واحدة صاحبتى امها توفيت و كان واجب عليا انى اروح اعزيها فرحت جدا بالخبر ده و مسكت الازازة بتاع الدجال و حطتها فى الشنطة و انا برتب في دماغي أزاي هفضى نص الازازة في بوق ام صاحبتي اللي ماتت اول



ما رحت البيت لقيت صاحبتى قاعدة على السرير لوحدها و جنبها على السرير امها اللى ماتت  صاحبتى كانت بتبكى جامد اول حاجة عملتها انى شدت صاحبتى من على السرير و قلت لها " ما تعيطيش انتى كده بتعذبيها لازم تروح تغسلى وشك دلوقتى يالا " صاحبتى عملت بالنصيحة و خرجت من الاوضة



عشان تغسل وشها انتهرت انا الفرصة و قفلت عليها الاوضة و فضيت نص الازازة فى بوق الجثة اللى على السرير بعد ما فضيت الازازة مسكتها و حطيتها جو الشنطة لكن حصلت حاجة مش لقية لها اى تفسير الجثة اللى على السرير بطنها بقت بتتنفخ بطريقة رهيبة كانت بتتنفخ كأنها


وصفة الموت قصة قصيرة مرعبة  من اقوي قصص الرعب - الويب المظلم


بالونة فجاة لقيتها مسكت ايدى الجثة مسكت ايدى ايوه زى ما بقولك كده كانت ماسكة ايدى و مش عايزة تسيبها مكنتش مصدقة اللى بيحصل الجثة بشكل ما رجعت من الموت حاولت اخلص ايدى منها لكن ما كنتش عارفة فجاة لقيت تليفون قديم جنب السرير بسرعة



مسكت التليفون بايدى التانية و فضلت اضربه بكل سرعة و قوة على رأس الجثة عشان تسيب ايدى و اجرى على باب الاوضة فتحت باب الاوضة بسرعة و اول ما فتحته لقيتها ادامى الجثة لقيتها ادامى مرة تانية كانت بتمشى بحركة بطيئة و كانت فاتحة بوقها على الاخر و سائل احمر



بينزل من بوقها رجعت لورا بخوف مكنتش عارفة اعمل فضلت ارجع لورا لحد ما هجمت عليها و وقعت على الارض و فقدت الوعى اول ما فقت لقيت نفسى نايمة على كنبة و صاحبتى و اهلها واقفين جنبى كانوا عايزين يطمنوا عليا سألتهم ايه اللى حصل ؟ صاحبتى


وصفة الموت قصة قصيرة مرعبة  من اقوي قصص الرعب - الويب المظلم


قالت لى انها راحت عشان تغسل وشها رجعت لقيتنى مرمية على الارض فى الاوضة حاولت استدرجهم عشان اعرف فى حاجة تانية شافوها لكن واضح انهم ما شافوش حاجة خرجت من بيت صاحبتى و رجعت البيت مر يوم و اتنين و تلاتة و مع اليوم التالت و انا بلبس هدومى حسيت



ان انا خسيت كدبت عينيا و قولت لنفسى لا ده اكيد مش حقيقى لكن فى يوم فى التانى فى العاشر لقيت نفسى فعلا بخس انا فعلا بتغير وزنى كان بينزل انا مكنتش مصدقة ان المفعول اشتغل بالسرعة ديه بعد شهر بالظبط جسمى بقى مثالى الجسم الجميل اللى اى بنت عاوزه بقيت

 

بلبس لبس جميل و كل اللى حواليا بيقولوا لى ما شاء الله عليكى انتى بقيتى قمورة ازاى خسيتى و بقيتى بالشكل ده انا كنت فرحانة و طايرة من الفرحة و السعادة لأنى خسيت لكن الموضوع ما وقفش لحد هنا المصيبة انى فضلت اخس فضلت اخس اكتر و اكتر و اكتر و بعد الشهر التانى بقيت نحيفة جدا و عظمى بقى بارز لبره بقيت



عاملة زى اللى عايشة فى مجاعة و بأكل كتير جدا لكن مفيش حاجة بتبان عليا ده غير ان انا كل يوم لما بنام بالليل بشوفها ايوه بشوفها بشوفها فى البلكونة بالليل ام صاحبتى بشوفها واقفة في البلكونة و عايزة تدخل و في مرة دخلت و لقيت بوقها نازل منه حاجة عاملة زى الدم بس هو مش



دم ده السائل الأحمر اللى انا سقيته فى بوقها قربت منى و انا نايمة على السرير و جسمى كله متكتف و مشلولة و مش عارفة اتحرك و وطت رأسها لحد ما بقت فى وش رأسى و قالت لى : " ليييييييييه ؟ ليييييييييه ؟  عملتى فيا كده لييييييييه ؟  " من كتر الرعب صرخت بأعلى صوتى عشان كل


وصفة الموت قصة قصيرة مرعبة  من اقوي قصص الرعب - الويب المظلم


انصحك بقراءة ==> لعبة الويجا و لعبة منتصف الليل هم العاب شيطانية لا تفكر ان تجرب هذه الالعاب

اللى فى البيت يسمعونى و يدخلوا الاوضة و بمجرد ما دخلوا اختفت تماما حاولوا يهدونى لكن انا كنت خلاص فقدت هدوئى و اعصابى بقيت عاملة زى المجنونة مش ضايقة اسمع كلمة من حد و مع كل اللى انا فيه ده لسه بخس فضلت اخس لحد ما وشى بقى شاحب زى الميتين قولت اتصل بدعاء صاحبتى اشوف ايه اللى حصلها



ليه هى ما خسيتش زى ؟ مامتها ردت عليا مامتها قالت لى بصوت كله حزن و حسرة " دعاء ماتت دعاء ماتت بقالها شهر انتى جاية تسألى عليها بعد ما ماتت بشهر " اول حاجة عملتها بعد الجملة ديه ان انا صرخت صرخة طويلة من كتر ما كانت الصرخة قوية



التليفون اترمى على الأرض بقوة مكنتش مستوعبة الموقف يعنى ايه ؟ يعنى انا هموت ؟ يعنى نهاية اللي انا فيه ده موت خدت بعضى و جريت و ركبت تاكسي و رحت للدجال بسرعة خبطت على باب الشقة لحد ما فتح لكن اللى فتح المرة ديه مكنتش الست العجوزة كان هو نفسه


وصفة الموت قصة قصيرة مرعبة  من اقوي قصص الرعب - الويب المظلم



اول ما شافنى ابتسم و قال لى " خسيتى اهوه و بقيتى زي الفل " " خسيت ايه ؟ انا بموت انا كمان شوية هختفى "" طب ادخلى  ادخلى "" انت عملت فيا ايه انت قضيت عليا "" مش انتى اللى كنت عايزة ده مش انتى اللى جيتى و قولت لى عايزة اخس "" انا ما طلبتش منك انى اموت انا طلبت انى وزنى يبقى طبيعى "



واذا برد مكنتش متوقعاه " انتوا كده انتوا كده يا ولاد ادم مفيش حاجة تملى عينكم و لا ترضيكم ده الفرق بينا و بينكم ان احنا راضين لكن انتم مصيركم النار " قولتله " هو مين انتم ؟ و مين احنا ؟ " " احنا اللى سكننا الارض قبلكم احنا اللى كنا معمرين الارض قبلكم و انتم اللى جيتم خدتوا




منا كل حاجة احنا الاصل احنا اللى كنا موجودين و انتوا كنتم حفنة تراب " الدنيا لفت بيا اول ما بدأ يقول الكلام ده انا مكنتش مستوعبة او فاهمة هو عايز يقول ايه كمل كلامه و قال" الست اللى قابلتك المرة اللى فاتت خلاص ماتت ديه كانت شابة على فكرة زيها زيك و برضوه



جات هنا عشان اشوف لها حل انتى بقى تيجى تقضى لك المدة اللى فاضللك هنا و لو انا رضيت عنك هسيبك عايشة و تبقى الخادمة بتاعتى صاحبتك بقى لما جات لى و قولتلها تبقى الخادمة مكان اللى ماتت قالتلى لا قولتلها طب خلاص هتحصلى اللي ماتت على طول و فعلا ماتت 



خليكى انتى بقى شاطرة و زى الفل و كملى بس صدقينى لو عملت اللى مطلوب منك انا هخليكى تعيشى كل اللى مطلوب منك انك تكونى الخادمة بتاعتى هتقابلى ناس و تقولهم اللى هقولهلك هبعتك المقابر و تفتشى فى جثث الميتين و هديلك اعمال تحطيها فى الاكفان حاجات بسيطة يعنى و تنسى بقى اهلك

وصفة الموت قصة قصيرة مرعبة  من اقوي قصص الرعب - الويب المظلم


و تنسى كل حاجة " قولتله" و لو ما عملتش "" براحتك ما تعمليش هيبقى ادامك بالظبط تلات ايام تلحقى بقى تسلمى على صحابك و حبابيك و ابدأى صلى بقى كتير عشان خلاص الموضوع بيشطب " فى الاخر وافقت ايوه وافقت انا مش عايزة اموت و معنديش استعداد انى افقد حياتى


 

وافقت عشان ما اموتش وافقت عشان افضل اتنفس و انا ميتة وافقت عشان اطلع نفس و اخرج نفس لكن انا فى الحقيقة ميتة  فى مرة حاولت اهرب لكنه بعتهم ورايا و قدروا يجيبونى عنده خدامه من الجن و الانس قدروا يرجعونى تانى و انا لحد دلوقتى معرفش المذكرات اللى بكتبها ديه يعرف عنها حاجة و لا لا



هو دجال مشهور اوى في روض الفرج اسألوا عنه في روض الفرج و لو جيتم و لقيتم واحدة عجوزة بتقابلكم على باب شقته اعرفوا ان عندها خمسة و عشرين سنة و كان كل حلمها في الدنيا انها تخس 

الخاتمة 

وفي نهاية المقالة اتمني ان تكون استفد وأريد منك ان تكتب رايك في تعليق وان تشترك في جروب الفيس بوك وان تتجول قليلا في موقعي حتي لا تصيبك اللعنة.

وصفة الموت قصة قصيرة مرعبة  من اقوي قصص الرعب - الويب المظلم
Dark

تعليقات

ليست هناك تعليقات
إرسال تعليق
    google-playkhamsatmostaqltradent