recent
أخبار ساخنة

قصة واجه الشيطان قصة من أحداث حقيقية أنت لست ملائكة 4 - الويب المظلم 30


قصة واجه الشيطان قصة من أحداث حقيقية أنت لست ملائكة 4




مرحبا بك يا صديقي كيف حالك اليوم أتمني أن تكون بخير، تنويه هذه القصة من أحداث حقيقية وتم التعديل عليه، أتمني أن تعجيبك يا صديقي العزيز، الآن قبل كل شيء أريد منك قبل الدخول إلي عالمي الخاص أريد منك الجلوس في مكان هادئ و مظلم  وأن يكون معك مشروبك المفضل ويستحسن أن تلبس الهاندي فري وتقوم بتشغيل الفيديو الذي سوف تجدها في الأسفل.


قصة واجه الشيطان قصة من أحداث حقيقية أنت لست ملائكة 4



الغريب إني حسيت نفس الإحساس اللي أنا حسيته لمه كنت في شقته الجاني، قلبي انقبض الشقة كانت ساخنة جدا ولكن المختلف أن الشقه دي فيه رائحة وحشه اوووي، والشقة كانت ضلمة اوي برغم أن لسه الساعة 5 وأول ما تضغط علي زر أضاءه النور لقيت نور احمر بينور ويطفي، في حاجه مش مظبوطة طلعت التليفون هكلم مصطفي ولكن ايه ده مفيش شبكه خالص في الشقه رايح افتح الباب الباب مش بيفتح جريت افتح البلوكنة لسه بشد الستائر ملقتش بلكونة ولا شباك


الستائر كانت دكور جريت علي الاوض ولكن مفيش باب عايز يفتح البِيبَان شكلها غريب جدا مش عارف اعمل ايه سمعت صوت باب الشقة بيتفتح، مكنتش عارف اروح فين كل حاجه مقفولها ومفيش غير المواجهة، لقيت احمد محمد دخل الشقه وقفل الباب بكل هدوء وقال متخفش انا عارف انك موجود ياعلي، هو كان عارف اني كنت في الشقة


دخل الصالة وعينه جت في عيني وقال متخفش اقعد اتفضل انت اه اقتحمت بيتي ولكن أنا مسامحك أتفضل متخفش، أنا عارفك كويس انك شجاع  أتفضل عشان عايز أتكلم معاك شوية، كل ده وأنا متوتر مش عارف  اتكلم مش عارف هو عرف ازاي إني أنا في بيته؟ عرف ازاي اسمي؟ أسئلة كتير بدور في دماغي ولكن أنا لازم اركز في الموقف اللي أنا فيه ده.

- أنت رحت فين يا علي؟ اقعد

- أنت عرفت اسمي منين

- اسمك بس أنا عارف عنك كل حاجه من أول يوم كنت بترقيبني أنت وصحبك، أنت عايز مني ايه؟

- عايز اوصل لي الحقيقية

- متأكد، أن ده هدفك الوحي؟

- ايوه طبعا متأكد

- حقيقية ايه اللي انت بتدور عليها؟ 

- قضية خالك؟

- واحد قتل وبعد كدة حس بذنب وموت نفسه، فين المشكلة هنا؟

- المشكلة أن مفيش أي جثث ظهرت، وأن الطب الشرعي قال أن خالك أتقتل، منتحرش

- طب انا ايه علاقتي بالحور ده؟ واللي اعرفه اصلا إن القضية اتقفلت أنت  تاعب نفسك ليه؟

- ليه اخترقت حساب خالك البنكي؟

- ايه دليلك؟

- الحكومة لمه راحت شقة خالك عثرت علي لاب توب وعليه معلومات ودي معلومة من المعلومات

- هههههههه الحكومة اها والمعلومات دي مظهرتش ليه لمه كان بيتحقق معايا

- صمت 

- ساكت ليه؟ أنا عارف كويس انك دخلت شقته خالي وأخد اللاب توب، أنا مش عارف أنت شغال ايه؟ صحفي ولا شغال مع الحكومة ولا شغال حرمي وبتقتحم بيوت مش عارف الصراحة؟ 

- صمت 

- بصي يا علي من غير كلام كتير، أنت متصور وانت داخل بيت خالي ومتصور وانت داخل بيتي وانت عارف كويس أن الفيديوهات دي لو ظهرت مستقبلك هيدمر وانت لسه في البداية، والفيديوهات دي مش هتظهر غير لو انت كسرت الاتفاق اللي هيتم بينا دلوقتي.

- وايه هو الاتفاق؟

- أن القضية دي تمسح من دماغك خالص ومش القضية بس وانا كمان، تمام

- ولو موفقتش؟

- مش غبي انت يا علي عشان مترفضش

- مش يمكن يكون ده ذكاء من وجهت نظري

- الفيديوهات هتكون عند الحكومة يا علي 

- زي ما انت ماسك عليا الفيديوهات، انا برضو معايا دليل قوي عليك 

- هههههه قصدك الرسالة اللي موجود علي الجيميل

- ايوه 

- وايه علاقة ده بالقضية أصلا

- ده دليل قوي أن انت و خالك كان في بينكم خلافات، والخلافات ده ممكن توصل لي القتل، زي ما اخترقت حسابه البنكي، ممكن تقتله.

- لو لقيت الدليل يا علي 

- قصدك ايه

- اسال صحبك العبقري، مفيش حد هيخسر غيرك انت يا علي وانت صاحب القرار، هتوافق ولا لا 

- صمت 

- متفكرش كتير مفيش غير اتجاه واحد، اسمع الكلام 

- تمام، وأنا موافق

- علي انا مش عايز اذيك، ابعد عني وعن القضية عشان متزعلش من اللي هيحصل 


أتحولت ملامحة الهادية أتغيرت في ثانية، وقال الكلام ده بكل غضب وعينيه كانت مليانه شر اترعبت من نظراته، رديت عليه وقلت متقلقش وخرجت من الشقة  وجريت ايوه جريت شعور صعب جدا، كنت مخنوق من الرائحة والمكان كان مقبوض جدا فضلت اجري اجري مش عارف ريح فين المهم إني  أبعد عن بيت احمد محمد، رحت البيت طلعت فتحت الباب مراتي عماله تكلمني وأنا في عالم تاني دماغي فيه مليون سؤال دخلت الحمام وأخد دش سخن عشان اعصابي تهدي وارتاح.


ودخلت انام، صحيت من النوم لقيت نفسي في مكان ضلمة مكنش في نور خالص ولكن كان في همس كان في حد بيقولي اتحرك ازاي وفضلت ماشي ماشي لحد ما لقيت باب الشقة بتاع احمد محمد لقيت الهمس بيقولي افتح الباب، وفعلا فتحت الباب وكانت شقة احمد محمد دخلت الصالة ظهرت الرائحة الكريهة تاني اتحركت في الصالة ولكن مكنش فيه حاجه، رايح عند بيبان الاوض، لقيت الهمس بيقولي اهرب ولكن كان عندي فضول اعرف ايه اللي جوه في الاوضه وأول ما لمست مقبض الباب 

قصة واجه الشيطان قصة من أحداث حقيقية أنت لست ملائكة 4


ظهر احمد محمد وكان شكله مرعب اووي وبيقولي ليه خالفة العهد؟ ليه خالفة العهد؟ ليه خالفة العهد؟  فضلت اقول أنا أسف، أسف، أسف، علي علي علي وصحيت من النوم مفزوع علي صوت مراتي أعوذ بالله من الشطان الرجيم، أعوذ بالله من الشيطان الرجيم، وكنت بترعش وصوت قلبي كان مسموع وكنت خرقان عرق، مراتي قامة عملتي كوباية ميه بسكر وبتقولي إهداء، إهداء، إهداء، انت كنت بتحلم يا علي، ده مجرد حلم



قمت من علي السرير وطلعت من الاوضة ولقيت مراتي جيه واريه مسكت التليفون واتصلت علي مصطفي، مفيش حد بيرد بشوف الساعة كام لقيت الساعة 4 الفجر، اكيد نايم ولكن ازي متصلش بيه كل ده؟ أزاي مكنش موجود قدام بيت احمد محمد لمه نزلت؟ 


- احمد محمد مين يا علي؟ 

- أنا لازم انزل دلوقتي أشوف مصطفي

- علي انت عارف الساعة كام دلوقتي 

- عارف ومش عايز كلام كتير 

وفعلا دخلت زي المجنون الاوضة البس وأخد التليفون ومفاتيح العربية ونزلت ركبت العربية ورحت عند بيت مصطفي ولقيت عربية مصطفي قدام البيت طلعت اخبط علي الباب فضلت اخبط اخبط كنت هكسر الباب من كتر التخبيط، اكيد مش كل ده نايم مكنش قدامي غير اني افتح الباب ونزلت عند العربية وحولت اصنع أدوات بدائية تساعدني أني افتح الباب، وطلعت عشان احاول وفعلا فتحت الباب بعد ربع ساعة من المحاولات الحمد الله قدرت افتح الباب، ودخلت اشوف مصطفي مش موجود في الصالة مش موجود في الاوضه مش موجود في المطبخ مفيش غير الحمام جاي افتح الحمام 

قصة واجه الشيطان قصة من أحداث حقيقية أنت لست ملائكة 4


الحمام مقفول من جوه، فضلت اقول يا مصطفي يا مصطفي واخبط علي الباب، اكيد هو جوه ولازم اكسر الباب وفعلا كسرت الباب والباب اتفتح وشفت منظر عمري ما هنساه في حياتي، شفت مصطفي واقع علي الارض عريان وغرقان في دمه مقدرتش ادخل الحمام، وفضلت اعيط وطلعت التليفون من جيبي وكلمت النجده، انتظر الجزء الخامس في يوم الخميس القادم وكل سنه وانتم طيبين.


الخاتمة 

وفي النهاية أتمني أن تكون استمتعت ولا تنسي أن تكتب رايك في التعليقات وإذا كنت تريد الدعم المادي فا سوف تجد في الأسفل إذا كنت تقرا من علي الهاتف وسوف تجد علي الجانب إذا كنت تقرا من خلال الكمبيوتر  وإذا كنت تريد التواصل معي أو قراءة ومشاهدة كل جديد عليك الاشتراك في الصفحة وجروب الويب المظلم 30 وعليك أن تتجول قليلا في موقعي حتي لا  تصيبك اللعنة.


قصة واجه الشيطان قصة من أحداث حقيقية أنت لست ملائكة 4 - الويب المظلم 30
Dark

تعليقات

ليست هناك تعليقات
إرسال تعليق
    google-playkhamsatmostaqltradent