مرحبا بك يا صديقي كيف حالك اليوم أتمني أن تكون بخير، تنويه هذه القصة من أحداث حقيقية وتم التعديل عليه، أتمني أن تعجيبك يا صديقي العزيز، الان قبل كل شيء اريد منك قبل الدخول الي عالمي الخاص اريد منك الجلوس في مكان هادئ و مظلم وأن يكون معك مشروبك المفضل ويستحسن أن تلبس الهاندي فري وتقوم بتشغيل الفيديو الذي سوف تجدها في الاسفل.
واجه الشيطان أنت لست ملائكة 2
- الجزء الاول من القصة ===> اضغط هنا
قطع كلامي صوت خبط دق دق دق! أدخل
- شريف بيه في بلاغ أن تم العثور علي جثة الجاني في قصر النيل
لقيت
الضابط قام من مكانه وجري بره وانا كنت جريت علي العربية عشان اروح علي
مكان الحادث قبل أي صحفي أو حد من المواطنين اللي في المنطقة يصور أو ينشر
علي الانترنت، وفعلا رحت علي مكان الحادث والحكومة كانت هناك كان المجني
عليه انتحر رمه نفسه في النيل، كانوا ليسه بيطلعو من النيل، لو كان بيدور
في دماغك سؤال هم عارفة منين أن ده هو المجني عليه لان كان لابس نفس اللبس
اللي ظهر فيه في اللايف.
كنت واقف من فوق علي كبري قصر النيل وبصور بكاميرة لحظة بلحظة، بيطلعوا الجثة ولكن أيه ده! الجثة كانت من غير دماغ، قمت بعمل زوم عشان أتاكد ولقيت فعلا الشخص طالع من النيل من غير دماغك، طبعا الجثه أتشالت، انا فضلت مستني لحد ما الحكومة والناس تمشيء
الحكومة مشيت والناس مشيت وانا ركبت العربية فتحت التليفون فتحت برنامج الوتس اب وبعت الفيديو + كل اللي حصل واللي انا عرفته لي مستر حسن مدير الجريده، عشان هم يكتبه عنه وينشر قبل ما حد تاني يكتب عن اللي حصل وبعد كدة قفلت التليفون ونزلت المكان اللي طلعوا فيه الجثه، وفضلت ادور علي اي حاجه، كنت بتخيل هو واقع ازاي وقع منين المشكلة أن كان المكان ضلمة مكنتش شايف اووي
وكانت النتيجة ملقتش حاجه، وطبعا دخلت العربية مش قادر من الصبح وانا في الشارع بشوف الساعة كام كانت الساعة 11 بالليل، روحت البيت لقيت مراتي في سابع نومة ونمت جنبها ورحت في سابع نومه انا كمان صحيت علي الساعة 7صباحا أنا من الناس اللي مش بتحب النوم خالص وبصحي بدري حتي لو نايم الفجر الساعة البيولوجية عندي مظبوط علي وقت معين.
معلومات جديدة في القضية
عندي روتين يومي لازم اعمله زي الصلاة + بعض التمارين ضغط، عقلة، العقل السليم في الجسم السليم وانا كنت مهتم بعقلي جدا لقيت مراتي طلعه من الاوضه وبتقولي لا يارجل يعني أن هستنيك امبارح لحد الساعة 10 ونمت من كتر الزهق وانت صاحي بتمرين، انت من من امتى بتتأخر كده يا علي؟ وقفت تمرين وقولت
.png "قصة واجه الشيطان قصة من أحداث حقيقية أنت لست ملائكة")
- والله يا حبيتي كان في قضية كبيرة وشغلت الراي العام وانت عارفه جوزك بفضل الله احسن واحد بيجمع معلومات و مواضيع حصرية
- ربنا يقويك يا حبيبي، المهم قضية ايه دي؟
- الشخص اللي صور نفسه واعترف ان هو قتل عائلته كلها
- ايوه ايوه فعلا الناس كلها بتتكلم عن القضية دي علي كل مواقع التواصل الاجتماعي
- امبارح تم القبض علي المتهم
- بجد! ايه اللي حصل طيب؟
- مفيش حاجه حصلت
- أزاي يعني مش فاهمة حاجه
- المتهم كان جثة، انتحر رمي نفسه في نهر النيل، انت يا حبيبتي تضيعت وقت التمارين و كنت عايز اشوف القضيه حصل فيه ايه من امبارح
- يعني أنا معطلك دلوقتي مش بدل متقولي يلا عشان نفطر مع بعض أو تقولي هخرجك انهاردة عشان اتاخرت عليك امبارح
- يا حبيبتي والله عندي شغل مهم ولسه القضية شغال وانا لسه
قطع كلامي صوت تليفوني وهو بيرن رنة الرسالة، كان احدي مصادري من الداخلية بعتلي رسالة علي الواتس اب وكان فيه صورة المتهم و كل المعلومات اللي حصلت في القضية، لقيت مراتي بتقولي هو في ايه يا حبيبي؟ معلش يا حبيبتي انا لازم انزل دلوقتي في معلومات مهمة لازم تتنشر دلوقتي في الجريدة
وفعلا دخلت الاوضه ونزلت علطول علي الجريدة اول ما تدخلت الجريدة طلعت علي المكتب ودخلت وفتحت الكمبيوتر عشان اكتب المعلومات اللي جتلي، المعلومات كانت أن الدخلية دلوقتي عرفت الشخص من البطاقة الشخصية اللي كانت موجود في لبس المتهم ولكن الغريب أن الداخلية لمه رحت تشوف الجثث الاب والاخت و الضحايا اللي المفروض ميتين وجده أن بيت الاب والاخت و المتهم مكنش فيهم ايه حاجه غريبه البيت شكل طبيعية جدا مفيش حاجه مكسورة مفيش حاجه مبهدلة الاماكن كانت طبيعيه جدا
ولكن السؤال هنا فين الضحايا؟ مكنوش موجودين محديش يعرف عنهم حاجه، الداخلية جمعت معلومات شامله عن عائلة المتهم وتم أخذ اقولهم في النيابه وكلهم ميعرفوش عنهم حاجه؟ كل ده حصل امبارح بالليل، ونشرت المقال علي الجريدة
لقيت التليفون بيرن ده جدي
- ايه يا حبيبي بقالك 5 ايام مش بتسال عن جدك حبيبيك
- أسف يا جدي والله ضغط شغل، معلش أنا أسف
- يا حبيبي متقولش كدة أنا متعود بس اسمع صوتك الجميل ده كل يوم، فقلت أطمني عليك
- انا بخير يا جدي، المهم انت عامل ايه يا حبيبي؟
- انا الحمد الله بخير
لقيت حسام زميلي في الجريدة داخل عليه وبيقولي علي مكنش شايف اني كنت بتكلم في التليفون، لقيت حسام بيقولي معلش خلص وكلم استاذ حسن عايزك، شورت لي حسام بيدي اني فهمت، لقيت جدي بيقولي
- خلاص يا حبيبي هقفل معاك دلوقتي عشان واضح انك مشغول
- أنا لو مشغول هفضالك يا جدي متقولش كدة
- يا واد يا بكاش
- طب بقولك ايه يا حبيبي هستناك النهاردة نتغدى مع بعض
- خلاص هشوف كدة عشان احتمال عمك شوقي يجالي انهاردة
- حاول يا جدي
- ماشي يا حبيبي اسيبك بقي عشان شغلك
- ماشي يا جدي سلام ياحبيبي
دماغي مشغولة مش عارف اركز
قفلت مع جدي ولسه هقوم عشان هروح لي استاذا حسن لقيت استاذ حسن داخل عليه وبيقولي :
.png "قصة واجه الشيطان قصة من أحداث حقيقية أنت لست ملائكة")
- ايه يا علي مش انا بعتلك مكتش ليه؟
- اسف يا فندم كنت بتكلم في التليفون
- ليه علاقة بقضية؟
- لا ده تليفون شخصي
- المهم انا كنت عايزك عشان افرحك واوريك النتائج اللي حصلت أول ما رفعت الفيديو علي موقع الجريدة و علي المواقع التواصل الاجتماعيه احنا من امبارح واحنا ترند يا علي بسببك
- الحمد الله ده فضل الله، وده شغلي وانا بحب شغالي يا استاذ حسن
- عارف يا علي عشان كدة انا اخترتك لي القضية دي، انت موصلتش لي حاجه تانيه، عايزين نعرف هل الشخص انتحر فعلا وليه اتقتل؟
- حضرتك أنا لسه كتاب مقال دلوقتي فيه احداث جديدة في القضيه، ولكن الاسئلة دي هي شغاله تفكيري من امبارح ايه اللي حصل مع المجني عليه، دماغه راحت فين؟، وفين الجثث؟
- يعني انت نشرت مقال دلوقتي؟
- ايوه يا فندم من نصف ساعة كدة
- أزاي واللي مسكين صفحات التواصل الاجتماعي منشروش ليه المقال علي صفحة الجريدة؟
- مش عارف يافندم
- انا هشوف الموضوع ده، كمل أنت شغلك يا بطل
خرج من المكتب وانا كلمت المصدر اللي بعتلي المعلومات علي الواتس اب ولكن مرتش عليه اكيد شغال قمت بعتلوه رسالة صوتية وقلت فيه : أزيك يا ..... الله ينور علي المعلومات، المهم انا عارف أني لسه مفيش جديد ولكن كنت عايز منك تبعتلي معلومات المتهم زي عنوانه، عنوان اخته، الاقارب وهكذا معليش يا صديقي انا عارف أني متقل عليك
كنت عمال افكر عن الضحايا هم راحوا فين؟ فتحت المكتب وطلعت ورقة وقلم وفضلت ارسم خرائط ذهنية ورسمت كل حاجه من بداية القضية لحد دلوقتي وكانت في اسئلة كتيرة في دماغي زي ليه شخص يقتل ابوه ومراته وعياله واخته وعيالها ليه؟ وازاي قتل كل العدد ده؟ وهل كان معاه حد؟ طب ليه يعترف علي نفسه؟ طب ليه انتحر؟
لقيت التليفون بيرن كانت مراتي الو
- ايه يا حبيبي الساعة 4 العصر
- ايوه مش فاهم يا حبيتي قصدك ايه؟
- ايه يا حبيبي انت مش هترجع البيت
- ايوه يا حبيبتي أنا كنت هقوم دلوقتي كدة كدة مفيش جديد من الصبح
- يعني احضر الاكل؟
- اه يا حبيبتي نص ساعة وهكون عندك
- تمام سلام يا حبيبي
- سلام يا حبيبتي
قمت أشيل الورق وقفلت المكتب ونزلت وبفتح العربية لقيت رسالة جتلي علي الواتس اب دخلت العربية وفتحت الرسالة وكانت من المصدر والرسالة كانت : ولا يهمك يا علي وانا علطول بطلع عينك وانت الصرحة بتعمل معايه فوق الواجب خليني ارد خدماتك شوية المهم الطب الشرعي اظهر ان المتهم منتحرش المتهم اتقتل والدخلية دلوقتي بدور علي الجثث والمعلومات اللي انت عايزة ثواني وهبعتهلك.
.png "قصة واجه الشيطان قصة من أحداث حقيقية أنت لست ملائكة")
خرجت من العربية وطلعت تاني المكتب عشان اكتب مقال عن اللي حصل جديد لقيت تليفوني بيرن مراتي كنسلت، القضية ده شكله هتكون صعبه اووي انا مش فاهم حاجه في حاجه مش مظبوطة، لقيت تليفوني بيرن تاني مراتي كنسلت، لقيت المعلومات اتبعت علي الواتس اب فتحت نقلت المعلومات من التليفون الي الكمبيوتر، لقيت مراتي بتكلمني علي الوتس اب كنسلت وبعتله رسالة علي الواتس اب وقولتلها انا مضغوط يا حبيبتي في الشغل ومش هعرف
هتغدي معاكي انهارد أنا اسف يا حبيبتي استحمليني ملعش وقفلت التليفون، طلعت الورق و القلم وكملت رسم الخرائط الذهنية، معلومات عادية، ولكن مش ممكن القي معلومة في بيت المتهم، لازم اروح بيت المتهم شيلت الورق وقفلت المكتب ونزلت وركبت العربية، رحت عند بيت المتهم وبراقب الجوه.
عارف أنت بتقول ايه دلوقتي؟ ولكن أنا مش طالع اسرق أنا بدور علي الحقيقة والصرحة مش ده مش اول مرة اعملها واستنيت الجوه يهده شوية وطلعت وطلعت ادواتي الخاصة عشان افتح الباب أخدت وقت كبيرة اووي عشان اتعلم فتح البيبان، وبفضل الله فتحت الباب ودخلت الشقة وقفلت الباب.
الخاتمة
وفي النهاية أتمني أن تكون استمتعت ولا تنسي أن تكتب رايك في التعليقات وإذا كنت تريد الدعم المادي فا سوف تجد في الأسفل إذا كنت تقرا من علي الهاتف وسوف تجد علي الجانب إذا كنت تقرا من خلال الكمبيوتر وإذا كنت تريد التواصل معي أو قراءة ومشاهدة كل جديد عليك الاشتراك في الصفحة وجروب الويب المظلم 30 وعليك أن تتجول قليلا في موقعي حتي لا تصيبك اللعنة.