recent
أخبار ساخنة

قصة الاستحواذ الشيطاني (نهاية الاستحواذ) من أتلف شيئًا فعليه إصلاحه

الصفحة الرئيسية

قصة الاستحواذ الشيطاني (نهاية الاستحواذ) من أتلف شيئًا فعليه إصلاحه


مرحبا بك يا صديقي كيف حالك اليوم أتمني أن تكون بخير، اليوم سوف تكون نهاية قصة الاستحواذ الشيطاني (نهاية الاستحواذ) لا تنسي أن تقرأ الاجزاء السابقه من القصه لكي تفهم الاحداث هل أنت قمت بتنفيذ شروط القراءة؟ إذا لا تعرف الشروط فهي أولا الجلوس في مكان هادي ثانيا يكون معك مشروبك المفضل ثالثا عليك أن تلبس هاند فري رابعا قبل القراءة يجب تشغيل الفيديو الذي سوف تجدها في الأسفل الآن أستمتع بالرعب والغموض يا صديقي.


قصة الاستحواذ الشيطاني (نهاية الاستحواذ)





قريني اصبح المتحكم في جسمي وي كانت وسيله الاتصال لمه يكون هو المتحكم او انا  كانت من خلال المرايا، لقيت قريني قاعد وي ولع شمعتين  وقفل النور وكان بيقول كلام كتير دي كانت طلاسم شبه الطلاسم الموجود في كتاب تحضير القرين، هو قريني فاكر اني مش بسمع لكن انا بسمع وبشوف كل حاجه بتحصل لمه بيكون المتحكم، ولقيت من العدم ظهر شخص غريب جدا لابس اسود في اسود، وقال : نحن قمنا بمساعدتك في التخلص من ابو طاوس وقبلنا أنت تكون مكان ابو طاوس وعليك أن تقوم بتنفيذ عهد ملوك الجن السفلي. 
 
أنت سامع يا صديقي اللي أنا سمعه قريني عمل معاهدة مع ملوك الجن عشان ينتقم من ابو طاوس ويأخذ مكانه بجسمي أنا، أنا المفروض اعمل حاجه مش هينفع قريني يستحوذ علي جسمي، النهاردة اليوم الرابع ناقص ثلاثة أيام منقسمين بيني وبينه، أنا الصبح المتحكم وهو المتحكم بالليل ولكن في ثغرة هو لمه اكون انا المتحكم هو بيكون مشاهد فقط مش بيسمع الكلام، لكن أنا مميزة عنه في هذه النقطة. 
 
وفي نقطة تانيه وهي وقت التحكم بيكون أمتي ولسه مكملتش الكلمة لقيت اذان الفجر بياذن وأصبحت أن المتحكم شعور مرعب اووي انك تفقد التحكم في جسمك وحد تاني هو اللي بيتحكم مش أنت، أنا دلوقتي عرفت بداية التحكم امتي الفجر بداية التحكم،  لازم القي حل جريت بسرعة أدور علي الكتاب اللي أنا أخدة من ابو طاوس أكيد في الحل. 
 
 
لقيت الكتاب ولكن كان فيه مشكلة أن الكتاب كبير وانا مش هقدر هقرأ كله ده الوقت بيعدي،  انا لازم اكون هادي عشان اعرف افكر كويس بقيت اعمل شهيق و زفير عشان ده بيساعد علي الهدوء وبعد 3 دقيق لقيت نفسي بقيت احسن وتخلصت من التوتر مسكت الكتاب وفتحت الكتاب من الأول خالص مفيش حل تاني لازم اقرأ الكتاب كله او حتي لحد طقوس التحضير. 
 
 
الوقت كان بيمر وانا عمال اقرأ واركز علي كل كلمة في الكتاب كان في معلومات كتير صعبة الفهم ولكن كنت بحاول افهم هذه المعلومات من خلال البحث علي الإنترنت، الكتاب بيشرح أن زي ما كان سيدنا ادم عليه السلام كان له قرين من الجن والقرين ده هو ابليس الملعون، اصبح لكل بني ادم قرين من الجن من نسل ابليس الملعون، معلومات الكتاب كانت عبارة عن تاريخ قديم و معلومات سحر اسود. 
 
 
الوقت بيمر وانا عايز انام مش قادر الساعة 4 العصر قمت اعمل قهوة عشان افوق، شربت القهوة والحمد الله بقيت احسن أنا الحمد الله خلصت نصف الكتاب ناقص كام صفحة وهدخل علي الشغل العملي كل اللي فات ده معلومات عن تاريخ القرين وان القرين خبيث وكاذب وقوي جدا وكيف كان يتعامل سيدنا ادم وأنبياء الله مع القرين. 
 

القرين يدمر الحل الوحيد 

 
الساعة بقيت 10:30  لقيت نفسي فقد السيطرة علي جسمي وحصلت عملية تبادل واصبح قرينه هو المسيطرة وأول ما أتحكم في الجسد واقف أمام المرايا وقال : انت بدور علي طريقة لتخلص مني يا أمين؟  
 
 
- ايوة وسوف اتخلص منك الي الابد. 
- ههههههههه وكيف سوف تفعل ذلك؟ 
- من الذي ظهر من العدم وكنت تتكلم معه. 
- تريد أن تعرف؟   
- ياريت بس الصراحة، لو مش عايز تقول خلاص مش لازم  تكذب. 
- ولماذا اكذب؟  
- لماذا تكذب سؤال جيدا نحن في عالم الانس نكذب لكي نهرب من مشكلة، نكذب لأننا خائفين من المواجهة.  
- تقصد انني خايف منك؟  
- أكيد خايف مني وده مش كلامي ده الواقع ودي برضو معلومات من الكتاب اللي انا حضرتك منه.  
- الكتاب اه ههه وانت تصدق الكلام ده برضو. 
- اه طبعا لازم اصدق الكتاب، لان الكتاب ده هو اللي خليني احررك واتكلم معاك بدون قيود وتتحكم في جسمي كمان بدون قيود ازاي اكذب الكلام الموجود فيه هل ده منطقي. 
لقيت  قريني اتعصب جدا ومسك الكتاب وجاب ولاعة و حلة كبيرة اكيد انت عارف هو بيعمل ايه؟ كان بيحرق الكتاب اللي اكيد كان فيه الحل كان ده الحل الوحيد عشان ارجع جسمي تاني.  
- حرقت الكتاب اللي كان املك الوحيد يا امين، لازم تصدق اني خلاص همتلك جسدك بشكل دائم يعني مفيش حل خلاص. 



قصة الاستحواذ الشيطاني (نهاية الاستحواذ) من أتلف شيئًا فعليه إصلاحه


- أكيد في حل  تاني

- مستحيل وانت عارف كدة كويس الكتاب اتحرق و لمه ترجع تتحكم في جسمك تاني هيكون ناقص يومين  بس وانا هكون المتحكم الوحيد يا امين، انت ضيعت وقتي أنا لازم امشي دلوقتي 


قريني خرج من البيت مش عارف هو رايح فين ولكن الطريق اللي هو ماشي فيه ده انا عرفة كويس ده طريق بيت ابو طاوس هيروح لي ابو طاوس ليه؟ مكنتش عارف هيعمل ايه تاني؟ لقيت قريني فتح بيت ابو طاوس ودخل البيت كان كل حاجه زي ما هي رجالة ابو طاوس لسه مرمين علي الأرض لقيت قريني كان جايب معه بخور وشغل البخور في المكان. 


وفضل يقول طقوس صرف عمار المكان ومسك واحد من الرجالة وكتب علي ايديه اسم ملك القرناء أنا فهمت هو بيعمل أية ده بيحضر قرين الشخص ولقيت القرين حضر وتحكم بشكل كامل في جسم الشخص ولقيت الشخص اقصد قرين الشخص بيسجد بيسجد لي قريني، وقريني عمل طقوس تحضير القرين لجميع رجالة ابو طاوس وكلهم كانوا بيسجد ليه اول ما بيحضر القرين ويتحكم في الجسم.


امتلك قريني رجالة ابو طاوس اقصدي قرناء رجالة ابو طاوس بعد كده أمر القرناء بإحضار ابو طاوس من فوق وفعلا قاموا بتنفيذ الأمر واحضروا ابو طاوس، قام قريني برسم دائرة خماسية وقام بطلب من القرناء احضار [سكين، مواد تساعد علي الإشعال، حبل، كرسي مصنوع من الخشب] وفعلا القرناء قاموا بتنفيذ الامر.



قام قريني بوضع الكرسي في منتصف الدائرة ووضع عليه ابو طاوس واحضر الحبل وقام بربط ابو طاوس في  الكرسي وامسك السكين وقام بقطع ذراع ابو طاوس كان منظر بشع جدا، وابو طاوس كان ينظر ولا يتكلم ولا يصرخ كان جسد بلا روح، وكان بينزف دم كتير اوووي 



وقريني كان يقوم باستخدام هذا الدم الذي كان ينزل من ابو طاوس في  إعادة رسم النجمة ولكن بدماء بشرية وبعد ذلك قام بإسقاط المواد التي تساعد علي الاشتعال علي جسم ابو طاوس و في منتصف الدائرة وبعد ذلك قام بوضع 5 شمعات حول الدائرة وقف بعيد وأمر القرناء بإغلاق جميع الأنور في المكان وقام بقول تعويذة بصوت عاليه جدا وبعد الانتهاء من التعويذة.



هبت رياح قوية  قامت بإطفاء الخمس شمعات التي كانت مشتعلة أنطفت من قوة الرياح وكان هناك صمت مرعب في المكان انت في مكان مظلم لا تري شيء ولا تسمع شيء وبعد ثواني سمعت أصوات همس وبعد ذلك اشتعلت نار قوية في منتصف الدائرة كان ابو طاوس يحترق وكان يصرخ صرخات مرعبه جدا مشهد من ابشع المشاهد التي يمكن ان تشاهدة في حياتك.


قصة الاستحواذ الشيطاني (نهاية الاستحواذ) من أتلف شيئًا فعليه إصلاحه


وكان قريني يضحك يضحك بشكل هستيري وبعد ذلك جميع الأنوار اشتعلت مرة اخري والنيران توقفت ولكن الغريب بعد توقف النيران لم يكن هناك اثر لي ابو طاوس، ووقف قريني وقال : حان الوقت لكي  نحرر جميع القرناء لكي يصبحوا هم المسيطرون علي الاجسام البشريه، أنا الزعيم هنا أنا عندما اكون المسيطر علي الجسد  تكونوا انتم المسيطرون، يومين فقط وسوف اسيطر بشكل كامل علي الجسد وانتم كذلك، هذا المكان هو مكان تحرير القرناء الآن أريد منكم ان تتعامل بشكل طبيعي جدا وسط الانس اريد منك ان تقوم بعمل علاقات بينهم وتقوموا باحضارهم الي هنا وتقوم بتحرير القرناء هنا، الوقت يمر وسوف يعود الانس لكي يتحكم مرة اخري في الجسد عليكم ان تسرعوا في احضار الانس هنا اسرعو.   



كنت مصدوم من اللي انا سمعتوا ومن اللي حصل مع ابو طاوس هناك فرق كبير بين ان تكون انت المستمع  وان تكون انت من تعيش في هذه الواقعة، أصبت بحالة من التوهان لا استطيع  أن اركز في ما يفعل قريني مع من يتحدث لا استطيع أنا الان السبب في سيطرة قريني علي جسدي وسبب ايضا سيطرة القرناء علي اجساد الانس انا سبب في هذا  الخراب الذي سوف يحدث الي جميع الانس انا فتحت علي نفسي وعلي جميع العالم باب من ابواب الجحيم.



لا استطيع التفكير ليس هناك حل، الحل الوحيد كان في الكتاب ولكن الكتاب الآن اصبح رماد، أصبحت في حالة صمت لا افكر لا اركز في ما يحدث مع قريني أصبحت في حالة اللامبالاة حالة يأس، واستمرت هذه الحالة حتي وقت أذن الفجر أصبحت أنا المسيطر رجعت الي البيت ولكن كان جسدي مرهق جدا لا افهم كيف يتحكم في الجسد هذه المدة بدون أن يشعر بالنوم، لا استطيع التركيز عقلي يرسل لي اشارات، اشارات تعني حان وقت النوم.


القرناء يستحوذون علي الاجساد  


وفعلا دخلت غرفة النوم أنا لا استطيع أن استمر بدون نوم يجب عليه أن انام، اعلم ماذا تريد أن تقول يا صديقي اذا نمت سوف افقد  يوم كامل وسوف استيقظ وقرين يصبح المتحكم اعلم كل هذا واعلم ايضا ان النهاية أصبحت قريبا جدا أنا  قمت بتضييع نفسي و العالم، ويجب علي أن انام لان عقلي لا يستطيع التفكير، جسدي يحتاج الراحة، وفي ثواني قليلة جدا دخلت في مرحلة النوم العميق.


استيقظت علي ابشع منظر في حياتي، كنت في بيت ابو طاوس كان ملئ بالكثير من الأشخاص حوالي اكثر من 1000 شخص اقصد 1000 قرين مستحوذ علي الأجساد وكان قريني هو الملك كان قريني في الأسفل كان في الدور الأول من البيت وبعد ذلك طلع علي الدور الأخير وكان يقف بكل غرور وقال بصوت عالي : عليكم  أن تستعدوا غدا هو اليوم الأخير لكي نستطيع التحكم في الجسد بشكل دائم، والان اريد منكم ان تقوموا بإحضار جميع الإنس بالقوة إلي هذا المكان لكي نصبح اكثر بكثير ونسيطر بشكل كامل علي عالم الإنس.

قصة الاستحواذ الشيطاني (عهد ملوك الجن السفلي) عندما تفتح باب الشر بداخلك

وبعد انهاء قريني من الكلام لقيت القرناء كان في عيونهم نظرات شر وقاموا فعلا بخروج من البيت لكي ينفذوا كلام قريني، واصبح قريني لوحده في البيت وذهب لي يقف أمام المرايا وقال : ما رايك في ما يحدث؟ سوف احكم عالم الإنس بسببك

- لا انطق 

- لماذا لا تريد الرد؟ تشعر انك انتهيت

- لا انطق  

- انت كنت تمتلك الجسد ماذا فعلت؟ لا شيء سوف اصل إلي ما أريد وما تريد أنت 

- خذ جسمي ولكن لا تقوم بأذيه الناس بدون سبب

- وماذا فعلوا لك الناس؟  

- معملوش حاجه 

- مش الناس دي هم اللي كانوا بيعيروك بسبب فقرك وفقر اهلك، كانوا بيجرحوك ، كانوا بيضحكوا عليك دائما

- بس مش كلهم زي بعض 

- صح الناس منقسمه الي قسمين نصف الأول هم الأقوياء الأشرار والنصف التاني الطيبين وانت منهم، العالم الان لا يحترم غيرالقوة يا امين، عليك أن تعرف انا افعل كل ذلك لأجلك أريد حمايتك من هذا العالم أنت سوف تكون بأمان عندما تكون قريني، دعني انتقم لك

- انت لا تريد أن تنتقم من اجلي انت تريد ان تسيطر علي عالم الانس، انت تريد الشر لانك مخلوق من اجل الشر انت الشر بداخلي وانا السبب في جعلك تخرج وتتحكم في جسدي، سوف ادمر خطتك يا قريني.

- لن تقدر أن تفعل شيء الوقت انتهي يا امين ههههههههه هههههه هههههه 


 هو فعلا عنده حق الوقت انتهي  اخر يوم النهاردة الساعة كانت 3 ص ناقص 30 دقيقية واصبح المتحكم لازم افكر في حل لازم أكيد في حل أكيد في حل، ممكن اقدر اجيب الكتاب ده من مكان تاني؟  ولكن ابو طاوس قال ان الكتاب ده مش موجود وغير كدة ازاي هدور علي كتاب بدون اسم فكرة فاشلة.


اليوم الاخير 

أذن الفجر أذن واصبت أنا المتحكم في الجسد اليوم الأخير لازم القي حل يارب يارب لمه قولت يارب افتكرت مشهد بيني وبين القرين لمه كنت عايز اصلي وهو قال : الصلاة هتكسر التواصل بيني وبينك، الصلاة بتبني حاجز جدار قوي بينك وبين جميع الطاقات والكائنات الغبي اعترف من غير ما يقصد علي الحل الحمد الله الحمد الله روحت جريت علي الجامع عشان ادخل اصلي ولكن


أول ما وقفت أمام المسجد فقد السيطرة علي نصف جسمي الشمال بس أزاي أنا المفروض المتحكم امشي وأبعد ارجع  أتحكم عادي اجري علي المسجد افقد السيطرة، روحت البيت جي ادخل الحمام عشان اتوضا لقيت باب الحمام أتقفل في وشي  ومش عايز يفتح بحاول اكسر الباب لقيت نصف جسد بيبعد علي عن الحمام.

قصة الاستحواذ الشيطاني (نهاية الاستحواذ) من أتلف شيئًا فعليه إصلاحه


لقيت نفسي  قعد علي الأرض وبعيط مش عارف اعمل ايه تاني، جت في دماغي فكرة تانيه أني اخلي روحاني يسعدني بأي طريقة جريت فتحت اللاب توب ودخلت علي الإنترنت وبقيت ابحث علي عن شخص روحاني وفضلت اجمع معلومات كتبت مجموعة أرقام كان في أرقام مصرية وأرقام دولية كنت بكلم الدولية من علي الواتساب و المصرية علي الفون، وفضلت احكيلهم علي اللي حصل كله ولكن 80% منهم كانوا ردهم :


يا بني ايه الكلام اللي انت بتقولها ده مفيش الكلام ده، انت بتهزر يا حبيبي، ويلي عملي بلوك، ويلي قال انت مجنون وعايز تتعالج، مفيش غير اتنين بس من الروحانيين اللي كانوا عارفين عن استحواذ القرين علي الجسد، الأول هو نوف الغامدى ده كان من السعودية وكان مصدقني وسألني وقال : مر كام  يوم من السبع أيام يا أستاذ أمين؟ وكان ردي : انهارده اخر يوم، رد الروحاني : الوقت فات يابني ليه مستني كل ده  السلام عليكم وقفل المكالمة.


اما التاني كان مصري اسمه الروحاني سيد عطية  وقال انا لازم اشوفك بسرعة عرفت منه العنوان ورحت بسرعة علي العنوان كان العنوان في باب الشعرية في القاهرة المهم روحت المكان وطلعت بيت الروحاني كان البيت قديم اووي انا كنت خايف اني البيت يقع المهم قبلت الشيخ واكيد لازم ادفع كشف ودخلت الاوضه لقيت الاوضه مفيهاش شباك مفيهاش منفذ هواء ده بيقعد فيه ازاي ده انا كنت حاسس ان الساعة 1 بالليل وحصل الحوار التاني.


امين : السلام عليكم يا شيخ سيد.

الشيخ سيد : عليكم السلام اتفضل.

امين : انا امين اللي كلمتك علي الفون.

الشيخ سيد : ايوه ايوه بص يا امين انا مش شيخ انا ساحر شغال بالسحر الاسود  تمام وده عشان نكون واضحين من الاول الحل الوحيد اللي ينفع مع حالتك هو الشغل السفلي ولازم نبدا علطول وقبل ما ابدا، اللي انا بعمله ده مش هاخد فيه فلوس انا عايزك تشتغل معايه؟ ولازم تمضي علي الورقة ده عشان اضمن تكون معايا لمه اخلصك من قرينك.


لقيت الشيخ سيد او اللي كنت فاكره شيخ بيديني ورقة بيضه شيك علي بياض يعني، معنديش وقت لازم امضي وفعلا مضيت علي الورقة وقال : انا دلوقتي هحضر قرينك وهحبس قرينك لمدة اسبوع وبعد كدة هتصرف قرينك لانه هيكون اضعف ولكن في مشكلة انك هتكون تعبان وقوتك الجسدية سوف تضعف جدا.


رديت عليه وقلت : ماشي مفيش مشكلة اهم حاجه جسمي واجسام الناس؟ 

الساحر : اجسام ناس مين؟ 

امين : وهو حضر قرناء ناس كتير ولمه بيتحكم في جسمي هم برضو بيتحكموا في اجسامهم


لقيت الساحر قلقان وكنت حاسس انه خايف ولكن تمالك اعصابه وقال : يلا عشان نبدا جلست التحضير مفيش وقت  الساعة 6:30 م الغريبه انه طلع كل الناس بره كنت انا والساحر بس لوحدنا في الشقة شغل بخور بس البخور ده كان رائحة وحشه اوي، ورسم نجمة علي ايدي وعلي راسي وفضل يقول اقسام زي اقسمت علي الملك الاحمر والملك زنقط والملك ظام  لقيت النور قطع عن البيت كله

قصة الاستحواذ الشيطاني نهاية الاستحواذ من أتلف شيئًا فعليه إصلاحه


قلت لي الساحر : هو فيه ايه؟ الساحر مش بيرد عليه انا مش شايف اي حاجه خالص طلعت التليفون عشان افتح الفلاشة نورت حوليا بدور علي الساحر لقيت الساحر قاعد علي الارض في زواية الاوضة قلت : يا سيد؟ وبقرب من الساحر وقول يا استاذ سيد؟ وانا بقترب ببطئ ومديت ايدي وكانت ايدي بترعش وي اول ما لمست الساحر لقيت الساحر بصلي بطريقة مرعبة جدا وعينه قلبت ابيض وقال : هل تعتقد أن الساحر سيد أو غيرها من السحرة  يقدروا أن يحميك مني هم اصلا عبد لي الوقت يمر يا امين استمتع بأخر 4 ساعات في التحكم في جسدك وسوف استحوذ علي جسدك الي الابدا



وترمي علي الارض كان جسمي كله بيرتعش وكان العرق مغرق جسمي انا معرفش ده مات ولا ايه، كنت مخنوق  كان فيه دخان كتير اووي هو فيه ايه مسكت التليفون وطلعت برة الاوضة لقيت نار بتولع في الشقة والبيت كله جريت فتحت الباب ونزلت من البيت الناس كانت عماله تصرخ وانا جريت مش عارف رايح فين وكنت عمال افكر في اخر  4 ساعات وهفقد السيطرة علي كل حاجه والعالم سوف يعاني بسببي


لقيت نفسي داخل بيتي طلعت السلم و فتحت الشقة ودخلت وي رميت نفسي علي السرير وعمال ابص في الساعة وكنت براقب كل دقيقه بتمر وبفكر في مصير الناس اللي تم الاستحوذ عليه بسببي عملت كل حاجه ومفيش حل، عارف يا صديقي المشكلة اني الشخص بيقرأ طريقة التحضير من غير ما يكون عارف هو هيطلب ايه ولا عايز ايه من الجن اللي بيحضرو والمشكلة ان الانسان بيحضر من غير ما يعرف طريقة الصرف او أزاي يحمي نفسه من اللي بيحضرو، كنت في حالة يأس فاقد الامل، ساعة ونصف وكل حاجه هتنتهي



كنت بفكر بصوت عالي قريني لو اتحكم في جسدي جميع القرناء سوف يتحرروا لان هو الذي قام بتحضرهم يعني قريني لو متحكمش في جسدي لن يتحرروا، وانا اللي قمت بتحضير القرين وانا الذي امتلك الجسد لقيت انوار الشقة عماله تشتغل وتطفي قريني اصبح اقوي من الاول بكثير ويتحكم في اشياء كثيرة اكيد عايز يتكلم معايا.


قصة الاستحواذ الشيطاني نهاية الاستحواذ من أتلف شيئًا فعليه إصلاحه



طلعت بره عشان المرايا وفعلا كان عايز يتكلم معايا، وقال : امين لازم تصدقني انا عايز اجيبلك حقك من كل اللي جرحوك ومن كل اللي ضحك عليك انا وانت واحد يا امين، لازم تفهم ان مفيش حد هو المتحكم في كل حاجه انا وانت نمتلك هذا الجسد اتعاون معايه يا امين


- بس مش غريب يا قريني انك دلوقتي بتقول الكلام ده وانت اللي فائز وناقص ساعة وانت هتكون المسيطر علي الجسد مش غريب صح؟ 

- لا مش غريب انا حاسس بيك وعايز اعرفك ان الموضوع مش زي ما انت فاهم

- لا انت عملت كدة علشان تضيع وقتي وتقطع تفكيري 

- لا لا لا انت اصلا بتفكر في كلام فاضي انت بتفكر في ايه اصلا؟ الموضوع خلاص انتهي يا امين. 


رجعت تاني افكر قريني لو اتحكم في جسدي جميع القرناء سوف يتحرروا لان هو الذي قام بتحضرهم يعني قريني لو متحكمش في جسدي لن يتحرروا، وانا اللي قمت بتحضير القرين وانا الذي امتلك الجسد لقيت قريني عمال يتكلم جريت علي الاوضه لقيت قريني بيتحكم في نصف جسدي الشمال كل اللي بيعملو ده عشان يخليني مفكرش هو خايف من ايه؟ خايف من ايه؟ خايف من ايه؟ خايف مني انا لو مت هو مش هيعرف يسيطر علي الجسد. 



ولو معرفش يسيطر علي الجسد يبقي القرناء مش هيتحرروا، انا السبب في كل ده ولازم انا اموت نفسي ببص علي الساعة لقيت ناقص 30 دقيقة لازم انجز بس اموت نفسي اموت كافر ولكن لا انا كدة هكون شهيد صح صح انا بضحي بنفسي عشان ناس كتير تعيش حياته الطبيعية انا غلطت ولازم اتحمل نتيجه غلطي بس هموت نفسي ازاي لقيت النور اتقطع في العمارة كله 




انا الفائز مش انت ليه مش عايز تصدق أن انا خلاص اللي هسيطر علي جسدك  مش شايف اي حاجه عمال احسس علي الارض عشان اشوف التليفون والحمد الله مسكت التليفون لقيت ايدي الشمال مسكت التليفون ورميت التليفون علي الارض بقوة مفيش امل الوقت خلاص خلص يا امين ههههه لقيت نفسي بقوم من علي الارض وعمال احسس رايح فين يا امين هتقتل نفسك ازاي وانت مش شايف حاجه يا امين خلاص دقائق وانا اللي هسيطر


لحد ما وصلت لي المطبخ وقعت علي وشيء كنت وقعت بقصد عشان اقطع خرطوم الغاز بتاع الانبوبه هههههه يابني ريح نفسك انت ليه بتعمل في نفسك كدة هتختار الموت ولا تكون قريني احسن؟  قمت من علي الارض واخد الولاعة من علي رخامه المطبخ وطلعت بره وقلت : عندك حق مفيش وقت هو ناقص قد ايه يا قريني انا مش شايف حاجه؟ عايزك تستمتع بأخر 5 دقائق هههه عايزك تعد معايه الدقائق يا امين بقيت 4 دقائق يا امين      


انا السبب اني حضرتك يا قريني ومن جهلي خليتك تستحوذ علي جسمي وانا برضو سبب نهايتك يا قريني، قصدك ايه ؟ قصدي اني انا هموت دلوقتي وي وفتحت الولاعة ولقيت صوت صراخ قوي جدا للااااااااااا والانبوبه فرقعت فيا.

قصة الاستحواذ الشيطاني (نهاية الاستحواذ) من أتلف شيئًا فعليه إصلاحه

الخاتمة 

وكانت هذه نهاية القصة  لا تنسي أن تقرأ الاجزاء السابقه من القصه لكي تفهم الاحداث أتمني أن تكتب رأيك في تعليق  واذا  كنت تريد أن تتوصل معي أو تريد مشاركة قصصك المرعبة أنصحك بأن تشترك في الجروب وصفحة الويب المظلم 30 علي الفيس بوك، والان عليك أن تتجول قليلا في موقعي حتي لا تصيبك اللعنة.


قصة الاستحواذ الشيطاني (نهاية الاستحواذ) من أتلف شيئًا فعليه إصلاحه
ِAli

تعليقات

ليست هناك تعليقات
إرسال تعليق
    google-playkhamsatmostaqltradent