مرحبا بك يا صديقي كيف حالك اليوم أتمني أن تكون بخير، تنويه هذه القصة من أحداث حقيقية وتم التعديل عليه، أتمني أن تعجيبك يا صديقي العزيز، الان قبل كل شيء اريد منك قبل الدخول الي عالمي الخاص اريد منك الجلوس في مكان هادئ و مظلم وأن يكون معك مشروبك المفضل ويستحسن أن تلبس الهاندي فري وتقوم بتشغيل الفيديو الذي سوف تجدها أسفل هذه الفقرة.
واجه الشيطان (البداية)
من وانا صغير وانا نفسي اكون ظابط نفسي أكون الشخص الذي بينقذ العالم من المجرمين ويحمي الضعيفاء وينصر المظلومين ولكن لأسف معرفتش أطلع ظابط و طلعت صحفي، الحياة دائما كدة مش لازم تحققلك اللي أنت بتحلم بيه، كنت دائما بكتب وبهاجم المجرمين ورجال الأعمال الفاسدين، وبفضل الله كنت اشطر واحد يعرف يجيب معلومات حصرية في الجريده.
مكنتش فاهم ليه الناس دي بتحب تموت وتسرق وتنصب علي الناس، هل المجرمين دوال بيتولدوا كدة؟ وعارف الناس اللي هتقول أن الظروف والبيئة التي ينشأ فيها الطفل أو الانسان هي التي تجعلهم مجرمين صح مش ده اللي هتقوله؟ طب في ناس كتير أووي بيكون ظروفهم أصعب منهم و مش بيعملوا أي جرائم الانسان هو اللي دايما بيختار الطريق اللي عايز يمشي فيها بمزاجه.
كنت دائما حاسس أني ربنا خلقيني عشان سبب واحد بس وهو كشف المجرمين وتسليمهم الي العادلة، وده الصراحة كان هدف كبير بالنسبالي أنا اه الحمد الله ذكي، وشجاع وبحب شغالي ولكن في ناس أذكي مني وافضل مني في التخطيط واخفاء الادلة والجرائم ويمتلكوا ادوات افضل مني، ولكن باذن الله ربنا هيكرمني و يقويني علي انصار الحق.
البداية
أه أسف نسيت أعرفك بنفسي أنا علي صحفي 30 سنه شغال في جريدة مش مشهورة اووي بس الحمد الله أحسن من مفيش متجوز جديد بابا و ماما ميتين الله يرحمهم ويغفرلهم، ماتوا في حادث سيارة ، جدي عايش ربنا يطول عمره هو أغالي حاجه في حياته هو ومراتي حبيبتي وفي يوم من الايام داخل الجريدة زي كل يوم لقيت الجوه مش مظبوط في حاجه و كل ما حد يشوفني يقولي علي مدير الجريدة عايزك، كل شخص اشوفه من غير صباح الخير يقولي نفس الكلام.
مش عارف عايز مني أيه ده علي الصبح ربنا يستر المهم دخلت مكتبي عشان احط الشنطة وادخل لي المدير خبط علي الباب دق دق دق!
- ادخل، علي! تعالي اقعد انا عايز اطلب منك حاجه و محدش هيعرف يعمله غيرك أنت
- أكيد يا فندم اتفضل
- في جريمة قتل بشعه الدنيا مقلوب عليها امبارح بالليل شخص صور نفسه لايف واعترف أنه قتل عياله و عيال اخته واخته ومراته وابوة وبعد كدة الايف اتقفل واحنا مش عارفين نوصل لي أي معلومة ومحدش عارف يوصل لي أي حاجه وانت عارف لو أحنا عرفنه نوصل لي أي معلومة موقع الجريدة هيدخل علي ترفيك كتير أووي وهناخد شعبية بين الناس
- والمطلوب يا فندم
- يا علي هيكون المطلوب ايه مش عارف أنت ساعات بتكون غبي ليه؟ انك تجيب أي معلومة عن الجريمة
- ولكن يا فندم حضرتك لسه مكلفني بشغل وانا لسه مخلصتش الشغل ده؟
- أه صح! خلاص ولا يهمك أن هخلي حد يمسك الشغل اللي أنت كنت شغال عليه المهم يا علي أنا عايزك تركز في الجريمة دي بس عايز معلومات أنت لو شفت الناس بتبحث علي النت كدة ايه ومش لقين معلومة واحدة.
- حاضر يا فندم
- علي أنا واثق فيك أنت موهوب وذكي و انت عارف كدة كويس، أنت عارف لو عرفت تجيب معلومات قبل أي حد أحنا هنكون فوق وانت طبعا هتكون فوق و مرتبك هيزيد أضعاف.
- متقليش يا فندم خير أن شاء الله
خرجت من عند المدير بسرعة لحد المكتب عشان افتح الكمبيوتر عشان اشوف الفيديو الفيديو كان عبارة عن شخص بيعترف علي نفسه أنه قتل عيالة ومراته واخته وعيال اخته وابوه وبعد كدة اللايف يقطع، كان في اكتر من سؤال في دماغي
- ليه شخص يقتل ويعترف علي نفسه؟ هل الشعور بالندم هو السبب ممكن
- طب لو هو حس بالندم ليه مسلمش نفسه؟
- ليه كان لابس مسك ولابس زعبوط؟
- طب هو مين الشخص ده اصلا ؟
- طب الجثث فين؟
- أزاي حد يقتل عيالة و مراتو واخته و ابوه أزاي ؟
- طب أيه السبب؟
أكيد ده مش طبيعية أيوه احتمال كبيرة يكون مجنون، أو شارب حاجه فتحت الفيديو تاني واتفرجت علي الفيديو اكتر من 10 مرات الشخص اللي في الفيديو ده كان بيعيط بشكل هستيري ومنمش بقالوا كتير أو مدمن، اكيد أنت بتسال دلوقتي وبتقول وانت عرفت أزاي، لان الشخص كان تحت عينه هالات سوداء وأسباب الهالات تحت العين بتكون بسبب
- قلة النوم
- الادمان
- الارهاق الذهني
البحث عن معلومة
عملت اسكرين لي وجه الشخص وبحثت علي عيون الشخص علي الانترنت وعلي مواقع التواصل الاجتماعي ولكن للأسف مفيش نتيجة ظهرت الشخص كان متعمد في اخفاء شكله عشان محدش يعرف يوصله طب ليه أصلا يعمل كدة. اخد الشنطة ونزلت عشان أبدا اجمع معلومات، الصحفي الشاطر لازم يكون عنده مصادر معلومات في كل مكان و اهم مكان
داخل وزارة الداخلية ، ولكن للأسف كلهم مش عارفين حاجه كدة مفيش غير طريقة واحدة وهي الضابط اللي ماسك القضية صعب جدا أن ضابط ماسك قضية مهمة زي ده يطلع معلومات لي أي حد، والحمد الله اقدرت أوصل أن الضابط اللي مساك القضية هو الضابط شريف حسن.
لازم اعمل محاولة عشان اقابله وفعلا حاولت كتير أن هقابل الضابط ولكن زي ما كنت متوقع كان علطول مش موجود ظبط العسكري اللي واقف علي باب مكتب الضابط بمبلغ 200 ج وتفقت معاه أن أول ما ياجي الظابط يكلمني وانا طبعا لازم أكون في مكان قريب عشان لو اتصل في أي وقت. قعدت علي القهوة 5 ساعات مستني أي مكالمة ولكن للأسف مفيش أي حاجه لقيت التليفون بيرن طلعت التليفون بسرعة ولكن للأسف دي مراتي.
- ألو
- ايه يا حبيبي أنت فين ؟
- انا لسه في الشغل يا حبيبتي
- نقصلك قد ايه؟
- مش عارف والله يا حبيبتي
- انا مش هاكل لحد ما تاجي
- لا يا حبيتي كلي أنت انا ممكن هتاخر ومش عارف ظروفي
- خلاص يا حبيبي ربنا معاك
- حبيبتي سلام
- سلام يا حبيبي
وأول ما قفلت لقيت التليفون بيرن رقم غريب أكيد العسكري وفعلا كان هو والضابط موجود دلوقتي في المكتب طبعا خرجت بسرعة من القهوة وطلعت علي هناك وعشان اضمن أن الخطة بتحدي تنجح لازم اخترع سبب قوي عشان اقابل الظابط و طلبت أني هقابل الضابط عشان حاجه مهمة جدا في القضية وطبعا دخلت علطول أول ما دخلت لقيت الضابط بيقولي :
- أول مرة صحفي يكون عايز يقول معلومات عنده، مش العكس أتفضل يا علي
- ايه هي المعلومات اللي عندك؟
- المعلومات اللي عندي يا فندم من الفيديو اللي منتشر علي مواقع التواصل الاجتماعي من تحليلي لي الفيديو لقيت أن الشخص ده حاجه من حاجتين يا اما شخص مدمن أو شخص منمش بقاله كتير والسبب الهالات اللي تحت عينه و انا اعتقد يا فندم أن الشخص ده منمش لان المدمن بيكون دائما تحت تاثير المخدر يعني جسمه يكون في حالة سكون وهدواء والشخص اللي كان في الفيديو ده كان بيعيط بشكل هستيري وكان بيتكلم بشكل عصبي جدا و ده طبعا بسبب قلة النوم.
قطع كلامي صوت خبط دق دق دق! أدخل
- شريف بيه في بلاغ أن تم العثور علي جثة الجاني في قصر النيل
لقيت الضابط قام من مكانه وجري بره وانا كنت جريت علي العربية عشان اروح علي مكان الحادث قبل أي صحفي أو حد من المواطنين اللي في المنطقة يصور أو ينشر علي الانترنت، وفعلا رحت علي مكان الحادث والحكومة كانت هناك كان الجاني انتحر رمه نفسه في النيل، كانوا ليسه بيطلعو من النيل، لو كان بيدور في دماغك سؤال هم عارفة منين أن ده هو الجاني لان كان لابس نفس اللبس اللي ظهر فيه في اللايف.
كنت واقف من فوق علي كبري قصر النيل وبصور بكاميرة لحظة بلحظة، بيطلعوا الجثة ولكن أيه ده! الجثة كانت من غير دماغ ===> الجزء الثاني
الخاتمة
وفي النهاية أتمني أن تكون استمتعت ولا تنسي أن تكتب رايك في التعليقات وإذا كنت تريد الدعم المادي فا سوف تجد في الأسفل إذا كنت تقرا من علي الهاتف وسوف تجد علي الجانب إذا كنت تقرا من خلال الكمبيوتر وإذا كنت تريد التواصل معي أو قراءة ومشاهدة كل جديد عليك الاشتراك في الصفحة وجروب الويب المظلم 30 وعليك أن تتجول قليلا في موقعي حتي لا تصيبك اللعنة.