%20%D9%84%D8%A7%D8%AA%D8%AB%D9%82%20%D9%81%D9%8A%20%D9%83%D9%84%D8%A7%D9%85%20%D9%82%D8%B1%D9%8A%D9%86%D9%83%20%D9%84%D8%A7%D9%86%D9%87%20%D8%A7%D8%A8%D9%86%20%D8%A7%D8%A8%D9%84%D9%8A%D8%B3%20(3).png "قصة الاستحواذ الشيطاني (7 ايام الاستحواذ) لاتثق في كلام قرينك لانه ابن ابليس")
مرحبا بك يا صديقي كيف حالك اليوم اتمني ان تكون بخير، اليوم هو الجزء الثالث من قصة الاستحواذ الشيطاني (7 ايام الاستحواذ) هناك الكثير من الاشخاص حولنا يكونون ظاهرين بشكل الملاك الذي هدفه في الحياة هو اسعادك ومساعدتك ولكن بعد فترة تكتشف انه ليس ملاك، انه كان شيطان متشكل في هيئة ملاك احترس لا تثق في احد.
هل أنت قمت بتنفيذ شروط القراءة؟ إذا لا تعرف الشروط فهي أولا الجلوس في مكان هادي ثانيا يكون معك مشروبك المفضل ثالثا عليك أن تلبس هاند فري رابعا قبل القراءة يجب تشغيل الفيديو الذي سوف تجدها في الأسفل الآن أستمتع بالرعب والغموض يا صديقي.
قصة الاستحواذ الشيطاني (7 أيام الاستحواذ)
دخلت الحمام فتحت نور الحمام وغسلت الكفين بعد كدة المضمضة بعد كدة الاستنشاق ثلاثة مرات بعد كدة غسلت وشي بعد كدة الايد اليمين المرة الاولي محصلش حاجه المرة التانية محصلش حاجه المرة الثالثة محصلش حاجه كملت الوضوء عادي بغسل ايدي الشمال لسه بدخل ايدي الشمال تحت المياه لقيت ايدي اتجمدت في مكانها فقد السيطرة علي ايدي الشمال خالص، جاي ابص في المراية لقيت القرين بيبتسم ولقيت باب الحمام اترزع ونور الحمام اتقفل انا اتحبست في الحمام !!!!
التواصل الأول مع القرين
%20%D9%84%D8%A7%D8%AA%D8%AB%D9%82%20%D9%81%D9%8A%20%D9%83%D9%84%D8%A7%D9%85%20%D9%82%D8%B1%D9%8A%D9%86%D9%83%20%D9%84%D8%A7%D9%86%D9%87%20%D8%A7%D8%A8%D9%86%20%D8%A7%D8%A8%D9%84%D9%8A%D8%B3%20(5).png "التواصل الأول مع القرين")
- متخفش يا امين مش ده اللي انت كنت عايزه انا بتكلم معاك دلوقتي ماذا تريد مني؟
- هو انا مش عارف اسيطر علي ايدي الشمال ليه ورجلي الشمال برضو مش عارف اسيطر عليه
- لان الجزء الشمال في جسمك بيكون مكان القرين
- يعني ايه ؟ هكون كدة علطول
- لا طبعا الاحساس ده هيكون موجود لمه اكون انا في العالم بتاعك لمه اروح العالم بتاعي جسمك هيكون طبيعي، روح افتح الباب بعد 5 دقائق علي صحبك هيخبط علي الباب.
- طب هو التواصل هيكون في الحمام علطول، هو مش الفروض يكون في حضور وانصراف
- لا مش لازم انا وانت واحد يا امين يعني انا بحميك من عالم الجن وانت تحميني من عالم الانس انا وانت مكملين لبعض
- طب التواصل هيكون أزاي؟
- في البداية التواصل هيكون من خلال المراية في اي مكان يعني مش لازم الحمام بس، وبعد 7 ايام هكون معاك في كل مكان اتكلم معاك وتتكلم معايا.
دق دق دق
- روح افتح الباب
- ماشي
%20%D9%84%D8%A7%D8%AA%D8%AB%D9%82%20%D9%81%D9%8A%20%D9%83%D9%84%D8%A7%D9%85%20%D9%82%D8%B1%D9%8A%D9%86%D9%83%20%D9%84%D8%A7%D9%86%D9%87%20%D8%A7%D8%A8%D9%86%20%D8%A7%D8%A8%D9%84%D9%8A%D8%B3%20(6).png "التواصل الأول مع القرين")
باب الحمام أتفتح وخرجت من الحمام ورحت لحد الباب وفتحت باب الشقة لقيت فعلا علي : انت كويس يا امين؟ امين : انا تمام يا علي ادخل، علي دخل الشقة وقال : طب مش بترد علي التليفون ليه؟، مجتش الشغل ليه النهارده؟ امين : عشان اتخنقت من الشغل والحياة الروتينية، انا بقالي في الشغل كام سنه يا علي؟ علي : كتير يا امين كتير اووي أمين : كويس اللي انت عارف قضيت نص حياتي في البنك وصلت انا لي ايه يا علي؟ منغير متتعب نفسك وتفكر يا علي
موصلتش لي اي حاجه انا وانت اشتغلنا مع بعض في البنك صح؟ علي : ايوه صح، امين : انت دلوقتي معاك عربية حديثة وبقيت
في منصب اكبر مني وعندك شقة في الشيخ زايد ومفيش فرق بيني وبينك في الشغل بلعكس يا علي انت عارف كويس اني اشطر منك في الشغل وبشتغل اكتر منك ولكن في الزمن ده كل حاجه اختل فيه التوازن.
علي : بس يا امين، امين : لو سمحت يا علي انا لسه مخلصتش كلامي انا هقولك أنت اشطر مني في ايه؟ في التطبيل للمسؤول، تكوين علاقات مع اشخاص انت مش بتحبه اصلا يعني بوشين، وكل ده ليه عشان توصل الي هدفك، الصراحة يا علي انت افضل صديقي ليه ولحد دلوقتي يهمك امري وده انا بحترمو فيك ولكن انا وانت مختلفين اووي يا علي.
علي : انت عندك حق في كل حاجه ولكن انت لسه قايل كل حاجه اختل توازنه يعني لو انا معملتش كدة مكنتش وصلت لي اي حاجه زيك يا امين، امين : صح ولكن هتفضل طول عمرك تحت رحمة البنك او المكان اللي انت شغال فيه احنا بنضيع عمرنا في شركات عشان منصب عشان مرتبي يكون اكتر والشركة سنة بعد سنة بتكبر وتفتح فروع كتير وانت بتكون زي ما انت مرتبك بيزيد 10% ولمة تحسبه هتلقي نفسك بتاخد نفس المرتب مش بيزيد ولا بيقل لان مع كل سنة بتعدي و قيمة الفلوس بتقل يا علي.
التحكم الجزئي في الجسد
%20%D9%84%D8%A7%D8%AA%D8%AB%D9%82%20%D9%81%D9%8A%20%D9%83%D9%84%D8%A7%D9%85%20%D9%82%D8%B1%D9%8A%D9%86%D9%83%20%D9%84%D8%A7%D9%86%D9%87%20%D8%A7%D8%A8%D9%86%20%D8%A7%D8%A8%D9%84%D9%8A%D8%B3%20(2).png "قصة الاستحواذ الشيطاني (7 ايام الاستحواذ) لاتثق في كلام قرينك لانه ابن ابليس")
أطلع بره يا علي انا مش عايزك في حياتي تاني، لقيت علي خرج من الشقة انا كنت قاسي اووي مع صديق عمري وهو اصلا معمليش حاجه انا عمري ما جرحت حد قبل كدة حاول يضرني وهو اصلا كان ذنبة ايه؟ كل ده عشان هو عايز يطمن انا ليه مجتش الشغل، ازاي اعمل معاه كدة انا لازم اتصل بيه روحت مسكت التليفون عشان اكلمة لقيت ايدي الشمال اخدت التليفون ورمت التليفون في الكرسي.
- هو مش علي ده اللي أخد المنصب منك زمان؟ هتصل تقوله ايه انا اسف يا علي انا مش قصدي صح
- ايوه عشان مش المفروض أتعامل مع شخص بيطمن عليه بطريقة ده
- مفيش حد يا أمين بيحب حد في الزمن ده افهم
- انا عايز افهم انت اصلا ليه بتحكم في جسمي هو مين محضر مين انا اللي المفروض اقولك اعمل ايه ومتعمليش ايه؟
- هههههههههه انت مش محضر جن يا امين انا قرينك يعني انا وانت واحد يعني ده جسمي زي ما هو جسمك
- جسمك أزاي؟ أنا هنا المسيطر يا قريني
- بلاش الطريقة ده انا خايف عليك انا بعرف معلومات من الناس من خلال قرينهم مش ده القدرة اللي كنت عايز تعرفة
- ايوه صح انت بتتواصل مع قرين الشخص وتعرف معلومات عن الشخص، صح انت بتعرف معلومات انا معرفهاش
- فهمت انا ليه بعمل كل ده عشان انا خايف عليك أنا زي عقلك هو المتحكم بشكل كامل في الجسم انت مش متحكم بشكل كامل
- ماشي يا قريني، دلوقتي انت هتعرفني معلومات الناس اللي قدامي ازاي.
- مش هينفع دلوقتي بعد 7 ايام عشان اعرف اتواصل معاك بشكل كامل
كل التواصل ده من خلال المرايه الي موجود في الصالة كانت الساعة 2 باليل لقيت رسالة من ابو طاوس محتوي الرسالة كان كتالي "امين في شغل بكرة اعمل الطقوس اول لمه ترجع من الشغل لحد ما ابعتلك الرسالة التانيه سلام" كنت في البلكونة بشرب كوبايه شاي عمال اقول لنفسي هروح لي الراجل ده ولا ايه مش عارف
بس الراجل ده مش تمام واهم حاجه عنده الفلوس لا لا انا مش هروح تاني انا هقطع علاقتي براجل ده خالص، وكان في حاجه تانيه كنت بفكر فيه الفلوس اللي معايه ده هعمل بيه ايه وهظهر الفلوس ده ازاي واشيل اصلا الفلوس ده ازاي مش عارف بس الفلوس خطر اووي يفضلوا تحت السريري شنطة الفلوس واخده مكان كبير مفيش مكان تاني اعمل ايه طيب؟
دخلت انام لان يومي بقي مقلوب كنت بنام الساعة 10 أو 11 دلوقتي بنام علي الفجر والساعة 3 بالليل لازم اظبط مواعيد نومي، صحيت من النوم علي الساعة 2 بعد الظهر قمت دخلت الحمام عشان اغسل وشي وهصلي انا من امبارح مصلتش حاجه
غسلت الكفين بعد كدة المضمضة بعد كدة الاستنشاق ثلاثة مرات بعد كدة غسلت وشي بعد كدة الايد اليمين المرة الاولي و المرة التانية والمرة الثالثة بغسل ايدي الشمال لسه بدخل ايدي الشمال تحت المياه لقيت ايدي اتجمدت في مكانها فقد السيطرة علي ايدي الشمال مرة تانيه بصيت في المرايه انت اكيد هتسال دلوقتي وهتقولي ليه حصل كدة؟ وانا هكرار وهقولك كل مكان في مرايه انا موجود يعني هتفقد السيطرة علي الجزء الشمال من الجسم
- بس انا بكون عادي مش معني في وقت الصلاة يعني؟
- عشان الصلاة هتكسر التواصل بيني وبينك، الصلاة بتبني حاجز جدار قوي بينك وبين جميع الطاقات والكائنات
- يعني أيه مش هصلي؟
- ده بشكل مؤقت بس لحد 7 أيام بس واكون أنا وانت واحد
- طب دلوقتي كنت عايز اسأل علي حاجه؟
- أقول
- أبو طاوس
- نصاب و بيستغلك يا أمين
- طب أزاي حصل كده في يوم المقبرة هل فعلا في حاجه اسمه إنسان زهري وعنده قدرات خارقة لي الطبيعية
- لا دي أسطورة يا أمين، واللي حصل ده كان بسببي أنا يا أمين أنا اللي كنت بحميك من الرصد و أبو طاوس عشان لو الرصد مكنش هرب كنت أنت ميت
المواجهة بين القرين وابو طاوس
ابو طاوس بعت الرسالة التانيه وكان في الرسالة "الساعة 7 سوف تجد سيارة لونة سوداء عليك أن تركب فيه لا تنسي الساعة 7 السيارة سوف تكون أمام العمارة التي تسكن به"، أنا مش هروح أنا هكبر دماغي الراجل ده الثقة اللي بيني وبينه انتهت خلاص انا مش هخلي حد تاني يستغلني أنا هكون صاحب القرار الأول و الأخيرة في حياتي.
واليوم مشي عادي الساعة بقيت 7 بالليل كنت براقب من الشباك كان فيه عربية لونة سوداء كنت قاعد مستني هل يمكن السواق هيطلع من العربية ويطلع الشقة يخبط علي الباب عندي ولا لا، بحب اكتب اكتر من سيناريو جوه دماغي عشان لو فيه حاجه حصلت من السيناريوهات اللي في دماغي هكون جاهز انا هعمل ايه، ولكن اللي حصل كان عكس اللي كنت متوقعة، اللي حصل لمه الساعة بقيت 7:30 العربية أتحركت من قدام البيت.
هل كده الموضوع انتهاء مع ابو طاوس كملت اليوم وانا بفكر هيكون رد فعل ابو طاوس ايه؟ كنت علطول مركز علي التليفون هيبعت رسالة ولا المفروض هيكلمني في التليفون بس الساعة بقيت 12 ومفيش أي رد فعل من ابو طاوس خالص، السكوت ده بصراحة كان مخوفني، متخفش انا معاك وخلي بالك ابو طاوس هيرن الجرس بعد دقيقة واحدة خليك هنا في الصالة عشان اكون قريب منك
مبحبش المفاجات دي انا مش عارف هقوله ايه؟ قولتلك متخفش يا امين انا معاك، وفعلا الجرس رن رحت فتحت الباب لقيت ابو طاوس
%20%D9%84%D8%A7%D8%AA%D8%AB%D9%82%20%D9%81%D9%8A%20%D9%83%D9%84%D8%A7%D9%85%20%D9%82%D8%B1%D9%8A%D9%86%D9%83%20%D9%84%D8%A7%D9%86%D9%87%20%D8%A7%D8%A8%D9%86%20%D8%A7%D8%A8%D9%84%D9%8A%D8%B3%20(4).png "قصة الاستحواذ الشيطاني (7 ايام الاستحواذ) لاتثق في كلام قرينك لانه ابن ابليس")
- ابو طاوس اتفضل
- منزلتش ليه يا امين في الميعاد هي الرسالة مجتش ولا ايه؟
- لا الرسالة وصلت يا ابو طاوس وانا شوفت العربية كانت قدام البيت الساعة 7 ومنزلتش
- والسبب يا امين
- مش هكمل معاك الشغل يا حسان
- نعم يا حبيبي أزاي الكلام ده وحسان كمان
- أنا قولت اللي عندي شوف تقدر تعمل ايه وعملها
- وانا عايز اكلم امين مش قرين امين
- انا وامين واحد يا ابو طاوس
- صح انتم الاتنين واحد
ابو طاوس رمي التليفون علي المرايا أتكسرت، أنا وقعت علي الأرض كنت مش فاهم ايه اللي حصل لقيت ابو طاوس اخدني بره الشقة علي السلم وقولت لي ابو طاوس : في ايه؟
- انت عملت ايه يا امين انت حضرت القرين
- انت عرفت أزاي
- لان مكنتش عارف اتواصل مع قرينك وقرينك عرف اسمي الحقيقي من خلال قريني، ليه يا بني ليه انت لسه جديد في المجال ليه عملت خطوة زي ده، مش انا حذرتك يا بني طب مشوفتش التحذيرات الموجود في الكتاب
- انا شفت كل حاجه وعارف انا عملت ايه انا وقريني واحد يا ابو طاوس زي ما انت وقرينك واحد
- غلط يابني الكلام ده اللي هو فهمهولك انت ازاي تصدق جني يا بني ده ابن ابليس
- ابن ابليس أزاي يعني
- أنت مقرأتش أول كتاب ولا أيه؟
- لا، انا كنت عايز فصل تحضير القرين بس ودخلت علي الطقوس علطول والطقوس معملتش حاجه في اول يوم وتاني يوم ظهر في مراية الحمام و بعد كدة لقيت في الكتاب ان بداية التواصل هتكون المراية
- يعني ايه انت مصرفتش قرينك لمه حضر
- لا
- غبي غبي ليه يا بني اللي أنت عملته ده انت فتحت علي نفسك باب من الجحيم
- ليه؟
- هو اتكلم معاك في السبع ايام
- ايوة
- لازم تاجي معايه البيت يا امين انت عارف بعد ال 7 ايام هيحصل فيك ايه
- هيحصل ايه؟
- هيتم الاستحواذ علي جسمك وانت هتكون محبوس جوه الجسم يعني هيحصل عملية تبديل هو هيتحكم في جسم بشكل كامل وانت هتكون قرينه هو
- ازاي! هو في حاجه كدة اصلا؟
- لو رجعت بالزمن للوراء في عصر المصريين القدماء، وقلتلهم أن في المستقبل الانسان هيصنع عربية بتمشي بسرعة كبير جدا اسرع من الجمل، والمشور اللي بياخد 3 ايام هياخد 3 ساعات بالعربية، هيكون ايه رد المصريين القدماء؟
- فهمت قصدك
- المهم عده كام يوم لحد دلوقتي من تحضير القرين
- انهاردة تاني يوم
- قصدك تالت يوم الساعة 1 صباحا، يلا بينا دلوقتي عشان نلحق ناقص 4 ايام
- انت بتعمل معايا كل ده ليه يا ابو طاوس
- عشان انت زهري وانا هستفاد منك في شغلي كتير هيكون مكسب ليك وليه وانت مش هعترف تتعامل مع قوتك الداخلية يا امين
الخاتمة
وفي نهاية الجزء الثالث من القصة أتمني أن تكتب رأيك في تعليق واذا كنت تريد أن تتوصل معي أو تريد مشاركة قصصك المرعبة أنصحك بأن تشترك في الجروب وصفحة الويب المظلم 30 علي الفيس بوك، والان عليك أن تتجول قليلا في موقعي حتي لا تصيبك اللعنة.