recent
أخبار ساخنة

قصة واجه الشيطان قصة من أحداث حقيقية أنت لست ملائكة 3 - الويب المظلم 30

 

قصة واجه الشيطان قصة من أحداث حقيقية أنت لست ملائكة 3

مرحبا بك يا صديقي كيف حالك اليوم أتمني أن تكون بخير، تنويه هذه القصة من أحداث حقيقية وتم التعديل عليه، أتمني أن تعجيبك يا صديقي العزيز، الان قبل كل شيء اريد منك قبل الدخول الي عالمي الخاص اريد منك الجلوس في مكان هادئ و مظلم  وأن يكون معك مشروبك المفضل ويستحسن أن تلبس الهاندي فري وتقوم بتشغيل الفيديو الذي سوف تجدها في الاسفل، واسف أن القصة منزلتش يوم الخميس.

 واجه الشيطان أنت لست ملائكة 3

 


عارف أنت بتقول ايه دلوقتي؟ ولكن أنا مش طالع اسرق أنا بدور علي الحقيقة والصرحة دي مش اول مرة اعملها واستنيت الجوه يهده شوية وطلعت ادواتي الخاصة عشان افتح الباب أخدت وقت كبيرة اووي عشان اتعلم فتح البيبان، وبفضل الله أصبحت محترف فتح بيبان ودخلت الشقة وقفلت الباب.

 

دخلت وكانت الشقة ساخنة اووي وقلبي كان مقبوض اوي وكنت بفكر أني أنزل لكن قلت لا و طلعت التليفون عشان اشغل الفلاشة عشان طبعا مينفعش اشغل انور الشقة وكانت  الشقة طبيعية جدا، فضلت ادور علي أي حاجه تكون ليه علاقة بقضية اكيد في هنا طرف خيط هيخليني افهم أي حاجه مفيش حاجه في الصالة مفيش حاجه في غرفة الاطفال، مفيش حاجه في المطبخ و الحمام، غرفة النوم كنت سايبه اخر حاجه عشان المكان ده أهم مكان في الشقة.

 

ولازم ادور بشكل دقيق جدا، دخلت الاوضة وفضلت ادور علي اي حاجه فتحت الدولاب يمكن يكون في حاجه مستخبيه ولكن لأسف مفيش حاجه، كان في ترابيزة بجانب السرير كان فيه ثلاثة ادراج، الاول كان فيه كتاب اسمه تحصين الانسان من السحر والجان، فتحت كاميرة التليفون وقمت بتصوير هذا الكتاب.

 

الدرج الثاني كان فيه اللاب توب طلعت اللاب توب جي افتح اللاب توب لقيت طالب مني باسورد اكيد عليه حاجه هتفهمني أي حاجه لازم أخد اللاب توب معايه جي افتح الدرج الثالث لقيت الدرج فاضي قمت أكمل تدوير في الاوضه ملقتش حاجه طلعت بره الاوضة لاحظت أني في كاميرات في الشقة ولكن مش شغاله فضلت ادور علي مكان هارد تخزين البيانات، لقيت المكان ولكن الهارد مكنش موجود.

 

الموضوع مش طبيعية في حاجه مش مريحاني في القضية دي، في لغز كبيرة اووي، أخذت اللاب توب واخد الكتاب وفتحت باب الشقة براحة اشوف الجوه لقيت الجوه هادي طلعت من الشقة وقفلت الباب براحة لقيت تليفوني بيرن كانت مراتي  نزلت جري علي العربية

 

دخلت العربية وكنت برضو براقب الجوه وبعد ماتاكدة أن الجوه هادي و كل حاجه تمام اتحركت بالعربية، التليفون رن تاني مسكت التليفون : 

- ألو 

- ايه يا علي انت كل يوم بتروح فين؟

- يا حبيبتي هكون فين أكيد في الشغل

- شغل ايه لحد الساعة 12 بالليل

- يا حبيبتي انت عارفه كويس أني صحفي يعني بدور علي المعلومات، المعلومات مش هتجيلي وانا قاعد في البيت يعني. 

- انت فين دلوقتي يا علي؟ 

- انا جاي علي البيت 

- هتاجي ولا هتعمل زي الصبح واتصل بيك تاني وتقولي ضغط الشغل

- لا يا حبيبتي أنا قربت من البيت خلاص

- ماشي يا علي 

وصلت البيت وخرجت من العربية واخد اللاب توب و الكتاب وطلعت بيهم البيت خفت عليهم لحد يسرق العربية ولا حاجه بحب دائما أكون جاهز لأي مفاجأت المهم طلعت البيت كانت الساعة 12:30 وحصلت مشكلة كبيرة بيني وبين مراتي عشان فاكرة اني أنا متجوز واحدة تانيه، واني مش مهتم بيه والكلام الكتير اللي انت عارفها يا صديقي.

 

المهم كنت تعبان جدا ودخلت انام وصحيت الصبح بدري لبست واخد اللاب توب ونزلت من غير ما اصلي ولا اكل ولا اعمل التمارين مكنتش عايز اتقابل مع مراتي عشان لمه بكون شغال علي حاجه ومش عارف اخلص الحاجه دي بكون متعصب مزاجي متقلب جدا ودي عادة سئية جدا مش عارف اخلص منها.

 

قبل ما اروح الجريدة كلمت مصطفي صديق عمري وده بقي  محترف في البرمجة والاختراق ومفيش حاجه بتوقف قدامه عبقري جدا، مكنش بيرد اكيد ليسه نائم رحت لي بيت مصطفي وفضلت اخبط علي باب الشقة اخبط اخبط لحد ما صحي وفتح الباب

 - علي! اتفضل ادخل يا علي بسرعة وقفل الباب

- ليه؟ يابني في ايه؟

- الشمس يا صديقي وانا لسه صاحي 

- ياجدع خضتني عليك قلت اخترقت بنك ولا مؤسسة حكومية والحكومة بتدور عليك

- ههههه لا متقلقش. بقولك ايه هعملك قهوة معايا ولا اجهزلك فطار 

- لا يا صديقي ولا اي حاجه أن عايز اطلب منك طلب وهمشي علطول عشان الشغل

- اكيد يا علي قول

- اللاب توب ده عليه باسورد وعايز افتح اللاب توب ده 

- بس كدة، انا قلت هتطلب مني اجيبلك معلومات سرية من علي الديب ويب ولا حاجه 

- ههههههه 

- خلاص تمام هفتح الجهاز وهرن عليك أو هبعتلك علي الواتساب

- خلاص تمام، وانا اسف اني صحيتك من بدري انا عارف انك مش بتصحي بدري

- يا صديقي متقولش كدة احنا اخوات يا علي   

- صديقي و اخوات ازاي؟ ده انت لسه نايم يا مصطفي خش نام يا مصطفي سلام 

- سلام يا علي 

خرجت من عند مصطفي ورحت علي الشغل، لقيت حسام بيقولي ايه يا علي مفيش جديد يعني؟ غريبه يعني انت مقريتش المقال امبارح ولا ايه؟ قراءة المقال اكيد

- طب هيكون في جديد أزاي يا حسام 

- اصلي عارفك كويس مش هتنام ولا هتستريح غير لمه تعرف كل حاجه عن القضية 

-  وهي ده حاجه وحشه، شغلي وانا بحبه 

- مش هتقولي مصادرك يا علي 

- وانت شايف أن ده منطقي أن صحفي يقول لي صحفي مصادرة 

- انت ليه اناني؟ ليه دائما بتاخد مني كل حاجه؟

- خد منك ايه يا حسام، حسام انا مش فايق لي لعب العيال ده، سلام يا حسام عندي شغل

دخلت المكتب ومكنتش طايق نفسي، انا وحسام كنا صحاب اووي زمان ولكن مش فاهم ايه اللي حصل مرة واحدة اتحول ومحضرش فرحي وبقي بيعمل حاجات غريبه بيحاول دائما يطلعني غلطان، سبحان مغير الاحوال، المهم قمت عملت كوباية قهوة عشان افوق، انا كسرت كل القواعد مصلتش، معملتش رياضة، مفطرتش مش عارف ايه اليوم الغريب ده

 

 

المهم طلعت الورق و القلم واكمل الخرائط الذهنية دي الطريقة الوحيدة اللي بحب اشتغل بيه، في حاجات شفتها غريبه امبارح في شقة الجاني بالليل كتاب بيتكلم عن تحصين الانسان من السحر والجان أزاي شخص كان شغال محاسب في احدي الشركات الكبيرة يكون عنده كتاب كامل بيتكلم عن السحر والجن؟ في احتمال يكون مهتم بالمجال ده ولكن لو مهتم كان المفروض يكون عنده اكتر من كتاب مش كتاب واحد وهل يوجد رابط بين اللي حصل وبين السحر والجن



اكيد في احتمال، الحاجه الغريبة التانية هي هارد الكاميرات مكنش موجود حد اخد الهارد وفصل الكاميرات، ايه اللي حصل والكاميرات سجلته؟ طب فين الهارد ؟ واحتمال يكون كل ده وهم وان هارد الكاميرات حصل فيه مشكلة، طب لحد دلوقتي مفيش اخبار عن الجثث أو معلومة جديد علي اللي حصل مع الجاني وازاي اتقتل

مصطفي فتح اللاب توب

قصة واجه الشيطان قصة من أحداث حقيقية أنت لست ملائكة 3

في اسئلة كتيرة ولكن ملهاش اجابة مش عارف افكر مش عارف اعمل ايه تاني، لقيت مصطفي بيرن عليه قمت شيلت الورق و القلم واخد الجاكت ونزلت عشان اروح لي مصطفي اكيد اللاب توب ده فيه حاجه وفعلا رحت بيت مصطفي وخبط علي الباب فتح مصطفي وقالي حماتك بتحتبك تعالي افطر يلا

- والله يا مصطفي لحد دلوقتي مفترتش 

- شفت حاسس بيك ازاي 

- انت منمتش ولا ايه؟

- لا مستحيل اصحي من النام وانام تاني 

- المهم وفتحت اللاب توب

- عيب تسأل السؤال ده علي فكره، المفروض تكون جاي وعارف ان اللاب اتفتح

- يا صديقي انت عارف المصريين والاسئلة الجميلة زي انت جيت، انت نمت احنا بنحب نأكد علي المعلومة مش اكتر

- هههههه، ايوه يا علي فتحت اللاب، هو للاب مين ده اصلا؟

- لازم تعرف يا صديقي، هو فين؟

- يابني كمل فطارك بس

- لا انا الحمد الله 

- اللاب جوه في الاوضة

- طب انا داخل 

- عيش انت في بيتك

ودخلت لقيت فعلا ان اللاب مفتوح وفضلت ادور في الملفات كل الملفات الموجوده علي اللاب كانت ليه علاقة بشغل الجاني حسابات، تسجيل اجتماعات صور عائلية مفيش حاجه مهمه انا زهقت مش عارف اعمل ايه تاني لقيت مصطفي دخل عليه وبيقولي تشربي معايا قهوة؟ لا يا صديقي مش عايز 


- مالك يا علي؟ 

- مفيش 

- علي انجز شكل باين ان في حاجه

- مفيش معلومات في اللاب توب

- يعني ايه؟ معلومات ايه؟ انا مش فاهم حاجه 

وحكيت كل حاجة لي مصطفي وكان رد مصطفي 

- طب وانت ليه تعمل كل ده وتعرض مستقبلك لي الخطر؟ ده شغل الحكومة يا علي 

- وانا شغلتي ايه يا مصطفي، وانا لازم ادور واظهر الحق 

- ماشي جميل انت عملت اللي عليك واكتر خلاص 

- انا معملتش اي حاجه أنا كنت اول واحد ينشر في الجريدة الخبرة قبل ما الصحفيين يعرفه المعلومة.

- طب وانت كدة يا علي شايف شغلك وبتعمل اللي الناس التانية مش عارفة تعملوا

- فين ده، انا بعرف المعلومة الاول ده مش انجاز انا مجرد بنقل المعلومات اللي بتوصله الحكومة.

- طب وانت عايز ايه يا علي ما كل الصحفيين كدة، مجرد بينقلو اخبار

- الصحفي مهمته اكبر من كدة، الصحفي بيدور علي الحقيقية، يعني الصحفي بيساعد الحكومة توصل لي المتهم الرئيسي

- ماشي بس مش لازم تضغط نفسك جامد اووي كدة يا علي

لقيت تليفوني بيرن حد بعت رسالة علي الوتساب، كان المصدر وكانت الرسالة هي تم اغلاق ملف القضية بسبب نقص بالأدلة الكافية، شوفت القضية اتقفلت 

- كنت حاسس والله لازم يابني تتقفل القضية غامضة جدا شخص يطلع لايف يقول انا قتلت مراتي وعيالي واختي وعيال اختي وابوية وبعد كدة اللايف يقفل وبعد كدة تظهر جثة الشخص في النيل مقتول ومفيش جثث لحد من اللي قال عليه من في اللايف

- طب واللاب اللي جوه ده ايه 

- يا صديقي حلال عليك 

- لا هعمل بيه ايه، حلال عليك انت يا صديقي

ونزلت من عند مصطفي رحت الجريدة وكتبت اخر  الاخبار في القضية وبعد كدة علي الساعة 4 روحت البيت بفتح الباب لقيت ايمان مراتي بتتكلم في التليفون وقفلت المكالمة علطول اول ماشفتني قفلت المكالمة ودخلت وقلت مساء الخير ايه كنتي بتكلمي مين؟

 

- مساء النور، كنت بتكلم مع واحدة صحبتي 

- مكلمتنيش يعني انهاردة؟

- مش انت بتضايق لمه بتصل بيك كتير 

- لا انت بتكدبي انت لسه زعلانة مني؟

- الصرحة ايوه زعلانة منك اووي كمان

- انا مش عارف هقولك ايه المفروض انك اللي غلطانه ولكن هعمل ايه! انا اسف يا حبيبتي

- انا برضو اللي غلطانه يا علي 

- يا حبيبتي خلاص بقي، قومي يلا البسي عشان هخرجك

- بجد يا علي 

- ايوه يلا قومي 

اعمل ايه الراجل هو اللي المفروض يصالح والمفروض يجي علي نفسه، الصراحة برضو انا كنت مشغول اووي بالقضية ولكن الحمد الله القضية خلصت وبعد فترة طويل جد لقيت مراتي خارجه من الاوضة زي القمر لقيت نفسي بقولها برغم من كل الوقت اللي انا استنيته  واني مش بحب الانتظار ولكن نسيت كل ده لمه شفت القمر اللي قدامي ده.

مصطفي يتصل فجأه

قصة واجه الشيطان قصة من أحداث حقيقية أنت لست ملائكة 3


طبعا وشه احمر من الكسوف، ونزلت انا وهي ولسه هنركب العربية لقيت مصطفي بيكلمني كنسلت عليه ركبنا العربية ولسه هتحرك لقيت مصطفي بيكلمني تاني كدة في حاجه مش طبيعية رديت عليه وفلت الو

- علي انت فين؟ 

- تحت بيتي 

- علي انا عايزك تيجي دلوقتي 

- ايوه في ايه يعني؟

- في حاجه لقيتها علي اللاب توب مهمة جدا لازم تشوفها

- طب مينفعش تقولي دلوقتي 

- مش هينفع الكلام في التليفون

-خلاص تمام

قفلت المكالمة ومش عارف اعمل ايه انا دلوقتي في موقف وحش اووي، علي علي ايه يا حبيبتي في ايه؟ مالك وكنت بتكلم مين؟ ده مصطفي يا حبيبتي ايوه مالك؟ مفيش ياحبيبتي يلا نلحق نخرج علشان الوقت وفعلا روحنا نتعشه في المطعم لقيت التليفون بيرن مصطفي لقيت ايمان بتقولي هو عايز ايه يا علي ؟ في حاجه حصلت مهمة جدا في القضية ولازم اروح لي مصطفي دلوقتي، لقيتها بتقولي هي مش القضية خلصت؟ 

 - ايوه يا ايمان ولكن لو في دليل ظهر القضية هتفتح تاني 

- خلاص يا علي يلا نمشي 

- انت زعلتي يا حبيبتي؟

- لا يا علي مفيش مشكلة 

وفعلا وصلت ايمان لحد البيت وبعد كدة رحت علطول لي مصطفي طلعت خبط لقيت مصطفي فتح ودخلت وقلت هو في ايه يا مصطفي؟ لمه انت نزلت من عندي فضلت ادور في اللاب عادي لقيت الجيميل بتاع الشخص مفتوح وحد كان بعتلوا رسالة وبيقول في الرسالة استاذ هاني تم تحديد مكان الشخص الذي قام بختراق حسابك البنكي وهو  ابن اختك احمد محمد السيد.

 

احمد محمد السيد الشخص ده انا سمعت اسمه قبل كدة طلعت التليفون فتحت الواتساب وفتحت الرسائل اللي كان فيه معلومات عن القضية وفعلا الشخص ده من عائلة الجاني اللي تم التحقيق معاه وهو ساكن في 6 اكتوبر، طب مصطفي هو الجاني ماردش عليه

- لا يا علي، بس مش الجاني اعترف ان هو اقتل عيال اخته

- الجاني عنده اختين، احمد محمد ده ابن اخته التانيه

- طب انت هتعرف الحكومة عن المعلومات الجديدة دي

- لا طبعا  

- ليه؟

- مش لمه نتأكد الاول

- نتأكد من ايه يا علي؟

- يابني مش ممكن يكون كل ده وهم وملوش علاقة بالقضية اصلا 

- وانت هتتأكد أزاي؟ 

- هنجمع عنه معلومات واحتمال كبير ندخل بيته ونشوف هل ليه علاقة بالقضية ولا لا

- بس هو اكيد ليه علاقة بالقضية يا علي 

- ازاي؟ 

- اختراق الحساب البنكي ده 

- لا طبعا ايه علاقة اختراق الحساب البنكي بالقضية اصلا، يا مصطفي ركز الجاني قتل ابوه و قتل اخته وقتل عيال اخته وقتل مراته و عياله ايه علاقة ده بالحساب البنكي.

- طب واحنا هنجمع  معلومات ليه عن احمد محمد ده 

- عشان نعرف هو ليه اخترق حساب البنك بتاع خالو، المهم انت هتساعدني في المهمة دي يا صديقي ولا ايه ؟ 

- اكيد معاك طبعا انت عارفني أني فضوالي والقضية ده غامضة جدا

- تمام هروح أنا البيت ونبدا من بكرة 

- تمام يا علي

تجميع المعلومات عن احمد محمد


المهم نزلت من عند مصطفي وروحت البيت ونمت وتاني يوم لبست ونزلت لي مصطفي طبعا كان نايم، المهم دخلت وكنت جايب معايا فطار وفطرنا وشربنا القهوة وبدنا الشغل، اشتغلنا علي المعلومات اللي كانت موجودة في ملف التحقيقات كانت المعلومات عادية جدا زي الاسم، الصورة الشخصية، العمل، سنة التخرج، السكن، .... وهكذا ولكن المعلومات دي اساسية ولكن مش ده المعلومات اللي انا عايزة، مصطفي كان بيبحث عن حسابات علي مواقع التواصل الاجتماعي عن احمد محمد ولكن الغريب ان الشخص ده ملوش مكان علي الانترنت،


وعشان اجيب معلومات اكتر لازم انزل ارقب احمد محمد، وفعلا نزلت انا ومصطفي ورحنا عند بيت احمد محمد وقاعدين مستنين يظهر ده بعد ما اتأكد طبعا أن العنوان المذكور في ملف التحقيقات ده لسه ساكن فيه، اللي انا بعملوا ده عشان اعرف الروتين اليومي بتاع احمد محمد واعرف الوقت المناسب اللي المفروض اختراق في البيت، وفعلا ظهر ونزل وركب العربية واحنا طبعا مرقبينه من بعيد.


وفضلت كل يوم انا ومصطفي نعمل نفس الحوار ونسجل كل حاجه في ورقة و قلم، الشخص ده كل يوم ينزل يفطر في محل فول وطعمية مشهور في المكان اللي ساكن فيه وبعد كدة يروح النادي يجري شوية وبعد كدة يقرأ كتب في الكافتيريا مع كوبايته عصير، بعد كدة بيرجع تاني البيت علي ما اعتقد بيطلع بيستحمى وبيغير هدومه وبعد كدة بيروح كوفي شوب ويقعد علي اللاب توب وبعد كدة يروح ياكل في محل مشهور ولكن بعيد عن بيته وهنا الثغرة.


ولكن الغريب ان ال 7 ايام اللي كنا بنراقب فيهم احمد محمد مكنش بيشوف حد ومفيش حد معاها في الشقة، كان غريب، كان وحيد، ولكن كان مهتم بعقله و صحة جسده، وفي اليوم الثامن اتفقت انا ومصطفي أن انا هطلع وهو هيكون في العربية بيراقب الجوة ولو هو ظهر فجاه يكلمني علطول وفعلا وقت الغداء نزل احمد محمد وبعد كدة انا نزلت وطلعت وفتحت الشقة ودخلت



الغريبة اني حسيت نفس الاحساس اللي انا حسيته لمه كنت في شقته الجاني قلبي اتقبض الشقة كانت ساخنة جدا ولكن المختلف أن الشقة ده فيه رائحة وحشه اوووي، والشقة كانت ضلمة اوي برغم أن لسه الساعة 5 واول ما تضغط علي زر اضاءة النور لقيت نور احمر بينور ويطفي، في حاجه مش مظبوطة طلعت التليفون هكلم مصطفي ولكن ايه ده مفيش شكبة خالص في الشقة رايح افتح الباب الباب مش بيفتح جريت افتح البلوكنة لسه بشد الستائر ملقتش بلكونة ولا شباك


الستائر كانت دكور جريت علي الاوضه ولكن مفيش باب عايز يفتح البِيبَان شكلها غريب جدا مش عارف اعمل ايه سمعت صوت باب الشقة بيتفتح، انتظر الجزء الرابع يوم الخميس الجاي باذن الله.

الخاتمة 

وفي النهاية أتمني أن تكون استمتعت ولا تنسي أن تكتب رايك في التعليقات وإذا كنت تريد الدعم المادي فا سوف تجد في الأسفل إذا كنت تقرا من علي الهاتف وسوف تجد علي الجانب إذا كنت تقرا من خلال الكمبيوتر  وإذا كنت تريد التواصل معي أو قراءة ومشاهدة كل جديد عليك الاشتراك في الصفحة وجروب الويب المظلم 30 وعليك أن تتجول قليلا في موقعي حتي لا  تصيبك اللعنة.





قصة واجه الشيطان قصة من أحداث حقيقية أنت لست ملائكة 3 - الويب المظلم 30
Dark

تعليقات

ليست هناك تعليقات
إرسال تعليق
    google-playkhamsatmostaqltradent