recent
أخبار ساخنة

قصة مرعبة مذكرات من الانترنت المظلم (اللعنة) - أنت الضحية القادمة

Ali
الصفحة الرئيسية

قصة مرعبة مذكرات من الانترنت المظلم (اللعنة) - أنت الضحية القادمة


مرحبا بك يا صديقي كيف حالك اليوم أتمني أن تكون بخير، اليوم نهاية قصة مرعبة مذكرات من الانترنت المظلم الإنسان دائما بيفتكر ربنا في وقت النهاية الموضوع عامل زي شخص بيحاول يبطل مفعول قنبلة وقطع السلك الغلط خلاص الموضوع أنتهي هو اللي اختار السلك الغلط بدون كلام كتير



هل أنت قمت بتنفيذ شروط القراءة؟ اذا لا تعرف الشرواط فهي اولا الجلوس في مكان هادي ثانيا يكون معك مشروبك المفضل ثالثا عليك أن تلبس هاند فري رابعا قبل القراءة يجب تشغيل الفيديو الذي سوف تجدها في الأسفل الان أستمتع بالرعب والغموض يا صديقي.



أنصحك بقراءة أجزاء القصة :

 قصة مرعبة مذكرات من الانترنت المظلم (اللعنة)

مصطفي : ايوه.

إبليس : بس أزاي  وإيمان متجوزة دلوقتي ومعاها عيال

مصطفي : عارف، مش أنت إبليس اللي معاك كل حاجه وتعرف نصف علوم الأرض هل المشكلة الصغير ده هتوقف قدامك؟ 

إبليس : ههههههه  طريقة حلوة، أكيد في طريقة بس ياريت أنت توافق؟

مصطفي : وايه هي الطريقة؟ 

إبليس : هعلمك السحر وخليك تتحكم في كل حاجه الحب و الكره، القوة و الضعف، الرزق الكتير و الرزق القليل، المرض و الصحة، قولت ايه يا اكس. 

مصطفي : لا 

إبليس : ليه؟ 

مصطفي : أنا لمه قبلت أتعاون معاك كنت بتعامل خدمة مقابل خدمة ولكن كفر وشرك بالله لا 

إبليس : ومين اللي قالك أن السحر كله كفر وشريك بالله، ده نفس المبدأ خدمة مقابل خدمة.

مصطفي : يعني مفيش حل غير موضوع السحر ده.

إبليس : مفيش غير السحر هو اللي بغير القلوب ويقدر يتحكم في كل حاجه.

مصطفي : طب ما أنت أكيد عارف علوم السحر ما تعمل أنت الحوار ده.

إبليس : للأسف يا اكس ساحر الجن يقدر أن يفعل أي شيء في عالم الجن ولا يقدر أن يفعل شيء في عالم اخري ونفس الموضوع مع ساحر الإنس.

مصطفي : طب  هفكر وهرد عليك، اه صح هو الخاتم راح فين؟

إبليس : لمه قرينك أصبح المتحكم الخاتم اختفي لان قرينك من الجن والخاتم ينادي من في عالم الجن طاقة عكسيه.

مصطفي : طب  أتواصل معاك أزاي؟

إبليس : متقلقش خدامي معاك لو حصل أي حاجه هم  هيتوصلوا  معايا، قول إبليس بس  وأنا هحضر.

مصطفي : تمام 

إبليس : هتعمل أيه دلوقتي؟ 

مصطفي : هظبط نفسي شوية أنا دلوقتي معايا فلوس كتير اوووي

إبليس : استمتع يا اكس 


اختفي إبليس وأنا قعدت قدام اللاب توب إبليس بيقول أن  مفيش حل غير السحر ولكن في حل لكل حاجه ومش حل واحد دائما بيكون في حلول المبرمج بيقعد فترة طويلة قدام الكود عشان يعرف الأخطاء الموجود في الكود ولمة يعرف المشكلة دائما الحل بيكون بكتر من طريقة.


في حل وهو اختراق حياة إيمان كنت بفكر كتير اعمل الحوار ده كنت دائما بدخل علي صفحتها علي الفيس بوك وأشوف حياتها أشوف هي زعلانة ولا مبسوطة هتقولي أزاي؟ هقولك بحلل البوستات اللي بتنشرها الصور اللي بتنزله علي صفحته الشخصية كنت كل يوم لازم اشوف هي نزلت ايه النهاردة، كنت عايش دور المراقب كانت حياتها جميلة كانت بتحب جوزة وعياله كانت حياتهم مستقرة 


كنت بدور علي ثغرة ولكن مفيش، مفيش غير أني اظهر ثغرة من عندي واعمل مشاكل بينهم ولكن لمه الإنسان بيفكر بطريقة منطقية بيشوف الحقيقة، والحقيقية أن  إيمان مش نصيبي  السحر يمكن يحل ولكن ده من الظاهر ولو فكرة كويس هتعرف أن السحر عبارة عن علم لخداع الناس السحر دائما بيوهم الناس بيلعب بهم ولكن عمر ما السحر قدر يغير قلوب أو يغير واقع قفلت اللاب وقرارت أني هسيب ايمان في حاله



هي اصلا معملتليش حاجه انا اللي مكنتش جاهز لمه رحت اخطبه من اهله زمان، وكل اللي كان في دماغي كان وهم الانسان ساعات كتير مش بيغلط نفسه وبيجب العيب علي الدولة، علي الناس ولكن الحقيقة بيكون العيب منه هو، اكتشفت فجاه أني كنت عايش في وهم كانت حاجات كتير في دماغي ولكن طلعت كله غلط 


قصة مرعبة مذكرات من الانترنت المظلم (اللعنة) - أنت الضحية القادمة


سافرت اكتر من دولة عملت كل حاجه تقدر تتخيله، ولكن أول مرة في حياتي أحس أن الفلوس فعلا مش كل حاجه هتقولي أزاي مش كل حاجه؟ الفلوس تقدر تعمل بيه ايه؟ انا هقولك تكون معاك عربية فخمة، مكان تعيش فيه ويكون فخم برضو تأكل احسن اكل تشرب احسن شرب تلبس احسن لبس وايه تاني فكر وقول تتجوز ملكات عالم ممكن 



علي العربية العربية بمجرد وسيلة بتوصلك من مكان الي مكان صح طب ما الفقير بيروح في أي مكان بموصلات برضو ايه الفرق الاتنين بيحصلوا علي نفس النتيجة التوصيلة، نتكلم في الاكل فين الفرق لمه انسان ياكل كفته ولحمة وانسان ياكل رز وخضراء من غير لحمة فين الفرق الاتنين بيحصلوا علي  نفس النتيجة الشبع، ايه الفرق لمه واحد عايش في شقة صغيرة واحد عايش في فيلا فين الفرق؟ النتيجة دائما واحدة في كل الحالات ولكن الانسان دائما مش شايف النعمة اللي معاها الإنسان دائما مش عجبوا حاله ولا الفقير ولا الغني 



الإنسان معقد جدا جاحد، طب الانتقام برضو ملوش أي معني طب الكره، طب الحسد، كل ده ملوش أي معني فين السعادة من كل ده؟ ولا الفلوس ولا الانتقام خلتني اشعر بالسعادة بالعكس انا عشان انتقم واجيب كل الفلوس ده كان المقابل قتل عائلة كاملة وصحبي وكنت أنا السبب والنتيجة أنا مش سعيد


الأدلة الجنائية تكشف مصطفي    

الضابط شريف اكرم : ايه الحاجه المهم اللي وصلت ليه في القضية؟ 

المحقق الجنائي : قضية وحدة مكافحة الجرائم الإلكترونية وي قضية الخبير العسكري احمد شريف متربط يا فندم. 

الضابط شريف اكرم : أزاي متربطة؟

المحقق الجنائي : يعني نفس الأشخاص ونفس الطريقة  لان فيرس الفدية كان موجود في اجهزة وحدة مكافحة الجرائم إلكترونية وكان موجود علي اللاب توب الخبير العسكري احمد شريف وفي معلومات سرية بتقول أن  كان مع الخبير اوراق عسكرية مهمة جدا يا فندم غير أن هاردات كاميرات البيت مكنتش موجود وخازن البيت كانت فاضيه


قصة مرعبة مذكرات من الانترنت المظلم (اللعنة) - أنت الضحية القادمة


الضابط شريف اكرم : وموت احمد مساعدة المدير وحدة مكافحة الجرائم الإلكترونية مات بسبب فيديوهات انتشرت غير رصيده في البنك اللي بقي صفر قبل موته بكام ساعة، تمام شكرا ليك اتفضل أنت.


فعلا اللي نفذ الجرائم هو نفس الشخص وده خليني أعيد مراجعة كل القضايا مرة اخري، البداية كانت لمه مصطفي كان سبب اختراق وحدة مكافحة الجرائم الإلكترونية من هنا والمشاكل كله ظهرت لازم اقعد مع مصطفي مسكت التليفون وطلبت عمل امر ضبط واحضار لمصطفي حسن محمد 



ولكن الغريب أن مش موجود في مصر ظهر معلومات من المطار أن مصطفي سافر لدولة أجنبية ولمه كلمنا السفارة المصرية هناك قالو أن مصطفي سافر دولة اخري كانت في علامات استفهام غريبة اووي، بيعمل أية في الدول دي وكان في كل دولة بيقعد فيه  كان بيقعد في فندق خمس نجوم جاب الفلوس دي كله منين دي فنادق عالمية 


مفيش غير تفسير واحد مصطفي هو اللي مسئول عن تنفيذ كل عمليات الاختراق وتشفير المعلومات  لي ابتزاز الناس و الشركات والأماكن الحكومية الشخص ده ارهابي و مع التعاون مع الحكومات الاوروبية  تم  إصدار قرار دُوَليّ لقبض علي مصطفي حسن محمد لإنه اصبح خطر علي العالم.


صراع مصطفي مع  إبليس 

قصة مرعبة مذكرات من الانترنت المظلم (اللعنة) - أنت الضحية القادمة


كنت قاعد في احدي الفنادق وبصدفة شوفت أخبار علي مواقع عالمية بيتكلموا عني معملتش أي حاجه كدة كدة حياتي كلها أدمرت الله يعاقبني لأني أتعاونت مع الشيطان وكنت سبب في موت صديقي وموت عائله كاملة لازم يحصل كل ده وقعت مستني الحكومة، لقيت النور قطع في الاوضه عارف انه إبليس وفعلا إبليس ظهر  


إبليس : دقائق والحكومة هتاجي في أي وقت أنت مشوفتش الأخبار؟

مصطفي : عارف 

إبليس : يلا مستني أيه؟

مصطفي : هفضل هربان خلاص الموضوع بقي دولي يعني مفيش هروب

إبليس : الكلام ده لو أنت لوحدك  أنا معاك هحميك

مصطفي : أنت أصلا تعرف تحمي نفسك، انت بتعمل كل ده عشان لسه معملتش اللي المفروض يتعمل مني 

إبليس : أنا إبليس طاووس الملائكة وامتلك نصف علوم الأرض تقولي مش هعرف احمي نفسي وقصدك أيه بانك  لسه معملتش اللي المفروض يتعمل؟

مصطفي : كنت طاووس الملائكة دلوقتي لا، هتعرف تحميني لمه ادخل النار هتعرف تحميني من رب السموات والأرض؟ أنت تعرف تحميني نفسك أصلا؟ أكيد لا انت بتعمل كل ده معايا ومع  جميع البني آدمين انتقاما من سيدنا ادم عشان متكونش لوحدك في النار ولكن أنا مش هوصل لي المرحلة دي يا إبليس 

إبليس : ههههههههه كلامك كله صح ولكن انت غلط في حاجه واحدة بس وهو انك موصلتش لي المرحلة دي

قصة مرعبة مذكرات من الانترنت المظلم (اللعنة) - أنت الضحية القادمة


مصطفي : يعني ايه؟ أنا مكفرتش بالله ولا اشركت بالله

إبليس : أنت فعلا ولا كفرت ولا اشركت ولكن وافقت علي العهد هل تعلم ماذا مكتوب في هذا العهد؟ 

مصطفي : أن التعاون يكون طلب قدام طلب

إبليس : وأيه كمان كان مكتوب في العهد

مصطفي : مش فاكر!

إبليس : مش فاكر ولا كانت رغبة الانتقام مسيطرة عليك وكان هدفك الأساسي هو الانتقام نفس الغلطة اللي عملها اكس 

مصطفي : متقول ايه اللي مكتوب

إبليس  : بعت روحك لي إبليس

مصطفي : يعني ايه؟ ومين انت مش إبليس؟ 

إبليس : انت فاكر أني الملك إبليس العظيم هيظر ليك أنت ههههههههه اكيد لا طبعا

مصطفي :  انت بتقول أيه؟ يعني انت كدة امتلكت روحي الكلام ده مش صحيح ربنا بيقول في القران {إِنَّ عِبَادِى لَيْسَ لَكَ عَلَيْهِمْ سُلْطَٰنٌ}

الشيطان : انت غلطان يا مصطفي عقلك مش مصدق أو جهل منك الأية كاملة بتقول {إِنَّ عِبَادِى لَيْسَ لَكَ عَلَيْهِمْ سُلْطَٰنٌ إِلَّا مَنِ ٱتَّبَعَكَ مِنَ ٱلْغَاوِينَ}

جريت علي الباب عشان اهرب من الشيطان  ولكن الباب مش عايز يفتح وفضلت اقول يارب يارب ظهر الشيطان بصورة بشعة كان شكلة مرعب اوووي قرب مني وقال : متخفش جسمك هو اللي هيموت ورحك هتكون ملعون وموجود في المذكرات ههههههههههه هههههههههههه ههههههههههههه 



الضابط شريف اكرم : وانتهت المذكرة علي كده  الجملة الأخيرة مش فهمة لقيت محمد اللي شغال معايا في القضية بيقول : يا فندم الموجود في المذكرة ده كله كلام خيالي اصلا مفيش عاقل هيصدق الكلام ده والتفسير الوحيد يا فندم أن مصطفي ده كان مريض نفسي المهم أن القضية اتفلت رديت عليه وقوتلوا صح علي رأيك 


أنا عارف انك مش فاهم حاجه أنا هفهمك لمه الحكومة دخلت الاوضة عشان تقبض علي مصطفي لقيت مصطفي شنق نفسة في الاوضة وكان جنب جثه مصطفي المذاكرة ده اللي انت بتقراءة من الأول خالص ولكن تفتكر الموضوع انتهاء علي كدة  للأسف اليوم اللي اتقفل فيه القضية المذكرة اختفت من غرفة الأدلة الجنائية وفي نفس اليوم بالليل حصل حريق كبير في شقة  الضابط شريف اكرم مات هو ومراته وعيالة والغريب أن المذكرات كانت هناك في شقة الضابط شريف اكرم والاغرب أن المذكرة محصلش فيه أي حاجه من الحريق


وفي اليوم التاني حصل نفس الحوار المذكرة اختفيت من غرفة الأدلة ومات الضابط محمد اللي كان شغال مع الضابط شريف اكرم علي القضية وظهرت برضو المذكرة في العربية اللي عمل بيه حادث كبير اووي، واختفت المذكرة وسمعت أن المذكرة موجود علي الدراك ويب التفسير الوحيد هو أن أي حد هيقرأ المذكرة ده هيموت بشكل غامض 


أه صح أنت قراءة المذكرة يبقي أنت الضحية القادمة عارف أنت بتفكر في ايه عندك فضول تعرف أنا مين؟ أنا مصطفي أو عشان اكون دقيق قرين مصطفي  الحل الوحيد عشان يهرب مصطفي من الحكومة هي  أن مصطفي يقتل نفسه هو اه جسده مش موجود بس انا موجود حولك دلوقتي وانت الضحية الجاي هههههههههههههه ههههههههه ههههههههههه


الخاتمة  

 وفي نهاية القصة أتمني أن تكتب رأيك في التعليقات، واذا كنت تريد التواصل معي أنصحك بشترك في جروب الفيس بوك أو صفحة الفيس بوك سوف تجد اللينكات في الأسفل، وأنتظر الجديد يا صديقي وأتمني أن تتجول قليلا في موقعي حتي لا تصيبك اللعنة.


  




























 

 قصة مرعبة مذكرات من الانترنت المظلم (اللعنة) - أنت الضحية القادمة
Ali

تعليقات

ليست هناك تعليقات
إرسال تعليق
    google-playkhamsatmostaqltradent