الشيطان هو الشماعة التي يعلق عليه بني ادم اخطائه تعرف علي الجزء الثاني من قصة مذكرات من الانترنت المظلم ج2 يجب عليك قبل القراءه أن تقراء الجزء الاول وان تكون في مكان هادئ ومعك مشروبك المفضل ويجب عليك أن تلبس الهاند فري وتقوم بتشغيل الفيديو الذي سوف تجدها في الاسفل لكي تكون مهيأ لسماع قصص الرعب.
قصة مذكرات الجزء الثاني
مفيش اختيار قمت لبست ونزلت اجيب منشار كهربائي وأكياس زبالة كبيرة ومستلزمات تنظيف وفعلا حضرت كل حاجه ومسكت التليفون وشغلت الفيديو وفضلت اقطع في الكلب والفيديو شغال بيصور كان جسمي كله بيترعش وكنت غرقان عرق مش مصدق نفسي أني عملت كدة نظفت كل حاجه وقعد علي الكمبيوتر وقمت برفع الفيديو كان يوم طويل وصعب جدا اغلقت الكمبيوتر ودخلت اترميت علي السرير كنت تعبان اوووي، وبعد ما صحيت من النوم لقيت نفسي في مكان تاني كانت غرفة مظلمة وكنت لابس عباية سوداء زي لبس الكهنه ولقيت حد داخل عليه وبيقولي مرحبا يا اخي حان الوقت لكي تقسم قسم مهندس الكون الاعظم.
كنت مندهشا جدا وقولتلوا انت مين و انا فين و ايه اللي حصل؟ رد عليه وقال : انا مين؟ أنا الاخ ديفد وانت فين؟ لا تقلق انت هنا مع الجماعة أنت هنا في امان وايه اللي حصل؟ يجب عليك أن تقول قسم الانضمام امام الكاهن الاعظم لي الجمعية، والان يجب عليك ان تلبس هذا الشريط الاسود علي عينك لكي تقف امام الكاهن الاعظم.
كنت متوتر وخايف بس مكنش فيه اختيار تاني لازم انفذ الاوامر، قمت ولبست الشريط ومكنتش شايف اي حاجه وكان ديفد بيتحكم فيه بشكل كامل زي اقف، تحرك الي اليمين، سوف تجد امامك باب احترس، خبط علي الباب ومشيت في ممر كان طويل جدا وفجاه لقيت حد بيرش عليه مياه سقعة اوووي و ثواني وحد بيرش عليه مياه سخنة اوووي.
ولمه كنت بتكلم اسمع ديفد يقولي تحمل ولا تنطق بكلمة يا اخي وفجاه ديفد قال اقف يا X وحسيت ان ديفد بيبعد عني سامع صوت خطواطة بتبعد ولسه هتكلم سمعت حد بيقولي :
الكاهن : هل انت باحث عن النور؟
اكس : قولت نعم
الكاهن : هل انت صادق؟
اكس : قولت نعم
الكاهن : هل تؤمن بمثلث القوة الاعظم؟
اكس : ما هو مثلث القوة الاعظم؟
الكاهن : القوة، الحكمة، الجمال
اكس : قولت نعم
الكاهن : الان سوف اقول القسم وعليك ان تردد القسم بعدي
اكس : حاضر
وكان القسم :اقسم بمهندس الكون الاعظم أننى لا أفشى اسرار الماسونية و لا علاماتها و لا اقوالها و لا تعاليمها و لا عاداتها و ان اصونها مكتومه في صدري إلى الأبد اقسم بمهندس الكون الأعظم ، أن لا أخون عهد الجمعية و اسرارها لا بالأشاره و لا بالكلام و لا بالحركات و ان لا اكتب عنها شيئا ، لا أنشره بالطباعة او الحفر او بالتصوير و أرضى إن حنثت بقسمي أن تحرق شفتاي بحديد محمي
و أن تقطع يداي و يحز عنقى ، و تعلق جثتى فى محفل ماسونى ليراه طالب آخر، و ليتعظ بمثله ، ثم تحرق جثتي و يذر رمادها في الهواء لئلا يبقى أثر من جنايتي أقسم على أن اقطع كل الروابط التى تربطني بمطلق انسان كالأب و الأم و الأخوه و الأخوات و الزوج و الأقارب و الأصدقاء و الملك و الرؤساء و كل من حلفت له بالأمانة و الطاعة و عاهدته على الشكر و الخدمة.
واصبحت من الجماعة وتغيرت 180 درجة لأني تعلمت اشياء كثير جدا اصبح لدي هدف واضح اعيش من اجله ولكن في يوم من الايام اكتشفت معلومات خطيرة جدا معلومات بتقول اني كنت عايش في وهم كبير و الناس اللي انا شغال معاهم محترفين في صناعة الوهم و غسيل العقول وانا كنت مثل الالة التي تم برمجته كنت اقوم بتنفيذ الاوامر بدون تفكير أو اعتراض، وهذا خلق بداخلي فضوال كبير اريد معرفة ما هي اهداف الجماعة؟ وقمت بتجميع معلومات واريد منك أن تساعدني في نشر هذه المعلومات اعلم انك كنت تريد معرفة قصتي وهذه قصتي بختصار اريد ان اتواصل معك يا مصطفي
وكانت نهاية المذكرات
عليك أن ترسل لي رسالة علي هذا البريد الالكتروني .......... لكي ارسل لك هذه المعلومات الخطيرة عن اهداف الجماعة. أنتهت المذكرات كنت هموت وانام ولكن بعد ما قراءة مش هعرف انام غير لمه اعرف هذه المعلومات وفعلا فتحت اللاب توب وارسلت رسالة علي البريد الالكتروني كان البريد علي موقع من مواقع الانترنت المظلم.
.png "قصص من الديب ويب")
وكان محتوي الرسالة اللي انا بعته : انا مصطفي يا اكس ودخلت المطبخ أعمل كوباية قهوة عشان افوق وعملت القهوة ودخلت الاوطة لقيت اكس شاف الرسالة انتظرت ثواني ولقيت اكس بعد رسالة وكان محتوي الرسالة
اكس : انا اجمعت كل المعلومات في ملف pdf، ورفعت الملف علي موقع ملفات علي الديب ويب عشان محدش يكتشف أني بسرب معلومات عن الجماعة، انا هبعتلك الرابط دلوقتي ولكن هناك مشكلة الموقع ده كل فترة بيوقف عن العمل لمدة 72 ساعة عشان يفحص الثغرات الموجودة في الموقع نوع من انواع الحماية يعني عشان اختراق البيانات.
مصطفي : تمام يا اكس. بس كنت عايز اسأل سؤال هم مين الجماعة؟ حكومة يعني؟
اكس : الرابط : ...........................، انهم ليسوا الحكومة أنهم اكبر من اي حكومة.
مصطفي : هل مصر من الدول المهم لهذه الجماعة السرية؟
اكس : مصر مهم اووي بنسبة لهم يا مصطفي، لانهم يعتقدون انهم ابناء من قاموا ببناء الاهرامات الثلاثة و الاهرامات بنسبة لهم مصدر الطاقة في هذا الكون.
مصطفي : يعني الجماعة ده في مصر؟
اكس : الجماعة في كل دوال العالم ولكن بطريقة غير مباشرة يعني ممكن تكون شركة مشهورة شركة انتاج وهكذا.
مصطفي : بس مش غريب اللي انت بتعملو يا اكس؟ يعني ليه مرة واحد كدة قرارت تبيع الجماعة وبدون اي مقابل؟ و مش معني انا يا اكس؟
اكس : كلامك منطقي يا مصطفي ولكن تقدر تقول شخص كان مش شايف حاجه وربنا خليه يشوف الحقيقة كنت عايش في وهم كبير يا مصطفي وعارف أن مش هتحس عشان انت مشوفتش اللي انا شوفتوا، ومش معني انت؟ لان انت الوحيد اللي قدرت تكسر الحماية وتعرف عنوان الجهاز بتاعي وده يدل أنك محترف يا مصطفي وهتعرف تنشر هذه المعلومات.
مصطفي : ماشي يا اكس خلي بالك علي نفسك وان شاء الله بعد ما الموقع يفتح هنزل الملف وهقوم بنشر الملف.
مصطفي يقع في الفخ
اكس مشافش الرسالة، المهم انا قمت قفلت اللاب ونامت نوم عميق جدا، وصحيت تاني يوم جسمي مكسر قمت لبست ونزلت الشغل كنت كل يوم بفتح اللينك اشوف الموقع اشتغل ولا لسه كان عندي فضول اعرف ايه هي المعلومات السرية ده، وجيت اللحظة المنتظرة الموقع فتح وفعلا كان فيه ملف pdf
وحملت الملف والملف نزل و ضغط علي الملف عشان افتح pdf ايه ده! ده طلع حصان طروادة ولقيت صوت الانذرات اشتغل في كل مكان تم اختراق سيرفات الحكومة، حولت اعمل أي حاجه عشان اوقف اللي بيحصل لكن خلاص فات الاوان أنا طلعت جسر عشان اكس يخترق السيرفرات من خلالي انا.
حصل معايا تحقيقات واتوقفت عن العمل روحت البيت وانا في حالة صعب جدا وقعت علي الكرسي و مذهول من اللي حصل وكنت بكلم نفسي انا بعد ما عملت الكثير من الانجازات يستغنو عني بسبب خطا واحد أزاي هي ده كلمة شكرا اللي كنت مستنيه منهم لقيت النور قطع والمكان كان صامت بطريقة مخيفة مفيش أي صوت
تقابل مصطفي و اكس
واخترق صمت المكان صوت غليظ وكان بيقول "هذه الدنيا ليست عادلة توقع أي شيء من أي شخص، لا تكون ضعيف" قمت اتفزعت وقولت مين في البيت؟ مين في البيت؟ وكانت الاجابة أنا اكس يا مصطفي ليه خايف ده انت المفروض يكون قلبك اقوي من كدة ده انت شغال مع الحكومة والله عيب
مصطفي : ازاي دخلت هنا يا اكس الكلب؟ انت السبب في كل حاجة حرام عليك أنا عملتلك ايه؟
اكس : أزاي دخلت هنا؟ انا ادخل اي مكان انا عاوزة استاذن او ما استاذنش انا حر لان انت عارفه كويس ان ده مكاني من الاول، انا الاول يا مصطفي وده حقي، اما السؤال الثاني انت معملتليش حاجه ولا تعرف تعملي حاجه اللي انا عملتوا ده عشان اكشفلك الناس اللي انت شغال معاهم اكشفلك انك شغال مع النظام والنظام ده بيتحكم في فرد واحد و الفرد ده بيتم التحكم بيه من مجموعة سوف تحكم العالم قريبا جدا.
مصطفي : مكانك أزاي انت بتقول ايه؟ و الجمعية ولا الجماعة اللي انت شغال معاه دي وهم ولا بيتحكم في حاجه ولا يعرفو يعملوا حاجه وبطل كذب بقي ما كل حاجه اكتشفت و اخترقت النظام بسبب القصة اللي ضحكت عليه به.
اكس : شغال مع مين ههههههههه انا مؤسس هذه الجماعة يا مصطفي، أزاي وهم هذه الجماعة موجوده من الاف السنين، اما الاجابة علي سؤالك الاول نعم هذه الارض مكاني وانا خولقت قبلك بكثير.
مصطفي : مش فاهم؟ انت بتكلمني منين؟ أزاي انت المؤسس وهذه الجماعة من الاف السنين؟ وازي انت مخلوق قبلي مش فاهم واضح؟
اكس : كل ده انت مش فاهم؟ وانا كنت فاكر أنك اذكي من كدة، المذكرات اللي كنت بتقراها مفكرتكش بحاجه؟ مين اللي عايش في وحده؟ مش انت مين اللي كان بيقعد علي جهاز الكمبيوتر 24 ساعة بدون ملل وكان ضوء الشاشة هو مصدر الضوء الوحيد اللي كان في الاوطه مين؟ مش انت مين اللي دائما حاسس انو مختلف عن جميع؟ مش انت.
مصطفي : ايوه انا ولكن كنت بقول صدفه.
اكس : عليك ان تعلم ان لا مكان لي الصدفه في هذا العالم.
مصطفي : انت عايز مني ايه؟ وليه انا؟
اكس : اريد منك أن تنضم اليه وتكون فرد من الجماعة وتمتلك القوة والسلطة والعلم وتاخذ حقق من جميع الاغبياء في هذا العالم وتساعدنه علي تدمير من يقف امام الجماعة، أما الاجابة علي سؤال لماذا انت؟ لا انت مختلف مختلف جدا عن هولاء الناس الاغبياء أنت ذكي، انت تفكر بشكل مختلف لديك فلسفه غريبه عن هذه الحياة انت تشبهني يا مصطفي.
مصطفي : انت مين يا اكس ؟
اكس : أعلم جيد أنك تعلم الاجابة ولكن تريد أن تتأكد لان عقلك لا يحتمل الاجابة، أنا الذي خلقت من النار أنا من رفض أن يسجد لابيك ادم أنا الذي غضب عليه الله بسبب ابوك ادم أنا المعلون حتي يوم الساعة.
مصطفي : ابليس!
ابليس : الان تأكد أن كل ما يدور في عقلك هو صحيح نعم يا مصطفي أنا ابليس واريد منك أن تتعاون معي.
مصطفي : أزاي أزاي هو في شياطين علي الانترنت؟ هو في شياطين علي شبكة الانترنت؟ دي لعبة نفسيه بتلعبه معاية صح ؟
ابليس : جماعتي كانت سبب في صنع الانترنت، العالم اصبح قرية صغيرة سهل جد السيطرة عليها من خلال شبكة الانترنت، الانترنت هو الذي جعل العالم يظهر علي طبيعته يظهر الجانب المظلم الذي يحاول ان يخفيه امام الناس، عليك أن تعلم أن علي الانترنت مجموعة كبيرة من شياطين الانس والجن.
انت تحتاج اليه مثل ما انا احتاج اليك، الان اريد منك كلمة واحدة فقط وهي نعم أم لا؟ وعليك أن تعلم أن هذا هو قرارك أنت أنا لا اسيطر علي احد أنت الذي تختار كل شيء تختار أن تزني أم لا انت الذي تختار أن تسرق أم لا أنت الذي تختار أن تظلم أما لا كل شيء تختارها يكون بسبب مصلحتك أنت.
مصطفي : ولكن انت الكائن الذي امرني الله أنا ابعد عنه، كيف تطلب مني أن نتعاون، وماذا سوف نتعاون اكيد في الشر صحيح.
ابليس : كلام منطقي ولكن هل انت لا تعصي الله؟
مصطفي : ان الله غفور رحيم وكل بني ادم خطاء وخير الخطائين التوابون.
ابليس : اجابة ممتازة، فكر جيدا انا لا اريد منك أن تكفر بالله لان أنت ذكي وتعرف جيدا أن الله هو الخالق الوحيد وانا وانت مخلوقون وكل ما افعل معك هو قدر ومكتوب ونحن ادوات في يد الخالق ، فكر كده أو كدة انت وجميع اخواتك يتعاونون معي كل يوم .
مصطفي : أزاي؟
ابليس : عندما ينشر شخص علي مواقع التواصل الاجتماعي صور أو فيديو يوجد بها إيحاءات جنسية هذا الشخص يتعاون معي ، الاشخاص او الشركات التي جعلت الاشياء التافه أهم من العلم و المعرفة يتعاونون معي ينشرو الفساد بين الناس، عندما تكدب لكي تهرب من مشكلة وتتعود علي الكذب لكي تهرب من جميع مشاكلك تتعاون معي عندم تسب دينك تتعاون معي، والكثير والكثير انتم أبشع كائنات في هذه الارض أنتم تفعلو ما لا نستطيع فعله انتم تحتاجون الينا ونحن نحتاج اليكم.
مصطفي : يا من تقراء هذا الكلام ماذا سوف تفعل اذا كنت مكاني الان؟
انصحك بقراءة أجزاء القصة :
- مذكرات شخص يكشف جماعة سريه علي الديب ويب - قصة مذكرات من الانترنت المظلم
- قصة رعب من الديب ويب عهد ابليس عندما يظهر الجانب المظلم عند الانسان ج3
- قصة من الديب ويب المذكرات (القرين) الجزء الرابع - احترس هو معك الان