كتاب العزيف اقوي كتب السحر في التاريخ كتاب لعبد الله الحظرد

مرحبا بك يا صديقي كيف حالك اليوم أتمني أن تكون بخير، اليوم هو الجزء الرابع من قصة الاستحواذ الشيطاني (عهد ملوك الجن السفلي) قصص رعب ،يجب عليك أن تقرأ أجزاء القصة من الأول لكي تفهم تفاصيل القصة، العالم يا صديقي يوجد بها الكثير من شياطين الأنس الذين يقتلوا، ويسرقوا، ويزنون، ويفعلوا أي شيء في الدنيا لي الوصول إلي المال والقوة، فهل أنت منهم.  

هل أنت قمت بتنفيذ شروط القراءة؟ إذا لا تعرف الشروط فهي أولا الجلوس في مكان هادي ثانيا يكون معك مشروبك المفضل ثالثا عليك أن تلبس هاند فري رابعا قبل القراءة يجب تشغيل الفيديو الذي سوف تجدها في الأسفل الآن أستمتع بالرعب والغموض يا صديقي.

قصة الاستحواذ الشيطاني (عهد ملوك الجن السفلي)

- فهمت قصدك 

- المهم عده كام يوم لحد دلوقتي من تحضير القرين

- انهاردة تاني يوم 

- قصدك تالت يوم الساعة 1 صباحا،  يلا بينا دلوقتي عشان  نلحق ناقص 4 ايام 

- انت بتعمل معايا كل ده ليه يا ابو طاوس 

- عشان انت زهري وانا هستفاد منك في شغلي كتير هيكون مكسب ليك وليه وانت مش هعترف تتعامل مع قوتك الداخلية  يا امين

المفاجأة التي كانت تنتظر امين في بيت ابو طاوس

وفعلا نزلت انا وابو طاوس ركبنا العربية ورحنا بيت ابو طاوس أول ما دخلت البيت لقيت رجالة كتير دخلو عليه ومسكوني قلت : هو في ايه يا ابو طاوس؟ في ايه؟ ابو طاوس : بتعمل معايا انا كدة عشان خلاص بقي معاك فلوس تبوظ عليه شغلي يا روح امك وكمان مستعجل اووي وحضرة قرينك الفلوس اللي معاك دي بسببي انا يا حبيبي 

انت فاكر أن بمزاجك تشتغل معايا و بمزاجك  تقولي مش هشتغل معاك انت فاكر نفسك شغال مع سوسو ياروح امك، فان الفلوس يا امين؟ امين : مش عارف ابو طاوس : الفلوس فين يا امين؟ ولا انت عايز تشوف الوش التاني امين : مش هقولك ابو طاوس : تمام اووي، عوض عوض!

عوض : امرك 

ابو طاوس : روح البيت بتاع امين اللي انت روحت عنده المره اللي فاتت وتقلبي البيت علي الفلوس انت فاهم 

عوض : تمام يا كبير، حاجه تاني 

ابو طاوس : لا روح انت، وأول ما تلقي الفلوس كلمني علطول 

امين : مش في البيت اصلا يا ابو طاوس 

ابو طاوس : هنشوف دلوقتي الفلوس في البيت ولا لا

امين : طب وبعد ما تاخد الفلوس؟ 

ابو طاوس : عايز تعرف انت مصيرك ايه دلوقتي؟  ماشي انا هريحك، انا كنت عايز اموتك ولكن مش هينفع دلوقتي عشان انا محتاجك لسه، هتكون هنا زي الكلب محبوس في الاوضة ولمه يكون في شغل هتخرج من الاوضة وهتروح تعمل اللي انا هقولك عليه بالحرف الواحد.

امين : طب وقريني و السبع ايام اللي انت قولت عليهم؟ 

ابو طاوس : متخفش انا هخلص من الحوار ده، شوفت انا طيب ازاي

امين : هو اللي انت هتعملوا ده عشاني ولا عشانك 

ابو طاوس : عشانه احنا الاتنين، مكسب مشترك

تليفون ابو طاوس رن، ولقيت ابو طاوس مبتسم اووي اكيد أنت فهمت يا صديقي عوض لقي الفلوس، كنت تعبان اووي وكنت بنام علي نفسي وفعلا نمت وصحيت من النوم لقيت نفسي مربوط في الكرسي وكنت في اوضة مقفولة عليه، ثواني ولقيت ابو طاوس بيفتح الاوضة، صحيت يا امين كل الوقت ده انت عارف الساعة كام دلوقتي؟ الساعة 10 بالليل انت منمتش بقالك اد ايه؟ 

امين : ايه عايز ايه؟ ابو طاوس : انا غلطان اني بطمن عليك بنفسي، ماشي يا عم شكرا، امين : ابو طاوس قول عايز ايه؟ انا مش ناقص ابو طاوس : والله يا امين انت اللي اخترت اللي انا بعملوا فيك دلوقتي احنا كنا مشين كويس اول ممسكت الفلوس اتحولت كدة، المهم دلوقتي هيدخلك اكل وشرب عشان تظبط نفسك عشان نبدأ في طقوس صرف قرينك 

عشان نبدأ بقي نشوف شغلنا، وعايزك تتعاون معايا عشان اخلصك من اللي عايز ياخد جسمك، امين : حاضر ابو طاوس : متزعلش مني ولكن الحركة اللي انت عملته معايا ده زعلانتي اووي وانا في الشغل ادوس علي اي حد، هتكون كويس معايا هكون كويس معاك فاهم امين : تمام ابو طاوس : اسيبك بقي عشان الود يدخلك الاكل 

امين : انا عايز ادخل الحمام؟ 

ابو طاوس : انا هفكلك ايدك بس عشان الاكل وارجع اربط ايدك تاني، ام الحمام فعمل الحمام بتاعك مكانك انا قولتك مفيش خروج من الاوضة ده غير لمه يكون في شغل فاهم 

كنت حاسس بنار جوه جسمي غضب، كنت عايز اقوم اموت في اي حد يقف قدامي الاوضة اللي انا فيه صغيرة جدا مفهاش اي منفذ ممكن اهرب منه ده لو عرفت افك نفسي اصلا، باب الاوضة حديد يعني صعب يتكسر الواد دخل فك ايدي ولقيت شخص تاني دخل معه الاكل عشان اكل 

كانت فين الرجالة ده لمه جيت عنده المرة اللي فاتت، وكل شخص اشوفة يكون شايل معه مسدس في جنبه يعني مستحيل اعرف اهرب من هنا، اكلت الاكل وشربت المياه كنت جعان اووي وعطشان اووي الحمد الله خلصت اكل وشرب ثواني ولقيت حد بيفتح الباب وربط ايدي تاني، لكن الغريب هو عرف ازاي انا خلصت الاكل.

ابو طاوس يصرف القرين 

عمال ابوص في الاوضة لحد ما لقيت كاميرا في زاوية  في الاوضة زي ما قلت مستحيل الهروب من المكان ده، دقايق ولقيت ابو طاوس داخل عليه وشيال معه كتاب اسود وكان معاها شخصين وقال : جاهز يا امين؟ امين : جاهز يا ابو طاوس 

لقيت ابو طاوس عمال يقول كلمات كتير اكيد طلاسم ولقيت ذكر اكتر من مرة اسم أبا ديباج العامري علي ما اتذكر أن ده اسم ملك القرناء كان موجود اسمه في الكتاب اللي انا حضرت منه القرين، فضلت اكتر من نص ساعة مفيش اي حاجه وهو كان عمال يقرأ ويعيد ويزيد في الكلام، لقيت ابو طاوس بيقول لي شخص من الشخصين اللي معاها

هي الساعة كام لقيت نفسي بقول بدون ارادة مني قولت : الساعة  05 : 12 دقائق يا حسان لقيت ابو طاوس اتوتر وشه اصفر وفضل يقول : 

- أقسمت عليك يا قرين امين ابن فوزية أن تنصرف بحق أبا ديباج العامري وبحق الملك الأحمر و بحق ملوك الجن العلوي و بحق ملوك الجن السفلي قطعت ابو طاوس وقلت 

- الساعة الساعة العجل العجل هههههههههه، تقدر تعمل ايه تاني يا ابو طاوس؟ 

- ازاي ازاي ازاي انت مش عايز تنصرف ليه؟

- عشان النهاردة اليوم الرابع يعني اصبحت اتحكم اكثر في الجسد يعني التواصل اللي بيني وبين امين اصبح من خلال الجسد، ثانيا صاحب الجسد لا يريد ان يصرفني وبداخلها غضب شديد منك يا حسان، دلوقتي حان وقت الانتقام يا ابو طاوس 

لقيت ابو طاوس والشخصين اللي كانوا معاها جري نحيت الباب، الباب اتقفل ولقيت نور الاوضة عمال ينور ويطفي وكان في اصوات كتير حولنا اصوات همس  ابو طاوس والرجالة اللي معاها عملين يخبطو علي الباب ويصرخوا ويقول افتحوا الباب افتحوا الباب، انا كنت حاسس بكل ده ولكن مكنتش قادر اتحرك مكنتش قادر اتكلم كنت مشاهد فقط 

لقيت نفسي الكرسي بيطير بيه أو قصدي  بيرتفع بيه من علي الارض ولقيت حاسس بطاقة كبيرة اووي، ولقيت عيني قلبت ابيض وقطعت الحبل اللي كانت مربوط بيه ونزلت علي الأرض وأول ما رجلي لمست الأرض النور قطع اللي في الاوضة سامع صوت صراخ وناس بتتعذب ولقيت النور رجع تاني.

لقيت ابو طاوس و الرجالة اللي معاها في الاوضة مرمين علي الأرض ولقيت الباب أتفتح وخرجت وكل ما راجل من رجالة ابو طاوس يشوفني القيه يقع علي الأرض وخرجت من بيت ابو طاوس ورحت لي  بيتي، وكل ده وانا مش متحكم في جسمي دخلت بيتي ولقيت نفسي ببص في المرايا لقيت نفسي قدرة أتكلم اخيرا وقلت: أنت أتحكمت في جسمي خلاص؟ 

- لا يا أمين   

- طب وانت أزاي انت المتحكم مش انا، انا حاسس اصلا اني شفاف مش موجود  

- في اليوم الرابع بيتم قسم الجسد لي فترتين  الفترة الاولي بتكون الصبح وقت الانس وانت المتحكم، والفترة التانية هي وقت الجن ودي انا المتحكم، والمتحكم بيقدر يعمل كل حاجه بشكل طبيعية اما اللي مش متحكم هيكون مشاهدة فقط وميقدرش يسمع اي حاجه بتحدث.

- طب هو انت قتلت ابو طاوس ورجالته 

- لا انا حبست قرناء ابو طاوس ورجالته

- يعني ايه؟

- القرين لمه بيتم حبسه بيتم فقد التوازن بين الشر والخير بداخل الإنسان والإنسان بيصبح لا عيش ولا ميت لان اختل التوازن في الجسم 

- يعني خلاص كدة انت هتستحوذ علي جسمي؟ 

- وفيه ايه يا امين؟ وانت كنت المتحكم في الجسم عملت ايه يعني؟ ولا اي حاجه، عندك عقل وقوة داخلية ومقدرتش تستخدمهم 

- وده جسدي انا يا قريني

- مش لوحدك ده جسمي زي ما هو جسمك، خليني اوريك هقدر اوصل لي فين لمه اتحكم في الجسم بشكل كامل. 

- هتعمل ايه يعني؟ 

- هجيب اضعاف الفلوس اللي انت ضيعتها بسبب غبائك، هكون عندي افخم العربيات وافخم البيوت، هعمل مشاريع توصلني لي فلوس وسلطة وقوة محدش يحلم  بيه، لازم اسيب بصمه في العالم يا امين هكون احسن من كل اللي حواليك هخليهم يكونو نفسهم اني اسلم عليهم بس، هتحكم فيهم هكون صاحب قرار مهم في العالم، مش دي كانت احلامك اللي معرفتش تحقق فيه اي حاجه. 

- ساكت ليه مش قادر تتكلم صح، الطريقة اللي كنت ماشي فيه غلط انت لازم تكسب الدنيا مش تفضل خايف وماشي جنب الحيط يا امين، لازم انا اللي اتحكم عشان اجيبلك حقك من كل الناس اللي كسروك وجرحوك لازم اخليك افضل منهم بكتير يا امين.  

قريني اصبح المتحكم في جسمي وي كانت وسيله الاتصال لمه يكون هو المتحكم او انا  كانت من خلال المرايا، لقيت قريني قاعد وي ولع شمعتين  وقفل النور وكان بيقول كلام كتير دي طلاسم، هو قريني فاكر اني مش بسمع لكن انا بسمع وبشوف كل حاجه بتحصل لمه بيكون المتحكم، ولقيت من العدم ظهر شخص غريب جدا لابس اسود في اسود، وقال : نحن قمنا بمساعدتك في التخلص من ابو طاوس وقبلنا أنت تكون مكان ابو طاوس وعليك أن تقوم بتنفيذ عهد ملوك الجن السفلي.

الخاتمة 

وفي نهاية الجزء الرابع من القصة أتمني أن تكتب رأيك في تعليق  واذا  كنت تريد أن تتوصل معي أو تريد مشاركة قصصك المرعبة أنصحك بأن تشترك في الجروب وصفحة الويب المظلم 30 علي الفيس بوك، والان عليك أن تتجول قليلا في موقعي حتي لا تصيبك اللعنة.

• جروب الفيس بوك 
• صفحة الفيس بوك