هل أنت قمت بتنفيذ شروط القراءة؟ إذا لا تعرف الشروط فهي أولا الجلوس في مكان هادي ثانيا يكون معك مشروبك المفضل ثالثا عليك أن تلبس هاند فري رابعا قبل القراءة يجب تشغيل الفيديو الذي سوف تجدها في الأسفل الآن أستمتع بالرعب والغموض يا صديقي.
قصة الاستحواذ الشيطاني
السلام عليكم وحمة الله وبركاته أستاذ علي، فكرت كثير قبل ما ارسل لك هذه الرسالة ولكن اتخذت القرار إني ارسل الرسالة ولو كنت بتسأل ليه غيرت رأي لان كنت أريد من حضرتك تنشر هذه القصة عندك في الموقع لكي تحذير كل من يقرأ مقالات أو قصص حضرتك أنهم ميفكروش خالص في دخول هذا العالم لانه سوف يصبح شخص تاني شخص منعزل بعيد عن كل الناس، أنا عارف إني كلامي مش واضح وحضرتك مش فاهم حاجهولكن الرسالة ده هيتم ارساله بشكل اتماتيك لو حصلي حاجه لاني حاسس اني هموت المهم
أعرفك بنفسي الأول أنا اسمي أمين عندي 35 سنه شغال محاسب بحب القراءة جدا كنت بقرا أي كتاب أشوفه قدامي لإني أنا مش متجوز وأمي وأبويه ربنا يرحمه وكان عندي فارغ كبير جدا بعد الشغل فأكنت بقراءة طول الوقت في كل حاجه المهم العقل كل ما يقرا كتاب يحسه أنه كان جاهل بحاجات كتير وان العقل محتاج اكتر محتاج معلومات اكتر وده اللي كنت بعمله كنت بفضل اقرأ في كتب، ولكن مش هيحصل الكلام اللي بنسمعه في الحكايات أني وقع في ايد كتاب سحر والحوار ده الموضوع اكبر من كدة
البداية
المهم في يوم كنت لسه جاي من الشغل وداخل العمارة ولقيت أستاذ احمد والجيران كلهم واقفين قدام شقة أستاذ احمد اكيد حصل حريق زي كل مرة استاذ احمد من اول ما سكن في الشقة دي والشقة بتولع كل 3 شهور من غير سبب وأن الغريب أن مفيش سبب واقعي لحدوث الحريق المهم وقفت معاهم شوية وفعلا زي ما كنت متوقع ولكن المرة ده مش زي كل مرةهتقولي أزاي مش زي كل مرة هقولك أني الجيران أقتنعوا أستاذ احمد أن اللي بيحصل عنده في الشقة حاجة مش طبيعية وأنه لازم يجيب شيخ يقرأ قران في الشقة أستاذ احمد مكنش عايز يفتح الباب ده لانه مش هيخلص لان في ناس كتير نصابين ولكن مرات أستاذ احمد كانت بضغط عليه أنو يجيبوا شيخ من طرف امها اللي هي حماته وفعلا تاني يوم وانا جاي من الشغل طالع لقيت أستاذ احمد واقف وكان معاها شخص وكان أستاذ احمد عمال يحكي عن الحاجات اللي بتحصل في الشقة وكان الشخص ساكت وبيسمع منه
قولت السلام عليكم وقفت مع أستاذ احمد مينفعش أسيبه لوحدة ده واجب وأحنا ناس صعيده ونعرف الأصول كويس المهم كان الراجل ده اسمه الشيخ أبو طاوس بعد ما خلص أستاذ احمد الحاجات اللي بتحصل جوه الشقة، أبو طاوس اتكلم وقال : طب لو سمحتموا أطلعوا بره مش عايز حد في الشقة
.png "قصة الاستحواذ الشيطاني لا تفتح له الباب لانه سوف يحطم العظام")
من كلام الشخص ده فهمت أن الحوار مش قراءة قران الموضوع شكله اكبر من كدة وده مش شيخ بس كنت عايز أتأكيد برضو ده مجرد شك بسيط، وفعلا كل اللي كانوا في الشقة طلعوا بره وهو كان وَحْدَهُ وقبل ما يقفل علي نفسة الباب قال مش عايز حد يخبط علي الباب أو يتكلم بصوت عالي عايزين تكون واقفين قدام الباب هنا مفيش مانع بس مش عايز ازعاج أستاذ احمد وافق فضل أبو طاوس في الشقة لمدة 2 ساعين واحنا واقفين بره
عايزين نفهم هو في أيه؟ وهو أصلا بيعمل أيه؟ قولت لأستاذ احمد : الشخص اللي جوه ده مش شيخ اكيد مفيش حد شيخ بيعمل اللي هو بيعملو ده وكان الرد غريب اووي من أستاذ احمد وهو : المهم يا أستاذ امين يعرف يساعدني في حل المشكلة دي المهم أبو طاوس طلع وقال : أنا كدة خلصت كان في جني مسلط عليكم وكان بيتم تجديد العمل كل 3 شهور وخد أبو طاوس من أستاذ احمد 3 آلاف جنيه أنا كدة فهمت فعلا ده مش شيخ لان الشيخ بيعمل الحاجات ده لي لله
فضولي القاتل
أصدمت من اللي قالوا عرف أسمي وعرف اللي كنت بقوله لنفسي أزاي وأفكار كتير هجمت علي دماغي كان أستاذ احمد عامل يكلمني وأنا كنت في عالم تاني أستاذ امين أستاذ امين مالك يا أستاذ امين، أسف كنت سرحان في حاجه بس لقيت أستاذ احمد بيرد عليه وبيقول حبي جديد ده ولا ايه فرحانه بيك ياعم ابتسمت
وقولت لي أستاذ احمد حاجه غريبة اووي : انت معاك رقم أو عنوان الشيخ طاوس
أستاذ احمد : اكيد، أنت عندك مشكلة.
أمين : مش أنا الحقيقة ده صديقي في الشغل.
أستاذ احمد : مفيش مشكلة ثواني وهيجلك الرقم من حماتي.
مش عارف أنا ليه طلبت الرقم بس كان عندي أسئلة كثيره، هو اه شكله ساحر بس مفيش ساحر بيعرف معلومات بسرعة ده بدون تحضير مساعد من الجن، كان أمر مجهول جدا ومستحيل بنسبة ليه وكنت لازم اعرف وافهم عشان ارتاح تقدر تقول عليه أني فاضي، مجنون المهم ده مش هغير حاجه دلوقتي.
أنا من النوع أني فضولي ممكن يخلني أخاطر بحاجات كتير من أجعل أشبع فضولي أخدت الرقم من أستاذ احمد والراجل شكرني جدا أني كنت واقف معاه، وبعد كده طلعت البيت عندي افكر هتصل بشيخ أبو طاوس ده ولا أية فتحت الإنترنت عشان ابحث ولكن ابحث عن أيه مش عارف اكتب ايه وانا مش عارف هو عرف أزاي أصلا؟ قمت أجيب التليفون واتصلت بيه ثواني ولقيت الشيخ أبو طاوس رد وقال :
.png "قصة الاستحواذ الشيطاني لا تفتح له الباب لانه سوف يحطم العظام")
أبو طاوس : أستاذ أمين كنت عارف أنك هتتصل بيه ولكن بصرحة مكنتش أعرفك أنك هتصل بسرعة ده.
أمين : انت قطع الشيخ أبو طاوس أمين وقال.
أبو طاوس : من غير كلام كتير أنا عارف أنت عايز أيه، أنا عرفت أسمك أزاي وعرفت أنت بتقول ايه في نفسك أزاي؟ مش ده الأسئلة اللي انت بتدور في دماغك.
أمين : ايوه عايز أعرف أزاي.
أبو طاوس : ده علم كبير يا أمين.
أمين : أزاي أنا مش فاهم حاجه؟ علم السحر يعني؟
أبو طاوس : ده علم كبير لو كنت عايز تعرف العلم ده أنا عندي كتاب هينفعك أوووي وانا عارف كويس أنك بتحب القراءة اوي.
أمين : اسمه ايه الكتاب ده؟
أبو طاوس : ملوش اسمه ده مش كتاب مطبوعة، ده كتاب بخط الايد يعني مستحيل تجيب الكتاب ده اصلا.
أمين : ده انت هتبيع الكتاب ده بكام يعني؟
أبو طاوس : من غير فلوس.
أمين : مفيش حاجه بدون مقابل يا أبو طاوس.
أبو طاوس : صح هو فعل في مقابل لكل حاجه في الدنيا، لو عايز تعرف المقابل لازم نتقابل علشان الكلام ده مش هينفع في التليفون.
أمين : تمام معنديش مشكلة حدد اليوم و الساعة.
أبو طاوس : تمام بكرة بعد صلاة العشاء عندي في البيت وهبعتلك العنوان في رسالة عشان شغلك انت بتخلص الساعة 5.
أمين : طب أنا شغال ايه؟
أبو طاوس : لسه مش عايز تصدق يا أمين أنت شغال محاسب في بنك ......... فرع ......... السلام عليكم.
المكالمة أتقفلت، رد علي الأسئلة بدون ما أتكلم كلمة واحدة، عرف مكان شغلي وأنا شغال أيه بدون كلمة مني، و عرف أني بحب القراءة كله ده من غير ما يتكلم معايا أو يعرفني، كنت هتجنن في اليوم ده أي حد مكاني في الموقف ده كان حس بنفس الشعور اللي أنا حاسسه دلوقتي.
يوم المقابلة
المهم تاني يوم رحت الشغل عادي زي كل يوم كان يوم روتيني عادي لحد موعد الخروج من البنك وروحت البيت، عشان اجهز نفسي أول ما الساعة بقيت 6 ونصف لقيت رسالة جاتلي علي التليفون فيه العنوان قمت اصلي ونزلت علطول روحت علي العنوان كنت واقف قدام بيت كبير قربت من علي الباب ولسه هرن الجرس لقيت أبو طاوس فتح الباب وكان يبتسم ابتسامه خبيثه جدا.
وبيقول : اهلا وسهلا اتفضل يا أمين، دخلت البيت لقيت أبو طاوس بيقولي : تحب تقعد ولا أفرجك علي البيت، وكان ردي : احب اشوف البيت، أبو طاوس : أووي أووي أتفضل البيت كان كبير وكان عامل زي المتحف الفرعوني ولكن الغريب أن أبو طاوس كان عايش لوحد في البيت الكبير ده.
كان ساكت وانا كنت ساكت مبهور من البيت، المهم وقفت ونظرت في عينه وقولتلو أيه هو المقابل يا أبو طاوس سكت لمدة دقيقة وبدا في الكلام وقال : أنا مش هلف وادور يا أمين أنا احب اتكلم في الموضوع علي طول أنت نوع نادر من البني أدمين.
أمين : يعني ايه هو أحنا أنواع.
أبو طاوس : طبعا، الطاقة تختلف، الروح، الذكاء، الحكمة، الشفافيه، النسل.
أمين : وانا ايه من كل دول.
أبو طاوس : أنت النوع الزهري يا أمين.
أمين : الزهري؟ مش فاهم؟.
أبو طاوس : الموضوع كبير ولكن عشان عارف أنك فضولي ولازم تعرف كل حاجه، هقولك اختصار يعني ايه زهري، الزهري : هو شخص روحاني يمتلك طاقة روحانية مرتفع جدا عكس الانسان العادي التي يمتلك نسبة اقل بكثير عن الإنسان الزهري , لذلك يقال انه من سلالة الأنبياء وخلق لخدمة البشر وعبادة الله فقط.
أمين : وانت برضو عايز مني أيه؟
أبو طاوس : عاوزك تشتغل معايه عشان أنت عندك طاقة روحانية عاليه جدا وهتسعدني جامد أووي هو ده المقابل يا أمين.
أمين : هشتغل معاك أزاي وشغلي؟ وأنا هشتغل أيه أصلا؟
أبو طاوس : الشغل بتاعي مش كل يوم وحتي لو في شغل بيكون بعد الساعة 5 يعني حياتك هتمشي عادي وي اللي أنا اعرفه أنك عندك فارغ كبير يعني مفيش مانع أنك توافق والموضع الاهم هتاخد الكتاب ومش بس كدة هتتعلم مني حاجات عمرك ما هتعرف تعملها وهتساعدك جامد أووي.
أمين : مش عارف مش هعرف ارد عليك دلوقتي.
أبو طاوس : الموضوع سهل جدا أنت ليه مصعبة علي نفسك.
أمين : طب أنا هعمل ايه؟
أبو طاروس : مش هتفهم حاجه غير لمه توافق وتشوف بنفسك.
أمين : موافق.
أبو طاوس : كنت عارف أنك هتوافق يلا عشان تأخذ الكتاب بس خلي بالك الكتاب ده خطير جدا يعني اعرف معلومات بس ولكن متنفذ حاجه من الكتاب لانه مش أي حد يتعامل مع الطرق الموجود في الكتاب أنا هعلمك ولكن أنت متجربش حاجه كدة كدة في بداية الكتاب فيه معلومات كتير وتقيله عليك عقبال ما تفهم هتكون اتعلمت مني حاجات ده أولا ثانيا لازم تعرف القواعد عشان تشتغل معايا صح.
أمين : تمام يلا.
القواعد كانت :
- الأكل يكون من غير روح يعني أيه؟ يعني ممنوع أكل الحيوانات مثل اكل الفراخ و لحم البقر وأي حاجه بتخرج منها زي البيض، اللبن.
- لازم كل يوم بالليل تعمل تمرين زي الاسترخاء والتأمل والتنفس.
- قراءة مجموعة من الأيات القرانية.
- وقراءة الكتاب بدون التنفيذ لانه هيفهمك حاجات كتير.
بداية اللعنة
عرفت القواعد وأخدت الكتاب وروحت البيت، أنا اهم حاجه حصلت في اليوم ده أني هفهم هو أزاي يقدر ينظر لي أي شخص يعرف عنه معلومات وأشوف هل فعلا هعرف كل حاجه علي الناس اللي قدامي ولا لا، ورحت البيت و غيرت هدومي وفتحت الكتاب الكتاب مش كبير بنسبة لوحد زي بيحب القراءة كان 350 صفحة الكتاب فعلا ملوش اسم ملوش مؤلف كتاب غامض جدا أول صفحة مكتوب تحذير وهو أترك هذا الكتاب لا تنطق لا تنظر سوف تفتح له الباب سوف يستحوذ عليك.
مش هقولك أني مخفتش لا أنا خفت من التحذير ولكن فضولي كان اقوي من خوفي المهم الكتاب كان بيشرح أن لكل أنسان قرين من الملائكة وقرين من الجن صراع داخلك بين الخير والشر وانت المسئول عن مين اللي يكسب ومين اللي يخسر مكنتش قادر اسيب الكتاب الوقت كان بيجري مع أن الكتاب مش كبير بس أخدت وقت كتير عشان اقرأ كام صفحة من الكتاب
الكتاب كان فيه معلومات كتير اوووي زي سحر القرين هو سحر مركب ومزدوج لان الساحر بيقوم بسحر الانسي وقرينه من الجن، القرين لا يستطيع أحد حرقه لانه من المنظرين وهو يرتبط بالإنسان والانسان يموت وهو لا يموت بموت الانسان، القرين يعرف كل شيء عن صاحبه اللي هو الانسي كدة فهمت يعني أبو طاوس بيتواصل مع قرين الشخص عشان يعرفه عنه المعلومات اللي عايز يعرفه، لكي تتخلص من سحر القرين أو تريد السيطرة علي قرين قوي عليك أن تقوم بستخير ملك القرناء بأسحار النجوم والكوكب والأفاق السحرية، القرين من اقوي انواع الجن.
- انصحك بقراءة ==> ما هو القرين وكيف يتم التواصل مع القرين
معلومات كتير أوي بس أنا مش عايز كل المعلومات ده أنا عايز اعرف أزي تقدر تتواصل مع قرين الأشخاص مكنش فيه فهرس لي الكتاب بس كان في فصول وفضلت اقلب في الفصول لحد ما وصلت لي فصل تواصل مع قرينك بداية الفصل كان بيشرح أزاي تقدر تتواصل مع قرينك من الجن، أنا مش ناسي تحذير أبو طاوس ولا ناسي التحذير الموجود في بداية الكتاب ولكن كل الحاجات دي أثرت عليه بطريقة عكسية انت عارف يا صديقي أن كل ممنوع مرغوب أنا قررت أني هتواصل مع قريني وهرضي فضولي.
الخاتمة
وفي نهاية الجزء الأول من القصة أتمني أن تكتب رأيك واذا تريد أن تتوصل معي أو تريد مشاركة قصصك المرعبة أنصحك بشترك في الجروب وصفحة الويب المظلم 30 علي الفيس بوك، الان عليك أن تتجول قليلا في موقعي حتي لا تصيبك اللعنة.