recent
أخبار ساخنة

سكان البيت قصة قصيرة رعب لن تستطيع النوم بعد قراءة القصة - الويب المظلم

قصة قصيرة رعب سكان البيت


سكان البيت قصة قصيرة رعب لن تستطيع النوم بعد قراءة القصة - الويب المظلم



مرحبا بك يا صديقي كيف حالك اليوم اتمني ان تكون بخير, اليوم سوف اعرض لك قصة قصيرة رعب القصة بقلم يوسف ابو الفتوح وسوف تجد لينك صفحته علي الفيس بوك لمن يريد التواصل مع الكاتب في نهاية القصة وأريد ان اسالك سؤال يا صديقي هل تصدق في وجود الجن و التلبس الشيطاني والسحر 




والاعمال ام هذه مجرد تخريف بنسبة لك , اريد منك ان تكتب الإجابة في التعليقات , وأريد منك قبل القراءة ان تجلس في مكان هادي و ان يكون معك مشروبك المفضل و ان تشغل هذا الفيديو  الذي سوف تجدها في الأسفل واخفض الصوت قليلا حتي تستيطع ان تقرا لكي تكتمل الدائرة وتصبح مؤهل انك تقرا قصص رعب, واذا كنت في ظروف لا تسمح فلا تفعل هذه الأشياء هيا بنا نبدأ يا صديقي


قصة قصيرة رعب 



القصة بعنوان سكان البيت 



القصة هي بنسبة كبيرة تجربة حقيقية ويبدا الكاتب ويقول انا فريد عثمان انا من ضمن ناس كتير بقول أن السحر والاعمال دي خرفات ومش حقيقية لكن في الواقع السحر والاعمال موجودين وليهم الف دليل والي مش مصدق يسمع مني الموقف الي حصل معايا أول حاجة انا عندي 3 اخوات كلنا ولاد وانا اصغر واحد في اخواتي انا كنت بحب الحياة وبحب اهزر واضحك



و ارقص و كنت بحب دائماً اغني في الحمام و ارقص قدام المرايا  كانت امي تقول لي يا فريد يا ابني بلاش تغني في الحمام وبلاش ترقص قدام المرايا يا ابني  غلط الي انت تعملوا انا دائماً كنت بقول لي امي يا ماما بلاش تصدقي كلام الناس فيها أي يعني لما اغني في الحمام ولما ارقص قدام المرايا يا ماما السحر والمس الشيطاني والاعمال والكلام ده تخاريف كانت بتقولي  يا ابني اسمع الكلام  احسن ما يحصلك حاجة 




و في الأيام دي كان سني 18 سنة كنت لسه صغير ولم كبرت وبقا عندي 27 سنة حصل معايا حاجة غريبة  كل ما اخش الحمام احس أن في حد واقف ورايا ابص ورايا ملقيش حد كنت بقول عادي دي تخاريف أو إرهاق من الشغل و جيت في مرة وانا خارج من الحمام شوفت واحدة جوة الحمام وكان شكلها صعب جدا كانت لبسا فستان ابيض وكله دم وعيونها كانت عبارة عن حفرة من الظلام


سكان البيت قصة قصيرة رعب لن تستطيع النوم بعد قراءة القصة - الويب المظلم


وكان شعرها  اسود مجعد وكان عامل زي شكل التعابين خوفت من المنظر وقفلت باب الحمام بسرعة ولقيت ضربات قلبي سريعة جدآ من كتر الخوف ولم دخلت الأوضة بتعتي وبصيت في المرايا لقيتها واقفة ورايا وبتقرب مني فضلت واقف مكاني مش قادر اتكلم ولا قادر اتحرك كاني بقيت مشلول ولقيتها هي وقفت جنبي وبصتلي وشورت علي المرايا بصيت في المرايا لقيت شكلي كله متغير شكلي كان مقرف جدا




لقيت جسمي كله عليه دود و دم أسود علي جسمي  بطريقة فظيع جدا مقدرتش استحمل المنظر وفقدت الوعي ولم فوقت  لقيت نفسي نايم علي السرير استغربت قولت مستحيل يبقا كل ده حلم قومت وبصيت في المرايا لقيت دودة علي كتفي مسكتها ودوست عليها  واول ما دوست عليها سمعت صوت صريخ شديد جدا اكني حد بيتعذب اتفزعت وبصيت علي الدودة ملقتش حاجة خرجت من الأوضة



لقيت امي واخواتي نايمين طلعت وفضلت قاعد في الصالة و عمال افكر في الي حصل هو الي حصل ده كان حلم و لا كان حقيقي الله اعلم مش عارف وقولت لي نفسي طب لو حلم الدودة دي جات منين من كتر التفكير تعبت وقولت اخش الأوضة أنام دخلت الأوضة ونمت علي السرير بعد ما نمت بي ساعة وانا نايم حسيت اني في حاجة بتمشي علي جسمي صحيت من النوم ولقيت السرير كله دود والدم الأسود



في كل مكان في الأوضة ولقيت الست الي شوفتها في الحمام واقفه قدام السرير ومسكة تعبان أسود كبير خوفت جدا  فضلت اصرخ واصرخ لحد ما لقيت باب الاوضة اتفتح ولقيت امي واخواتي بيقولوا مالك فيك اي يا فريد بصيت حوليا ملقتش اي حاجة من الي كانت موجودة ما بقتش عارف اقول اي قولت لهم مفيش حاجة انا بس حلمت بي كابوس مزعج ولقيت امي قالت لي اخواتي كل واحد يروح ينام وانا هقعود مع فريد شوية.


 

و امي فضلت قاعدة معايا وقالت لي فريد انت فيك اي يا ابني بقالك كام يوم متغير: قولت لها مفيش يا امي انا بس تعبان شوية بسبب الشغل : قالتلي يا فريد  يا ابني  هقولك علي حاجة انت أول مرة تعرفها  انا يا فريد شوفتك من يومين واقف بليل قدام المرايا وكنت بتكلم حد ولم بصيت عليك كان شكلك غريب وبعدها لقيتك روحت نمت علي السرير وانا كنت عايزه اقولك بس قولت يمكن تكون بتحلم أو بتمشي وانت نايم


سكان البيت قصة قصيرة رعب لن تستطيع النوم بعد قراءة القصة - الويب المظلم


بس يا ابني انا كده اتاكدت انك اتلبست من الجن متخبيش عليا حاجة عشان اقدر اساعدك : قولتلها أي الكلام الي بتقولي ده يا امي هو يعني عشان تعبان شوية خلاص بقيت ملبوس وعليا جن كمان بصي يا امي انا سليم ومفيش حاجة من الي بتقوليها حصلت عشان انا من يومين كنت بايت في الشغل ومرجعتش من الشغل غير الصبح وياريت يا امي تشيلي كلام الناس الي انتي حطا في دماغك ده ده كلام فارغ 





قالتلي طيب يا ابني برحتك طلامه انت شايف نفسك سليم يبقا حقق عليا وبكره لم اموت هتفتكر كلامي كويس وبعدها خرجت امي من الأوضة وكانت زعلانة مني فضلت قاعد شوية وقولت لي نفسي أي الي انا عملتوا ده وقومت أخرج من الاوضة عشان اصلح امي وانا لسه بفتح باب الأوضة سمعت صوت حد ماشى ورايا بصيت ورايا ملقتش حد بصيت قدامي لقيت وش بشع قدام وشي اترعبت من المنظر وصرخت بصوت عالي



و بحاول افتح الباب الباب مش راضي يفتح  ولقيت من تحت السرير طالع تعبان اسود ولقيت من سقف الاوضة دود بينزل علي الارض ولقيت جدران الاوضة بتنزل دم وسمعت صوت صفارة في ودني وصوت الصفارة عمال يزيد ويزيد لي درجة صعب اتحملها وقعت علي الارض و بعد دقيقة تقريباً لقيت صوت الصفارة اختفه بصيت في الاوضة لقيت كل حاجة زاي ما هيا ولقيت باب الأوضة مفتوح



ولقيت امي واقفه قدامي وبتقول لي صدقت يا ابني أن ده جن وانت لو فضلت تتكبر علي كلامي هتموت كافر او هتموت مجنون اسمع كلامي يا ابني وتعاله نروح لي شيخ يقدر يساعدك قولتلها انتي واقفه هنا من امتا قالتلي انا واقفه من اول ما لقيتك بتصرخ  وفتحت الباب ولقيتك قاعد علي الارض وحطيت ايدك علي ودنك يا ابني انا عايزه اساعدك بلاش تتكابر يا ابني 


سكان البيت قصة قصيرة رعب لن تستطيع النوم بعد قراءة القصة - الويب المظلم


قولتلها طب انتي عايزاني اعمل ايه ؟ قالتلي هتنزل معايا لي الشيخ و تقول كل الي بيحصل معاك لي الشيخ وبعدها أن شاء الله ربنا يبعد عنك الشياطين قولتلها ماشي يا امي انا هنزل معاكي وفعلآ نزلت مع امي لي شيخ معروف عنه انوا بيساعد الناس ومش بيخود فلوس والشيخ كان قاعد في بيت  قديم و صغير دخلت لي الشيخ وقولت له الي بيحصل معايا الشيخ قالي يا فريد الي بيعملوا فيك كده دول اهل البيت



ودول اصعب ما في الأرض  عشان دول لم حد بيديقهم هما مش بيسبوا وبيخلوا يقتل نفسه أو يخلوا مجنون أو يبقا معهم في العالم الاخر والي بيروح العالم ده عمروه ما هيبقا عايش علي الارض هيبقا مختفي من الدنيا وهيعيش معهم وهيبقا عبيد ليهم ودي نهاية المطاف قولتلها طب انا معملتش حاجة ليهم دول هما الي مش سايبني في حالي



قالي مستحيل يا فريد يعملوا معاك كده من غير سبب  اكيد يا فريد كنت بتعمل حاجة غلط والحاجة دي هي الي خالت اهل المنزل تعمل فيك كده و قالي أنت بتصلي ، قولتله الصراحة بصلي بس مش منتظم علي الصلاه قالي طب انت بتقف قدام المرايا كتير قولتله الصراحه المرايا في الأوضة والسرير الي بنام عليه قدام المرايا وانا بحكم اني قاعد في الأوضة فا ساعات بسرح قدام المرايا 



وبعدها لقيت الشيخ طلع ورقة وكتب عليها حاجات غريبة وقال لي حط ايدك علي الورقة وغمض عينيك وقول لي انت شايف اي  حطيت ايدي علي الورقة و غمض عيني ولقيت نفسي في مكان غريب لقيت نفسي في مكان كله زرع و قدامي النيل وقولت لي الشيخ اللي انا شيفوا  وبعدها لقيت النيل اتحول لي دم ولقيت الزرع مات ولقيت كلب اسود طالع من النيل وبيجري عليا 



اتفزعت وفتحت عيني وكنت خايف جدا والشيخ قال اي الي خلاك  تفتح عينيك قولتله النيل اتحول لي بحر دم و الزرع مات و لقيت كلب اسود كبير بيجري عليا فا انا خفت وفتحت عيني  قالي يا فريد معنا كلامك خطير جدآ وانا يا ابني مش هقدر اسعدك قولتله ليه مش هتساعدني  قالي يا فريد الي معاك اقوي مني بكتير وانا لو فكرت اساعدك هبقا حكمت علي نفسي ب الموت



معلش يا فريد انا مش هقدر اساعدك  والي هيقدر يساعدك مش هيعيش فا يا ابني سيب البيت ده وامشي منه ده الحل الوحيد ليك ولي عئلتك  بعدها مشيت  انا وامي وقالتها امي هنعمل ايه الشيخ اللي كنت جيباني لي  مش هيقدر يساعدنا  قالتلي هنسيب البيت يا فريد طلامه  هو ده الحل  قولتلها أنتي هتسمعي كلام الراجل ده لا يا امي احنا مش هنسيب البيت ولا هنروح في حته 


سكان البيت قصة قصيرة رعب لن تستطيع النوم بعد قراءة القصة - الويب المظلم



قالتلي يا فريد احنا لو ماسبناش البيت هما مش هيسبونا اسمع الكلام يا ابني انا بيني وبين الموت محطة اسمع الكلام ورايحني يا ابني  وللأسف سبنا البيت الي عشت في عمري كله وروحنا اخدنا بيت جديد و البيت القديم كل فترة اروح ابص عليه والقي واحده واقفه في البلكونه وتختفي و الجيران الي في البيت مشيوا وسابوا البيت بسبب الي حصل معهم والبيت كله بقا فاضي



و مفهوش حد وانا فضلت فاكر الي حصل معايا لحد دلوقتي وكل فترة بحلم بي الي حصل معايا  و بعد سنة قبلت شيخ و قولتله علي اللي حصل معايا الشيخ قالي  اول حاجه الحلم الي انت حلمت بي ده معنا أن في حد عملكم عمل والعمل ده  جوه كلب ميت  ورما الكلب في النيل عشان صعب الوصول لي العمل وكمان عشان يفضل باب العمل مفتوح قولتله طب و ايه الحل 



قال الحل صعب عشان تفك العمل لازم يبقا في ضحية وعقد  يتعمل مع الشياطين عشان يقبل الضحية  قولتله طب والضحية دي عبارة عن ايه قالي انسان  قولتله لا لا انا مش عايز حد يحصلوا حاجه بسببي انا خلاص سبت البيت من بدري بس كنت حابب اعرف ايه السبب في  اللي حصلي شكر يا شيخ  ومشيت وبعد سنين عرفت أن البيت اتحرق وبدون سبب وكان ده موقف علمني اني ماكبرش



وأن فعلاً الجن والسحر والاعمال موجودين وليهم الف دليل وطبعا أنا فكرت في حاجة مجتش علي بالي هو مين الي عملي العمل ده وليه عمل كده ؟ عرفت بعدها أن كان في واحد ساكن قدمنا والراجل ده كان غريب جدا وكان ديمآ قاعد في البيت مش بينزل غير في نص الليل والراجل ده لم البيت اتحرق هو كمان الشقة بتعتوا اتحرقت ومات محروق بطريقة بشعة جدآ

سكان البيت قصة قصيرة رعب لن تستطيع النوم بعد قراءة القصة - الويب المظلم


وكان هو الي عمل العمل و كل الأعمال الي كان عملها لي الناس بطلت والحمد لله  ومن هنا اتعلمت ان في عالم لا نعلم عنه شئ  وصدقت و عرفت أن كلام امي كان صح ياريت لم تحس بي حاجة ف الاوضة أو تحس ان ف حد معاك في الحمام أو انت واقف قدام المرايا ياريت تلحق نفسك



ولو صحيت من النوم ولقيت في خرابيش في جسمك أعرف أن كان في حد معاك وانت نايم ومش حاسس ولو كنت بره البيت ودخلت البيت ولقيت ريحة وحشة أعرف أن ده جن مسكون ف البيت و لو لحظة اي حاجة اتحركت من مكنها لوحدها اعرف الي هما كده بيحظرك ياريت الناس ماتكبرش وتتريق عليهم  و ياريت الناس تقدر وترجع لي الله وتصلي إذا كان مسيحي أو مسلم



ياريت تفتكروا أن إحنا علي الارض مش لوحدنا إحنا علي الارض وفي عدو لينا والعدو مش انسان العدو مختفي مع انوا قدمنا ومعنا طول الوقت بس المؤمنين واللي مع الله وعلي صراط المستقيم  مفيش خوف عليهم لا أنهم مع الله والي مع الله لا يمسهم مكروه وأن الله مع الصابرين والصالحين والمحسنين 

 

الخاتمة 

وفي نهاية المقالة اتمني ان تكون استمتعت وانا غيرت حاجات بسيط اووي في القصة اسف لي الكاتب  وأريد منك ان تكتب رايك في تعليق وان تشترك في جروب الفيس بوك وان تتجول قليلا في موقعي حتي لا تصيبك اللعنة.

author-img
مشرف الجحيم

تعليقات

ليست هناك تعليقات
إرسال تعليق
    google-playkhamsatmostaqltradent