recent
أخبار ساخنة

قصة من الديب ويب المذكرات (القرين) الجزء الرابع - احترس هو معك الان

Dark
الصفحة الرئيسية

قصة من الديب ويب المذكرات (القرين) الجزء الرابع - احترس هو معك الان


مرحبا بك يا صديقي كيف حالك اليوم اتمني أن تكون بخير، اريد أن اسالك سؤال يا صديقي من أكثر شرالانسان أما الشيطان ؟ اريد منك كتابة الاجابة في التعليقات أما الان فسوف اعرض عليك الجزء الرابع من قصة من الديب ويب المذكرات (القرين)


هل أنت قمت بتنفيذ شروط القراءة؟ اذا لا تعرف الشرواط فهي اولا الجلوس في مكان هادي ثانيا يكون معك مشروبك المفضل ثالثا عليك أن تلبس هاند فري رابعا قبل القراءة يجب تشغيل الفيديو الذي سوف تجدها في الأسفل الان أستمتع بالرعب والغموض يا صديقي.


قصة من الديب ويب المذكرات (القرين) ج4


الفلوس وصلت علي  المحفظة وقمت بنشر فيديوهات احمد وقمت بيع جميع معلومات وحدة مكافحة الجرائم الإلكترونية علي الديب ويب بملايين الدولارات اصبحت ملياردير في وقت قياسي واللي عرفتوا بعد كدة أن احمد مستحملش الصدمة وجتله ازمة قلبيه ومات ياحرام ههههه اذهب الي الجحيم يا احمد 



لقيت ابليس ظهر تاني وتشكل علي هيئة بني ادم وكان بيسقف ويقول : برافو عليك انت فعلا تلميذي  ضربت عصفورين بحجر المال و الانتقام من احمد وحدة مكافحة الجرائم الإلكترونية ده كمان تلت عصافير بحجر واحد، حان الوقت الان لتفيذ طلبي


مصطفي : تمام وانا جاهز

ابليس : اكس المطلوب هو اوراق في بيت  الخبير العسكري احمد شريف

مصطفي : ودي اوراق ايه؟ 

ابليس : انت لمه طلبت مني اسعدك عشان تنتقم قولتلك أنت بتنتقم ليه؟ 

مصطفي : لا 

ابليس : يبقي متسالش أنت تنفذ وخلاص

مصطفي : طب الطريقة، الاوراق ده فين؟ اعرف الاوراق دي منين؟ 

ابليس : متقلقش ده الورق الوحيد اللي موجود مع الشخص ده ثواني وهيوصلك ايميل في كل المعلومات اللي هتساعدك تجيب الاوراق دي.

مصطفي : تمام 


اختفي ابليس ولقيت الايميل وصل كان الايميل في بيانات زي البيت في كام فرد كان في 4 افراد الاب اللي هو احمد شريف الخبير العسكري  والام نهال احمد دكتورة  والاولاد كان احمد وسارة، احمد في 5 ابتدائي وسارة تانيه اعدادي والاتنين في نفس المدرسة، البيت بيكون فاضي من الساعة كام لحد الساعه كام، اسم المدرسة، الاوراق احتمال تكون في خزنة في غرفة النوم أو الخزنة الموجود في المكتب وبيانات كل خزنة ومطلوب كمان اعرف هل في نسخة من الاوراق ده موجود علي جهاز اللاب توب الموجود مع الخبير العسكري ولا لا


دي كانت البيانات فضلت افكر هجيب الاوراق ده أزاي دخلت جمعت معلومات عن الخزائن الموجودة في البيت لقيت أن الخزائن اللي في البيت ديجيتال يعني سوفت وير وعرفت كمان ثغرة هتخلني أعمل reset - اعادة ضبط المصنع وكدة من غير ما اعرف الباسورد هعرف افتح الخزنة.

قصة من الديب ويب المذكرات (القرين) الجزء الرابع - احترس هو معك الان


بس لازم اعرف هل في نسخة من الاوراق ده علي اللاب توب بتاع الخبير ولا لا، قمت بختراق قواعد بيانات المدرسة وعرفت طريقة التواصل بين المدرسة وعائلة احمد شريف كان التواصل من خلال رسالة علي الواتس اب ورسالة تاكيد علي جي ميل  الاب والام ، عرفت ارقام التليفونات وعرفت الجي ميل 



عملت رسالة استبيان وهمية  وبعت الرسالة الي الاب و الام بنفس الطريقة رسالة علي الواتس اب ورسالة علي الجي ميل وكانت الرسالة تقييم المدرسة ومجرد  فتح الرسالة كنت جوه التليفون وكنت منتظر لحد ما ياجي وقت رجوع الام لانه هي اللي فتحت الرسالة الاول، وصلت الام البيت ومجرد ما اتصل التليفون  بالراوترالبيت كنت مسيطر علي شبكة الواي فاي بيجميع الاجهزة المتصله بشبكة.


اللاب توب مش موجود في البيت والاب لسه مرجعش دخلت علي هارد الكاميرات لتحليل سلوك العائلة لقيت ان في مشاكل كتير بين الاب والام ليه؟ مش عارف دخلت علي تليفون الام اشوف المحدثات بين الام والاب لقيت اغلب الخناقات بسبب عصبية الاب وانه كان بيغير علي مراته اووي  بسبب فرق السن ثغرة كويسة 


كنت فاتح الكاميرات لقيت الاب رجع بمجرد ما دخل الاب من باب البيت اللاب توب اتصل من شبكة الرواتر دخلت علي اللاب توب ورفعت جميع الملفات علي موقع من مواقع التخزين السحابي وبعد كدة شغلت فيرس الفدية وشفرات جميع الملفات اللي هي مش موجود اصلا وانا مش هعمل كل ده ببلاش


كل حاجه تمام ناقص بس الوقت المناسب لدخول البيت واخذ الاوراق، كانت العائلة كل يوم جمعة بتسهر في مطعم معروف جدا وهو ده الوقت المناسب كنت بقول لنفسي الخطة كله تمام مش لازم أنا اروح اقتحم البيت ولسه هلمس الخاتم لقيت ابليس ظهر وقال : مش هينفع 


مصطفي : ليه؟

ابليس : حد تاني هيدخل يعني نقطة ضعف ثغرة ممكن تتقلب عليك في أي وقت

مصطفي : لو فكرت اكيد هوصل لي حل 

ابليس : مفيش وقت لتفكير انهاردة الخميس وبكرة تنفيذ العملية

ابليس : متخفش، لازم تموت المشاعر جواك لان لو خليت المشاعر تتحكم فيك هتكون نقطة ضعف قوية اووي وهتكون خطر علي نفسك وعلينا، ثواني وجرس الباب هيرن لم تفتح هتلقي مسدس خليه معاك.

مصطفي : انا مش هقتل حد

ابليس : انا مقولتش هتقتل حد، هيكون معاك بس عشان لو حصل حاجه لازم يكون فيه خطة بديلة زي ما فيه خطه A لازم يكون في خطة B 


لقيت جرس الباب بيرن ولقيت ابليس مبتسم وبيقولي روح افتح الباب انا خايف عليك السلاح ده مجرد دافع عن النفس واختفي رحت فتحت الباب واخد السلاح ودخلت وقفلت الباب ودخلت الاوضة وانا عمال افكر الساعه 3 الفجر ومش عارف انام برغم ما كنت واثق في الخطة ولكن كنت حاسس شعور غريب كنت حاسس أني هيحصل حاجه واخيرا رحت في النوم علي الساعة 8  وصحيت علي الساعة 6 فتحت اللاب توب وشفت الكاميرات لسه موجودين في البيت 


 يوم التنفيذ 

لبست واخد المسدس ونزلت ركبت العربية ورحت علي بيت الخبيرالعسكري كنت قدام البيت علي الساعة 8:30 بالليل انوار البيت كلها كانت مقفولة اكيد كدة مفيش حد في البيت خرجت من العربية واقتربت من الباب وفتحت الباب لو كنت بتسأل وتقول وأزاي فتحت الباب؟ الموضوع سهل جدا من خلال مشبك ورق معدني و قطعة معدنيه مستقيمه



المهم دخلت البيت ورحت علطول علي الخزنة اللي موجود في المكتب عملت لي الخزنة reset وفتحت الخزنة ولكن ملقتش اوراق خالص دي  فلوس اخد الفلوس وطلعت علي السلم عشان اوصل لي اوضة النوم دخلت اوضة النوم لقيت الخزنة عملت لي الخزنة reset وفتحت الخزنة وفعلا كان فيه الوراق.



اده لقيت نور البيت بينور اخد الورق بسرعة وطلعت المسدس وخرجت من الاوضة قلبي كان بيدق بسرعة ولقيت ابليس ورايا وبيقولي متخفش انا معاك العيال في الاوضة اللي جانبك ادخل بسرعة وامسك العيال هي ده الفرصة الوحيده لي الهروب لقيت نفسي دخلت فعلا ولقيت العيال كانوا بيصرخوا مسكت الواد الصغير ولسه طالع من الاوضة لقيت قدامي الاب والام  ولقيت الاب بيقولي :  سيب ابني البيت كله كاميرات يعني كدة كدة انت هيتقبض عليك وكان ماسك مسدس 

  


لقيت نفسي بدون ارادة بقول : اسمع انت يا احمد لو عايز ابنك الجميل ده يكون عايش سبني اطلع من هنا في امان وارمي المسدس ومش عاوز اسمع صوت عياط عشان الموضوع يخلص بدون خسائر.


الاب : حاضر حاضر هنفذ كل اللي انت عاوزه بس أرجوك متاذيش ابني . 

مصطفي : كل حاجه هتكون تمام لو انت تعاونت معايا.

الاب : تمام انت عايز ايه دلوقتي؟ 

مصطفي : اولا ادخلوا كلكم في اوضة النوم، ثانيا أربط المدام و بنتك الاموره واكتم صوتهم .

الاب : حاضر.

مصطفي : اخرج بره وقفل عليهم الباب 

الاب : حاضر 

فقدان الذاكرة

قصة من الديب ويب المذكرات (القرين) الجزء الرابع - احترس هو معك الان


صحيت من النوم مش فاكر اي حاجه وجسمي كان مكسر بمسك التليفون عشان اشوف الساعة الساعة كانت 2 الظهر بس اده انهاردة يوم الحد قمت اتفزعت من علي السرير، افتكرت كل حاجه انا روحت بيت الخبير العسكري أزاي رجعت البيت فجاه  انا مش فاكر ايه اللي حصل، جبت اللاب عشان ادخل علي تليفون اي حد من الاب أو الام  أو اشوف الكاميرات كل حاجه اتمسحت



مش عارف افكر انا اختفي من حياتي يوم ونص وانا كنت في مصيب ومش عارف ايه اللي حصل، فتحت اللاب توب ودخلت علي النت واشوف الاخبار وكانت الصدمة كانت الدنيا مقلوب علي حادث بشع لي خبير عسكري قتل مراته وعياله وبعد كدة الخبير العسكري  قتل نفسه طب أزاي؟ هل أنا السبب؟ هل أنا اللي قتلت؟ اكيد أنا اللي  قتلت عائلة كاملة وعشان ايه مجموعة أوراق 


مقابلة ابليس 

جاي أمسك الخاتم عشان انادي ابليس الخاتم مكنش في أيدي كان في دماغي علامات أستفهام كتير ولكن أسئلة بدون أجوبة فضلت علي الحال ده لحد الساعة 12 بالليلا لقيت النور قطع كنت عارف ان هو ابليس وظهر علي هيئة بني ادم وقال : مالك ده انا جاي اشوف طلبك التاني

قصة من الديب ويب المذكرات (القرين) الجزء الرابع - احترس هو معك الان


مصطفي : بسهولة ده  مش تعرفني ايه اللي حصل الاول ؟ 

ابليس : ايه اللي حصل انت عملت المطلوب وكل حاجه تمام انت في بيتك في امان ومحصلكش ايه حاجه

مصطفي : وانا عاوز اعرف ايه اللي حصل؟ انا يوم ونص ضاع من حياتي من غير ما اعرف ايه اللي حصل فيهم

ابليس : وايه يعني ما البشر كلهم بيضعوا عمرهم في التفاهات وفي الوهم وفي المعاصي

مصطفي : وانا من حقي اعرف ايه اللي حصل في يوم تنفيذ المهمة

ابليس : ماشي، اللي حصل أن حصل مشكلة بين الاب والام بسبب الغيره وباظت السهرة الرومانسية اللي كانت المفروض هتبقي رومانسية ورجعوا علي البيت ولأسف انت كنت لسه مخلصتش المهمة فظهرتلك وشوفت في قلبك أنك مش هتقدر تتصرف فمنحتك قدرة تجعلك تقدر تبدل أنت وقرينك في التحكم في جسمك.


مصطفي : يعني قريني كان هو المتحكم في اللحظة ده.

ابليس : ايوه، اخر مشهد في عقلك كنت انت اللي متحكم وبعد كدة قرينك.

مصطفي : طب وايه اللي حصل بعد كدة؟، عايز اعرف ايه اللي عملوا قريني.

ابليس : قرينك دخل احمد شريف المكتب وخليه  يمسك التليفون ويصور نفسه وهو بيقول اسمه واعتراف انه قتل مراته عشان عرف اللي هي كانت بتخونة وقتل اولاده عشان مش عايز حد غريب يربي اولاده وبعد تسجيل المقطع، قرينك اخد التليفون ومسك المسدس بتاع احمد شريف وقتل الراجل وبعد كدة قتل الواد الصغير وطلع فوق اوضة النوم وقتل مراته وبنته واكيد كان لابس قفازات عشان البصمات وقبل ماقرينك يمشي اخد هارد الكاميرات  عشان ميكنش فيه أي دليل وبعت الفيديو من تليفون الاب الي جميع جهات الاتصال اللي موجود علي التليفون .


مصطفي : يعني أنا دلوقتي قاتل؟ 

قصة من الديب ويب المذكرات (القرين) الجزء الرابع - احترس هو معك الان


ابليس : اه، هي ده أول مرة؟ 

مصطفي : قصد ايه؟ 

ابليس : قصدي انك مش ملاك وان انت سبب موت صحبك احمد 

مصطفي : ايوة بس مش انا اللي قتلته

ابليس : هتفرق في ايه النتيجة واحد في الحالتين

مصطفي : بس برضو مش انا اللي قتلت ده قرين مش انا 

ابليس : وقرينك و انت ايه مش واحد

مصطفي : أزاي ؟

ابليس : بلاش نلعب لعبة الذكاء يا بني ادم، كان بختيارك أنك ترفض قرينك يتحكم في جسمك ولكن نتكلم بالعقل والمنطق مش ده برضو اللي بيميز الانسان عن باقي المخلوقات؟ ايه الفرق لو كنت أنت المتحكم في الجسد؟ هل النتيجة هتختلف؟ 

مصطفي : اه النتيجة كانت هتختلف 

ابليس : يعني هتقبل تدخل السجن؟ اكيد لا كنت هتعمل نفس اللي عملوا قرينك، الموضوع خلص خلاص اصبح ماضي ياريت نتكلم في الحاضر والمستقبل اقفل الموضوع ونتكلم في طلبك التاني

مصطفي : ماشي، دلوقتي أنا معايا فلوس كتير اووي ومش هينفع تظهر مرة واحده عشان الضرائب والقانون ومن اين لك هذا؟ وسين وجيم وندخل في حوارت، ازاي اظهر الفلوس ده؟ 

ابليس : مشروع صغير وبعد كام سنه المشروع يكبر وينجح ويتكلم عنه العالم كله.

مصطفي : بس ده محتاج وقت.

ابليس : اكيد انت بتكلم في ملايين الدولارات يعني اضعاف اضعاف الرقم لمه تحولهم الى الجنية المصري.

مصطفي : يعني مفيش حل تاني؟

ابليس : انت عايز تكون راجل مشهور ومعاك فلوس كتير والناس كله بتكلم عنك عشان ايمان حبيبتك زمان؟

مصطفي : ايوه.

ابليس : بس أزاي  وايمان متجوزة دلوقتي ومعاها عيال

مصطفي : عارف، مش انت ابليس اللي معاك كل حاجه وتعرف نصف علوم الارض هل المشكلة الصغير ده هتوقف قدامك؟ 

ابليس : ههههههه  طريقة حلوة، اكيد في طريقة بس ياريت أنت توافق؟

مصطفي : وايه هي الطريقة؟ 

ابليس : هعلمك السحر وخليك تتحكم في كل حاجه الحب و الكره، القوة و الضعف، الرزق الكتير و الرزق القليل، المرض و الصحة، قولت ايه يا اكس. 

انصحك بقراءة أجزاء القصة :

 


أنتظر احداث الجزء الخامس سوف تظهرشخصية جديدة في الجزء الخامس تصبح خطر كبير علي مصطفي، اتمني أن تكتب رايك في التعليقات واذا كنت كاتب رعب وتريد الانضمام الي موقع الديب ويب 30 تواصل مع علي جروب الفيس بوك أو صحفة موقع وأتمني  أن تتجول قليلا في موقعي حتي لا تصيبك اللعنة.


قصة من الديب ويب المذكرات (القرين) الجزء الرابع - احترس هو معك الان
Dark

تعليقات

ليست هناك تعليقات
إرسال تعليق
    google-playkhamsatmostaqltradent